1 ຊາມູເອນ 18:10 - ພຣະຄຳພີສັກສິ

¹⁰ ວັນ​ຕໍ່ມາ ວິນຍານ​ຊົ່ວຮ້າຍ​ທີ່​ອົງພຣະ​ຜູ້​ເປັນເຈົ້າ​ໄດ້​ສົ່ງ​ມາ ກໍ​ເຂົ້າ​ສິງ​ກະສັດ​ໂຊນ​ທັນທີ; ເພິ່ນ​ໄດ້​ເວົ້າ​ລະເມີ​ຢູ່​ໃນ​ເຮືອນ​ຂອງຕົນ​ດັ່ງ​ຄົນບ້າ. ສ່ວນ​ດາວິດ​ນັ້ນ​ດີດພິນ​ຢູ່​ດັ່ງ​ທີ່​ເຄີຍ​ເຮັດ​ມາ​ທຸກ​ວັນ ແລະ​ກະສັດ​ໂຊນ​ກໍ​ຖື​ຫອກ​ຢູ່​ໃນ​ມື.

1 ຊາມູເອນ 18:10 Jak'a apnaqawi uñst'ayäwi

1 ກະສັດ 18:29

ພວກເຂົາ​ໄດ້​ເຮັດ​ດັ່ງນີ້​ໄປ​ຈົນເຖິງ​ເວລາ​ຖວາຍບູຊາ​ຕອນແລງ, ແຕ່​ບໍ່ມີ​ຄຳຕອບ​ແລະ​ບໍ່ມີ​ສຽງ​ໃດໆ​ເລີຍ.

1 ກະສັດ 22:12

ພວກ​ຜູ້ທຳນວາຍ​ຄົນອື່ນໆ ກໍ​ເວົ້າ​ຢ່າງ​ດຽວກັນ. ພວກເຂົາ​ເວົ້າ​ວ່າ, “ຈົ່ງ​ຍົກທັບ​ໄປ​ໂຈມຕີ​ເມືອງ​ຣາໂມດ​ແລະ​ທ່ານ​ກໍ​ຈະ​ຊະນະ. ພຣະເຈົ້າຢາເວ​ຈະ​ໃຫ້​ທ່ານ​ໄດ້​ໄຊຊະນະ.”

ເຢເຣມີຢາ 28:11

ແລະ​ກ່າວ​ໂດຍ​ຊ້ອງໜ້າ​ປະຊາຊົນ​ທັງໝົດ​ວ່າ, “ພຣະເຈົ້າຢາເວ​ກ່າວ​ວ່າ ພຣະອົງ​ຈະ​ຫັກ​ແອກ​ຂອງ​ກະສັດ​ເນບູ​ກາດເນັດຊາ​ແຫ່ງ​ບາບີໂລນ ທີ່​ວາງ​ເທິງ​ຄໍ​ຂອງ​ຊົນຊາດ​ທັງຫລາຍ​ນັ້ນ​ຢ່າງນີ້​ແຫຼະ; ແລະ​ພຣະອົງ​ຈະ​ກະທຳ​ການນີ້​ພາຍ​ໃນ​ສອງ​ປີ.” ແລ້ວ​ຂ້າພະເຈົ້າ​ກໍ​ຈາກ​ໄປ.

ກິດຈະການ 16:16

ຢູ່​ມາ​ວັນ​ໜຶ່ງ ພວກເຮົາ​ກຳລັງ​ໄປ​ບ່ອນ​ພາວັນນາ​ອະທິຖານ ແລະ​ມີ​ຂ້າທາດ​ຍິງ​ຜູ້ໜຶ່ງ​ມາ​ພົບ​ພວກເຮົາ, ຍິງ​ຜູ້​ນີ້​ມີ​ຜີຮ້າຍ​ສິງ ເຮັດ​ໃຫ້​ນາງ​ດູມໍ​ໄດ້, ນາງ​ດູມໍ​ຫາ​ເງິນ​ໃຫ້​ນາຍ​ຂອງຕົນ​ໄດ້​ຢ່າງ​ຫລວງຫລາຍ.

2 ເທສະໂລນິກ 2:11

ດັ່ງນັ້ນ ພຣະເຈົ້າ​ຈຶ່ງ​ໃຫ້​ອິດທິພົນ​ອັນ​ຫລອກລວງ​ນັ້ນ ເຮັດ​ການ​ຢູ່​ພາຍໃນ ເພື່ອ​ໃຫ້​ພວກເຂົາ​ເຊື່ອຟັງ​ຄວາມ​ບໍ່​ຈິງ.

ພວກ^ຜູ້ປົກຄອງ 16:20

ນາງ​ເດລີລາ​ຮ້ອງ​ຂຶ້ນ​ວ່າ, “ແຊມຊັນ ພວກ​ຟີລິດສະຕິນ​ກຳລັງ​ມາ.” ແຊມຊັນ​ຈຶ່ງ​ລຸກ​ຂຶ້ນ​ແລະ​ຄິດ​ວ່າ, “ຂ້ອຍ​ຈະ​ໄປ​ໄດ້​ຢ່າງ​ສະບາຍ​ດັ່ງ​ແຕ່​ກ່ອນ.” ລາວ​ບໍ່​ຮູ້​ເລີຍ​ວ່າ​ພຣະເຈົ້າຢາເວ​ບໍ່ໄດ້​ຢູ່​ນຳ​ລາວ​ແລ້ວ.

1 ຊາມູເອນ 16:23

ນັບ​ຕັ້ງແຕ່​ນັ້ນ​ມາ ເມື່ອໃດ​ວິນຍານ​ຊົ່ວຮ້າຍ​ຈາກ​ພຣະເຈົ້າ​ເຂົ້າ​ສິງ​ກະສັດ​ໂຊນ ດາວິດ​ກໍ​ຈັບ​ພິນ​ຂອງຕົນ​ຂຶ້ນ​ມາ​ດີດ​ເມື່ອນັ້ນ ແລ້ວ​ວິນຍານ​ຊົ່ວຮ້າຍ​ກໍ​ອອກ​ໜີໄປ. ກະສັດ​ໂຊນ​ຈຶ່ງ​ຮູ້ສຶກ​ສະບາຍ​ຂຶ້ນ ແລະ​ເປັນ​ປົກກະຕິ​ອີກ.

1 ຊາມູເອນ 18:9

ນັບ​ຕັ້ງແຕ່​ວັນ​ນັ້ນ​ມາ ເພິ່ນ​ກໍ​ເກີດ​ອິດສາ​ແລະ​ຈັບຕາ​ເບິ່ງ​ໃນ​ຕົວ​ດາວິດ.

1 ຊາມູເອນ 19:10

ກະສັດ​ໂຊນ​ພະຍາຍາມ​ໃຊ້​ຫອກ​ແທງ​ດາວິດ​ຕິດ​ກັບ​ຝາ, ແຕ່​ດາວິດ​ຫລົບຫລີກ​ທັນ ຫອກ​ນັ້ນ​ຈຶ່ງ​ໄປ​ສຽບ​ກັບ​ຝາ. ແລ້ວ​ດາວິດ​ກໍ​ແລ່ນ​ໜີໄປ​ເພື່ອ​ເອົາ​ຊີວິດ​ລອດ.

1 ຊາມູເອນ 19:7

ດັ່ງນັ້ນ ໂຢນາທານ​ຈຶ່ງ​ເອີ້ນ​ດາວິດ​ມາ​ແລະ​ບອກ​ລາວ​ທຸກສິ່ງ. ແລ້ວ​ລາວ​ກໍ​ພາ​ດາວິດ​ເຂົ້າ​ໄປ​ຫາ​ກະສັດ​ໂຊນ ແລະ​ດາວິດ​ກໍໄດ້​ຮັບໃຊ້​ກະສັດ​ເໝືອນດັ່ງ​ແຕ່​ກ່ອນ.

1 ຊາມູເອນ 19:9

ວັນໜຶ່ງ ວິນຍານ​ຊົ່ວຮ້າຍ​ທີ່​ພຣະເຈົ້າຢາເວ​ໃຊ້​ມາ​ນັ້ນ ໄດ້​ເຂົ້າ​ສິງ​ກະສັດ​ໂຊນ​ອີກ. ເພິ່ນ​ໄດ້ນັ່ງ​ຢູ່​ໃນ​ວັງ​ແລະ​ຖື​ຫອກ​ໃນ​ມື, ຂະນະທີ່​ດາວິດ​ກໍ​ກຳລັງ​ດີດພິນ​ຢູ່​ໃນ​ທີ່ນັ້ນ.

1 ຊາມູເອນ 26:19

ຂ້າແດ່​ພະຣາຊາ ຂໍ​ທ່ານ​ຟັງ​ຂ້ານ້ອຍ​ເວົ້າ​ສາ​ກ່ອນ ຖ້າ​ແມ່ນ​ພຣະເຈົ້າຢາເວ​ໃຫ້​ທ່ານ​ເປັນ​ຜູ້​ຕໍ່ສູ້​ຂ້ານ້ອຍ​ແລ້ວ ການ​ຖວາຍບູຊາ​ຢ່າງ​ໜຶ່ງ​ກໍ​ຈະ​ກະທຳ​ໃຫ້​ພຣະອົງ​ປ່ຽນໃຈ, ແຕ່​ຖ້າ​ແມ່ນ​ມະນຸດ​ເປັນ​ຜູ້​ກະທຳ​ເອງ ກໍ​ຂໍ​ໃຫ້​ຄຳສາບແຊ່ງ​ຂອງ​ພຣະເຈົ້າຢາເວ​ຕົກ​ຖືກ​ພວກເຂົາ ເພາະ​ພວກເຂົາ​ເອງ​ເປັນ​ຜູ້​ຕາມລ່າ​ຂ້ານ້ອຍ​ໃຫ້​ອອກ​ຈາກ​ດິນແດນ​ຂອງ​ພຣະເຈົ້າຢາເວ ແລະ​ໃຫ້​ຂ້ານ້ອຍ​ໄປ​ອາໄສ​ຢູ່​ໃນ​ປະເທດ​ທີ່​ຂ້ານ້ອຍ​ຈຳເປັນ​ຕ້ອງ​ຂາບໄຫວ້​ພະອື່ນ.