1 ຊາມູເອນ 17:51 - ພຣະຄຳພີສັກສິ

⁵¹ ດາວິດ​ແລ່ນ​ເຂົ້າ​ໄປ​ຫາ​ໂກລີອາດ​ຢຽບ​ໂຕ​ລາວ​ໄວ້, ຖອດ​ເອົາ​ດາບ​ຂອງ​ໂກລີອາດ​ອອກ​ມາ​ຈາກ​ຝັກ ແລະ​ໃຊ້​ດາບ​ນັ້ນ​ຕັດ​ຫົວ​ຂອງ​ລາວ. ເມື່ອ​ພວກ​ຟີລິດສະຕິນ​ເຫັນ​ວ່າ ຜູ້​ເກັ່ງກ້າ​ຂອງ​ພວກ​ຕົນ​ຕາຍໄປ​ແລ້ວ ພວກເຂົາ​ຈຶ່ງ​ພາກັນ​ແລ່ນ​ປົບໜີໄປ.

1 ຊາມູເອນ 17:51 Jak'a apnaqawi uñst'ayäwi

2 ຊາມູເອນ 23:21

ລາວ​ຍັງ​ໄດ້​ຂ້າ​ຄົນ​ເອຢິບ​ຜູ້ໜຶ່ງ​ຊຶ່ງ​ເປັນ​ຄົນ​ຮ່າງໃຫຍ່ ແລະ​ມີ​ຫອກ​ເປັນ​ອາວຸດ. ເບນາອີຢາ​ຕໍ່ສູ້​ລາວ​ໂດຍ​ໃຊ້​ໄມ້ຄ້ອນ​ເພື່ອ​ຍາດ​ຫອກ​ຈາກ​ມື​ຂອງ​ຄົນ​ເອຢິບ ແລະ​ໃຊ້​ຫອກ​ນັ້ນ​ຂ້າ​ຄູ່​ຕໍ່ສູ້.

2 ຊາມູເອນ 4:7

ເມື່ອ​ເຂົ້າ​ໄປ​ຂ້າງ​ໃນ​ແລ້ວ ພວກເຂົາ​ຈຶ່ງ​ໄປ​ໃນ​ຫ້ອງ​ນອນ​ຂອງ​ອີຊະໂບເຊັດ ຜູ້​ທີ່​ພວມ​ນອນ​ຫລັບ​ຢູ່​ຢ່າງ​ສະບາຍ ແລະ​ຂ້າ​ເພິ່ນ​ເສຍ. ພວກເຂົາ​ໄດ້​ຕັດ​ເອົາ​ຫົວ​ເພິ່ນ​ຖື​ໄປ​ນຳ ແລະ​ຍ່າງ​ຕະຫລອດ​ຄືນ​ຜ່ານ​ຮ່ອມພູ​ຈໍແດນ.

ເອສະເທີ 7:10

ດັ່ງນັ້ນ ຮາມານ​ຈຶ່ງ​ຖືກ​ແຂວນຄໍ​ໃສ່​ບ່ອນ​ທີ່​ລາວ​ເອງ​ໄດ້​ສ້າງ​ຂຶ້ນ ເພື່ອ​ແຂວນຄໍ​ມໍເດໄກ. ແລ້ວ​ຄວາມ​ໂກດຮ້າຍ​ຂອງ​ກະສັດ​ກໍໄດ້​ເຢັນລົງ.

ເຮັບເຣີ 11:34

ໄດ້​ມອດ​ໄຟ​ອັນ​ຮ້ອນກ້າ, ໄດ້​ພົ້ນ​ຈາກ​ຄົມ​ດາບ​ຂອງ​ຄູ່​ຕໍ່ສູ້. ເຖິງ​ແມ່ນ​ວ່າ​ພວກເພິ່ນ​ອ່ອນແອ, ແຕ່​ພວກເພິ່ນ​ກໍ​ກັບ​ກາຍເປັນ​ຄົນ​ເຂັ້ມແຂງ, ມີ​ກຳລັງ​ຄວາມ​ສາມາດ​ອົງອາດ​ກ້າຫານ ແລະ​ໄດ້​ຕີ​ບັນດາ​ກອງທັບ​ຂອງ​ຊາວ​ຕ່າງ​ປະເທດ​ໃຫ້​ແຕກ​ໜີໄປ.

ເຮັບເຣີ 2:14

ເຫດສະນັ້ນ ເມື່ອ​ພວກ​ລູກ​ໄດ້​ຮ່ວມ​ໃນ​ເລືອດເນື້ອ​ອັນ​ດຽວກັນ ຝ່າຍ​ພຣະອົງ​ຈຶ່ງ​ໄດ້​ຊົງ​ຮ່ວມ​ໃນ​ຊາດ​ມະນຸດ​ເໝືອນກັນ ເພື່ອ​ໂດຍ​ທາງ​ຄວາມ​ຕາຍ​ນັ້ນ ພຣະອົງ​ຈະ​ໄດ້​ຊົງ​ທຳລາຍ​ຜູ້​ທີ່​ມີ​ອຳນາດ​ແຫ່ງ​ຄວາມ​ຕາຍ ຄື​ມານຮ້າຍ,

1 ຊາມູເອນ 17:50

ດັ່ງນັ້ນ ດາວິດ​ຈຶ່ງ​ເອົາ​ຊະນະ​ແລະ​ຂ້າ​ໂກລີອາດ ດ້ວຍ​ກະຖຸນ​ກັບ​ຫີນ​ພຽງ​ກ້ອນດຽວ​ໂດຍ​ບໍ່ໄດ້​ໃຊ້​ດາບ.

1 ຊາມູເອນ 21:10

ສະນັ້ນ ດາວິດ​ຈຶ່ງ​ຈາກ​ໄປ​ໂດຍ​ປົບໜີ​ຈາກ​ກະສັດ​ໂຊນ ແລະ​ໄດ້​ໄປ​ຫາ​ເຈົ້າ​ອາກີເຊ​ແຫ່ງ​ເມືອງກາດ.

1 ຊາມູເອນ 21:9

ອາຮີເມເຫຼັກ​ຕອບ​ວ່າ, “ມີ ແມ່ນ​ດາບ​ຂອງ​ໂກລີອາດ​ຄົນ​ຟີລິດສະຕິນ ຜູ້​ທີ່​ທ່ານ​ໄດ້​ຂ້າ​ໃນ​ຮ່ອມພູ​ເອລາ​ນັ້ນ. ມັນ​ຢູ່​ທາງ​ຫລັງ​ຂອງ​ເອໂຟດ ແລະ​ມີ​ຜ້າ​ພັນ​ໄວ້. ມັນ​ເປັນ​ອາວຸດ​ຢ່າງ​ດຽວ​ເທົ່ານັ້ນ​ທີ່​ມີ​ຢູ່​ໃນ​ທີ່​ນີ້ ຖ້າ​ທ່ານ​ຢາກ​ໄດ້​ກໍ​ເຊີນ​ເອົາ​ໄປ​ໂລດ.” ດາວິດ​ເວົ້າ​ວ່າ, “ຈົ່ງ​ເອົາ​ໃຫ້​ຂ້າພະເຈົ້າ​ເຖີດ ບໍ່ມີ​ດາບ​ດວງ​ໃດ​ຈະ​ດີ​ໄປ​ກວ່າ​ດາບ​ດວງ​ນີ້.”

1 ຊາມູເອນ 31:9

ພວກເຂົາ​ຈຶ່ງ​ຕັດ​ເອົາ​ຫົວ​ກະສັດ​ໂຊນ, ແກ້​ເຄື່ອງ​ອາວຸດ​ອອກ ແລະ​ສົ່ງ​ຄົນນຳຂ່າວ​ໄປ​ທົ່ວ​ຟີລິດສະຕິນ ເພື່ອ​ແຈ້ງ​ຂ່າວດີ​ໄປ​ເຖິງ​ວັດຕ່າງໆ​ທີ່​ມີ​ຮູບເຄົາຣົບ ແລະ​ໄປ​ເຖິງ​ປະຊາຊົນ​ຂອງ​ພວກເຂົາ​ທຸກໆ​ຄົນ.