1 ຊາມູເອນ 16:6 - ພຣະຄຳພີສັກສິ

⁶ ເມື່ອ​ພວກເຂົາ​ມາ​ຮອດ ຊາມູເອນ​ກໍ​ຫລຽວ​ເຫັນ​ເອລີອາບ​ລູກຊາຍ​ຂອງ​ເຢຊີ ເພິ່ນ​ຈຶ່ງ​ຄິດ​ໃນ​ໃຈ​ວ່າ, “ຊາຍ​ທີ່​ຢືນ​ຢູ່​ຊ້ອງໜ້າ​ພຣະເຈົ້າຢາເວ ຕ້ອງ​ແມ່ນ​ຜູ້​ທີ່​ພຣະເຈົ້າຢາເວ​ເລືອກ​ໄວ້​ຢ່າງ​ແນ່ນອນ.”

1 ຊາມູເອນ 16:6 Jak'a apnaqawi uñst'ayäwi

1 ກະສັດ 12:26

ເພິ່ນ​ເວົ້າ​ກັບ​ຕົນເອງ​ວ່າ, “ເມື່ອ​ສະພາບ​ການ​ເປັນ​ຄື​ແນວ​ນີ້ ຖ້າ​ປະຊາຊົນ​ຂອງເຮົາ​ສືບຕໍ່​ໄປ​ຖວາຍ​ເຄື່ອງ​ບູຊາ​ທີ່​ວິຫານ​ຂອງ​ພຣະເຈົ້າຢາເວ ແຫ່ງ​ນະຄອນ​ເຢຣູຊາເລັມ; ພວກເຂົາ​ຈະ​ປ່ຽນໃຈ​ໄປ​ເປັນ​ພວກ​ຂອງ​ເຣໂຫໂບອາມ​ແຫ່ງ​ຢູດາຍ ແລະ​ຈະ​ຂ້າ​ເຮົາ​ເສຍ.”

1 ກະສັດ 4:11

ເບນາບີນາດາບ ຜູ້​ທີ່​ແຕ່ງງານ​ກັບ​ຕາຟາດ ລູກສາວ​ຂອງ​ກະສັດ​ໂຊໂລໂມນ ຮັບຜິດຊອບ​ອານາເຂດ​ເມືອງ​ໂດເຣ​ທັງໝົດ.

1 ຂ່າວຄາວ 2:13

ເຢຊີ​ມີ​ລູກຊາຍ​ເຈັດ​ຄົນ. ເມື່ອ​ໄລ່​ຕາມ​ລຳດັບ​ອາຍຸ​ແລ້ວ ມີ​ດັ່ງນີ້: ເອລີອາບ, ອາບີນາດາບ, ຊາມມາ,

1 ຂ່າວຄາວ 28:4

ພຣະເຈົ້າຢາເວ ພຣະເຈົ້າ​ແຫ່ງ​ຊາດ​ອິດສະຣາເອນ​ໄດ້​ເລືອກ​ຂ້າພະເຈົ້າ ແລະ​ເຊື້ອສາຍ​ຂອງ​ຂ້າພະເຈົ້າ​ໃຫ້​ປົກຄອງ​ຊາດ​ອິດສະຣາເອນ​ຕະຫລອດໄປ. ພຣະອົງ​ໄດ້​ເລືອກເອົາ​ເຜົ່າຢູດາ​ໃຫ້​ເປັນ​ຫົວໜ້າ​ນຳພາ ແລະ​ຈາກ​ເຜົ່າຢູດາ ພຣະອົງ​ໄດ້​ເລືອກເອົາ​ຄອບຄົວ​ຂອງ​ຂ້າພະເຈົ້າ. ຈາກ​ພີ່ນ້ອງ​ທັງໝົດ​ໃນ​ຄອບຄົວ​ຂອງ​ຂ້າພະເຈົ້າ ພຣະອົງ​ພໍໃຈ​ນຳ​ຂ້າພະເຈົ້າ ແລະ​ແຕ່ງຕັ້ງ​ຂ້າພະເຈົ້າ​ໃຫ້​ຂຶ້ນ​ເປັນ​ກະສັດ​ປົກຄອງ​ທົ່ວ​ທັງໝົດ​ຊາດ​ອິດສະຣາເອນ.

2 ຂ່າວຄາວ 11:18

ເຣໂຫໂບອາມ​ໄດ້​ແຕ່ງງານ​ກັບ​ນາງ​ມາຮາລັດ​ລູກສາວ​ຂອງ​ເຢຣິໂມດ; ແລະ​ເຢຣິໂມດ​ເປັນ​ລູກຊາຍ​ຄົນ​ໜຶ່ງ​ຂອງ​ກະສັດ​ດາວິດ​ທີ່​ເກີດ​ຈາກ​ນາງ​ອາບີໄຮ. ນາງ​ອາບີໄຮ​ເປັນ​ລູກສາວ​ຂອງ​ເອລີອາບ ແລະ​ເປັນ​ຫລານ​ສາວ​ຂອງ​ເຢຊີ.

ເພງ^ສັນລະເສີນ 84:9

ຂ້າແດ່​ພຣະເຈົ້າ ຜູ້​ຊົງ​ເປັນ​ໂລ້​ຂອງ​ພວກ​ຂ້ານ້ອຍ ຂໍ​ຊົງ​ແນມ​ແລະ​ຫລຽວ​ເບິ່ງ​ຜູ້​ທີ່​ພຣະອົງ​ໄດ້​ຫົດສົງ​ເອົາ​ນັ້ນ.

ພວກ^ຜູ້ປົກຄອງ 8:18

ແລ້ວ​ລາວ​ກໍໄດ້​ຖາມ​ເຈົ້າ​ເຊບາ​ກັບ​ເຈົ້າ​ຊັນມຸນນາ​ວ່າ, “ຄົນ​ທີ່​ພວກເຈົ້າ​ຂ້າ​ໃນ​ເມືອງ​ຕາໂບ​ນັ້ນ​ມີ​ຮູບຮ່າງ​ຢ່າງ​ໃດ?” ພວກເຂົາ​ຕອບ​ວ່າ, “ຄືກັນ​ກັບ​ທ່ານ​ແລະ​ທຸກຄົນ​ກໍ​ເບິ່ງ​ຄື​ກັນ​ກັບ​ລູກຊາຍ​ຂອງ​ກະສັດ.”

1 ຊາມູເອນ 17:13

ລູກຊາຍ​ໃຫຍ່​ສາມ​ຄົນ​ຂອງ​ເພິ່ນ​ໄດ້​ໄປ​ຕີ​ເສິກ​ນຳ​ກະສັດ​ໂຊນ. ຜູ້ກົກ​ຊື່​ວ່າ ເອລີອາບ, ຜູ້​ຕໍ່ມາ​ຊື່​ວ່າ ອາບີນາດາບ ແລະ​ຜູ້​ທີ່​ສາມ​ຊື່​ວ່າ ຊາມມາ.

1 ຊາມູເອນ 17:22

ດາວິດ​ໄດ້​ປະ​ອາຫານ​ໄວ້​ນຳ​ເຈົ້າໜ້າທີ່​ຝ່າຍ​ສະບຽງ​ອາຫານ ແລະ​ແລ່ນ​ໄປ​ຫາ​ພວກອ້າຍ​ຂອງຕົນ​ທີ່​ສະໜາມຮົບ​ເພື່ອ​ຖາມ​ຂ່າວຄາວ​ວ່າ ພວກເຂົາ​ເປັນຢູ່​ຢ່າງໃດ.