1 ຊາມູເອນ 18:16 - ພຣະຄຳພີສັກສິ

¹⁶ ແຕ່​ທຸກໆຄົນ​ໃນ​ຊາດ​ອິດສະຣາເອນ ແລະ​ຢູດາ​ຕ່າງ​ກໍ​ຮັກ​ດາວິດ ເພາະ​ລາວ​ເປັນ​ຜູ້ນຳ​ທີ່​ເຮັດ​ສຳເລັດ​ໜ້າທີ່​ທຸກຢ່າງ.

1 ຊາມູເອນ 18:16 Jak'a apnaqawi uñst'ayäwi

2 ຊາມູເອນ 5:2

ໃນ​ອະດີດ​ເມື່ອ​ກະສັດ​ໂຊນ​ຍັງ​ເປັນ​ກະສັດ​ຢູ່​ນັ້ນ ທ່ານ​ເອງ​ກໍໄດ້​ນຳພາ​ປະຊາຊົນ​ອິດສະຣາເອນ​ອອກ​ສູ່​ສະໜາມຮົບ ແລະ​ພຣະເຈົ້າຢາເວ​ໄດ້​ກ່າວ​ກັບ​ທ່ານ​ວ່າ, ‘ທ່ານ​ຈະ​ເປັນ​ຜູ້ນຳ ແລະ​ຜູ້ປົກຄອງ​ປະຊາຊົນ​ຂອງ​ພຣະອົງ.”’

1 ກະສັດ 3:7

ຂ້າແດ່​ພຣະເຈົ້າຢາເວ ພຣະເຈົ້າ​ຂອງ​ຂ້ານ້ອຍ ພຣະອົງ​ໄດ້​ໃຫ້​ຂ້ານ້ອຍ​ຂຶ້ນ​ເປັນ​ກະສັດ​ສືບແທນ​ພໍ່​ຂອງ​ຂ້ານ້ອຍ​ຄື​ດາວິດ ເຖິງ​ແມ່ນ​ວ່າ​ຂ້ານ້ອຍ​ຍັງ​ໜຸ່ມ ແລະ​ບໍ່​ຮູ້ຈັກ​ວ່າ​ຈະ​ປົກຄອງ​ຢ່າງໃດ.

ເອສະເທີ 10:3

ມໍເດໄກ ຄົນ​ຢິວ​ຜູ້​ນີ້ ແມ່ນ​ຜູ້​ດຽວ​ເທົ່ານັ້ນ ທີ່​ໄດ້​ຮັບ​ຕຳແໜ່ງ​ເປັນ​ຜູ້​ຮອງ​ຈາກ​ກະສັດ​ເຊເຊັດ. ເພິ່ນ​ໄດ້​ຮັບ​ການ​ຍ້ອງຍໍ​ໃຫ້ກຽດ ແລະ​ເປັນ​ທີ່​ພໍໃຈ​ຂອງ​ພີ່ນ້ອງ​ຊາວຢິວ. ເພິ່ນ​ເຮັດ​ວຽກ​ເພື່ອ​ຜົນປະໂຫຍດ​ຂອງ​ຊົນຊາດ​ຂອງ​ເພິ່ນ ແລະ​ເພື່ອ​ຄວາມ​ປອດໄພ​ຂອງ​ລູກຫລານ​ເຊັ່ນ​ຕໍ່ມາ​ທັງໝົດ​ຂອງ​ເພິ່ນ.

ຈົດບັນຊີ 27:17

ແລະ​ສາມາດ​ບັນຊາ​ພວກເຂົາ​ເຂົ້າ​ສູ້ຮົບ​ໄດ້ ເພື່ອ​ວ່າ​ປະຊາຊົນ​ຂອງ​ພຣະເຈົ້າຢາເວ​ຈະ​ບໍ່​ເປັນ​ດັ່ງ​ຝູງແກະ​ທີ່​ຂາດ​ຜູ້​ລ້ຽງ.”

ລູກາ 19:48

ແຕ່​ພວກເຂົາ​ບໍ່​ເຫັນ​ຊ່ອງທາງ​ທີ່​ຈະ​ເຮັດ​ໄດ້ ເພາະ​ປະຊາຊົນ​ທັງຫລາຍ​ໄດ້​ຕິດພັນ ແລະ​ຕັ້ງໃຈ​ຟັງ​ຄຳສັ່ງສອນ​ຂອງ​ພຣະອົງ.

ລູກາ 20:19

ຝ່າຍ​ພວກ​ທຳມະຈານ ແລະ ພວກ​ຫົວໜ້າ​ປະໂຣຫິດ​ຮູ້​ຢູ່​ວ່າ, ພຣະອົງ​ຊົງ​ກ່າວ​ຄຳອຸປະມາ​ນີ້​ຕໍ່ສູ້​ພວກເຂົາ ພວກເຂົາ​ຈຶ່ງ​ວາງແຜນ​ຈັບ​ພຣະອົງ ແຕ່​ພວກເຂົາ​ຢ້ານ​ປະຊາຊົນ.

1 ຊາມູເອນ 18:13

ດັ່ງນັ້ນ ກະສັດ​ໂຊນ​ຈຶ່ງ​ສົ່ງ​ດາວິດ​ໜີ ໂດຍ​ແຕ່ງຕັ້ງ​ລາວ​ໃຫ້​ເປັນ​ຜູ້​ບັນຊາການ​ທະຫານ​ໜຶ່ງພັນ​ຄົນ. ດາວິດ​ໄດ້​ນຳ​ໜ້າ​ທະຫານ​ຂອງຕົນ​ອອກ​ໄປ​ສູ່​ສະໜາມຮົບ.

1 ຊາມູເອນ 18:15

ກະສັດ​ໂຊນ​ສັງເກດ​ເຫັນ​ດາວິດ​ເຮັດ​ສຳເລັດ​ໜ້າທີ່​ທຸກຢ່າງ ເພິ່ນ​ກໍ​ເກີດ​ຢ້ານກົວ​ລາວ​ຫລາຍ​ຂຶ້ນ.

1 ຊາມູເອນ 18:5

ດາວິດ​ໄດ້​ອອກ​ໄປ​ເຮັດ​ວຽກ​ດ້ວຍ​ຄວາມ​ສະຫຼຽວ​ສະຫຼາດ​ແລະ​ສຳເລັດ​ໜ້າທີ່​ທຸກຢ່າງ ຕາມ​ທີ່​ກະສັດ​ໂຊນ​ໄດ້​ສັ່ງ. ດັ່ງນັ້ນ ເພິ່ນ​ຈຶ່ງ​ແຕ່ງຕັ້ງ​ລາວ​ໃຫ້​ເປັນ​ນາຍ​ທະຫານ​ໃນ​ກອງທັບ​ຂອງ​ເພິ່ນ. ເລື່ອງ​ນີ້​ໄດ້​ສ້າງ​ຄວາມ​ພໍໃຈ​ແກ່​ບັນດາ​ນາຍ​ທະຫານ ແລະ​ພົນທະຫານ​ທຸກຄົນ​ຂອງ​ໂຊນ.