1 ຊາມູເອນ 16:4 - ພຣະຄຳພີສັກສິ

⁴ ຊາມູເອນ​ປະຕິບັດ​ຕາມ​ທີ່​ພຣະເຈົ້າຢາເວ​ໄດ້​ສັ່ງ. ເມື່ອ​ເພິ່ນ​ເດີນທາງ​ໄປ​ທີ່​ເມືອງ​ເບັດເລເຮັມ, ພວກ​ເຖົ້າແກ່​ໃນ​ເມືອງ​ໄດ້​ອອກ​ມາ​ຕ້ອນຮັບ​ເພິ່ນ ທັງ​ຢ້ານກົວ​ຈົນ​ຕົວ​ສັ່ນເຊັນ ແລະ​ຖາມ​ວ່າ, “ທ່ານ​ມາ​ຢ້ຽມຢາມ​ພວກ​ຂ້ານ້ອຍ​ຢ່າງ​ສັນຕິ​ຫລື​ບໍ່?”

1 ຊາມູເອນ 16:4 Jak'a apnaqawi uñst'ayäwi

ປະຖົມມະການ 35:19

ຣາເຊັນ​ໄດ້​ຕາຍໄປ ແລະ​ຢາໂຄບ​ໄດ້​ຝັງສົບ​ຂອງ​ນາງ​ໄວ້ ໃກ້​ແຄມ​ທາງ​ໄປ​ເມືອງ​ເອຟຣາທາ ປັດຈຸບັນ​ນີ້​ແມ່ນ​ເມືອງ​ເບັດເລເຮັມ.

ປະຖົມມະການ 48:7

ພໍ່​ເຮັດ​ດັ່ງນີ້ ເພາະ​ເຫັນ​ແກ່​ຣາເຊັນ​ແມ່​ຂອງ​ເຈົ້າ. ພໍ່​ໂສກເສົ້າ​ຫລາຍ ເມື່ອ​ແມ່​ຂອງ​ເຈົ້າ​ຈາກ​ພໍ່​ໄປ​ໃນ​ການາອານ ຊຶ່ງ​ບໍ່​ຢູ່​ໄກ​ເທົ່າ​ໃດ​ຈາກ​ເອຟຣາທາ. ພໍ່​ໄດ້​ຝັງສົບ​ແມ່​ຂອງ​ເຈົ້າ​ໄວ້​ທີ່​ແຄມ​ທາງ​ໄປ​ສູ່​ເອຟຣາທາ.” (ເອຟຣາທາ​ແມ່ນ​ເມືອງ​ເບັດເລເຮັມ​ໃນ​ປັດຈຸບັນ​ນີ້.)

2 ຊາມູເອນ 6:9

ໃນ​ວັນນັ້ນ​ກະສັດ​ດາວິດ​ກໍ​ເກີດ​ຢ້ານກົວ​ພຣະເຈົ້າຢາເວ ແລະ​ກ່າວ​ວ່າ, “ເຮົາ​ຈະ​ນຳ​ເອົາ​ຫີບ​ຂອງ​ພຣະເຈົ້າຢາເວ​ນີ້​ໄປ​ໄດ້​ຢ່າງ​ໃດ?”

1 ກະສັດ 17:18

ຜູ້​ເປັນ​ແມ່​ຈຶ່ງ​ເວົ້າ​ກັບ​ເອລີຢາ​ວ່າ, “ທ່ານ​ຜູ້​ເປັນ​ຄົນ​ຂອງ​ພຣະເຈົ້າ ເປັນຫຍັງ​ທ່ານ​ຈຶ່ງ​ເຮັດ​ກັບ​ຂ້ານ້ອຍ​ແບບ​ນີ້? ທ່ານ​ມາ​ນີ້​ເພື່ອ​ທົບທວນ​ໃຫ້​ຫວນ​ລະນຶກເຖິງ​ບາບ​ຂອງ​ຂ້ານ້ອຍ​ແຕ່​ເກົ່າກ່ອນ ແລະ​ເປັນ​ເຫດ​ໃຫ້​ລູກຊາຍ​ຂອງ​ຂ້ານ້ອຍ​ຕາຍ​ດ້ວຍ?”

1 ກະສັດ 2:13

ແລ້ວ​ອາໂດນີຢາ​ລູກຊາຍ​ຂອງ​ນາງ​ຮັກກິດ​ກໍໄດ້​ໄປ​ຫາ​ຣາຊິນີ​ບັດເຊບາ. ແມ່​ຂອງ​ກະສັດ​ໂຊໂລໂມນ. ເພິ່ນ​ຖາມ​ລາວ​ວ່າ, “ເຈົ້າ​ມາ​ຢາມ​ຂ້ອຍ​ຄັ້ງ​ນີ້​ໃນ​ຖານ​ເປັນ​ມິດ​ບໍ?” ລາວ​ຕອບ​ວ່າ, “ແມ່ນແລ້ວ.”

2 ກະສັດ 9:22

ກະສັດ​ໂຢຣາມ​ຖາມ​ລາວ​ວ່າ, “ທ່ານ​ມາ​ຢ່າງ​ສັນຕິ​ຫລື​ບໍ່?” ເຢຮູ​ຕອບ​ວ່າ, “ຈະ​ມີ​ສັນຕິ​ໄດ້​ຢ່າງໃດ ເມື່ອ​ຍັງ​ມີ​ການ​ຝຶກ​ເວດມົນ​ກົນຄາຖາ ແລະ​ການຂາບໄຫວ້​ຮູບ​ພະ​ທີ່​ເຢເຊເບນ​ແມ່​ຂອງທ່ານ​ໄດ້​ເລີ່ມ​ຂຶ້ນ?”

ໂຮເສອາ 11:10

ພວກເຂົາ​ຈະ​ຕິດຕາມ​ພຣະເຈົ້າຢາເວ​ໄປ ເມື່ອ​ເຮົາ​ຮ້ອງ​ຄຳຣາມ​ເໝືອນ​ສິງ ໃສ່​ສັດຕູ​ຂອງ​ພວກເຂົາ. ພວກເຂົາ​ຈະ​ຟ້າວ​ມາ​ຫາ​ເຮົາ​ຈາກ​ທິດ​ຕາເວັນຕົກ.

ໂຮເສອາ 6:5

ເພາະສະນັ້ນ ເຮົາ​ຈຶ່ງ​ໃຊ້​ຜູ້ທຳນວາຍ​ຂອງເຮົາ​ນຳ​ເອົາ​ການ​ພິພາກສາ ແລະ​ການທຳລາຍ​ມາ​ສູ່​ພວກເຈົ້າ. ສິ່ງ​ທີ່​ເຮົາ​ຕ້ອງການ​ຈາກ​ພວກເຈົ້າ​ນັ້ນ ກໍ​ເຂົ້າໃຈ​ແລະ​ເຫັນ​ໄດ້​ງ່າຍ​ຄື:

ລູກາ 2:4

ຝ່າຍ​ໂຢເຊັບ​ກໍ​ອອກ​ເດີນທາງ​ຈາກ​ເມືອງ​ນາຊາເຣັດ​ໃນ​ແຂວງ​ຄາລີເລ ເພື່ອ​ໄປ​ທີ່​ເມືອງ​ເບັດເລເຮັມ​ແຂວງ​ຢູດາຍ​ເມືອງ​ຂອງ​ກະສັດ​ດາວິດ, ເພາະວ່າ​ເພິ່ນ​ເປັນ​ເຊື້ອສາຍ​ຂອງ​ກະສັດ​ດາວິດ.

ລູກາ 5:8

ເມື່ອ​ຊີໂມນ​ເປໂຕ​ເຫັນ​ເຫດການ​ທີ່​ເກີດຂຶ້ນ​ແລ້ວ ເພິ່ນ​ກໍ​ຂາບລົງ​ທີ່​ຕີນ​ຂອງ​ພຣະເຢຊູເຈົ້າ ແລະ​ກ່າວ​ວ່າ, “ພຣະອົງເຈົ້າ​ເອີຍ, ຂໍ​ໄປ​ໃຫ້​ຫ່າງ​ຈາກ​ຂ້ານ້ອຍ​ທ້ອນ ເພາະ​ຂ້ານ້ອຍ​ເປັນ​ຄົນ​ບາບ.”

ລູກາ 8:37

ແລ້ວ​ປະຊາຊົນ​ທຸກຄົນ​ຈາກ​ເຂດແດນ​ນັ້ນ ກໍ​ຂໍຮ້ອງ​ພຣະເຢຊູເຈົ້າ​ໃຫ້​ໜີໄປ​ຈາກ​ພວກເຂົາ ເພາະ​ພວກເຂົາ​ຕ່າງ​ກໍ​ຢ້ານກົວ​ຫລາຍ​ທີ່ສຸດ. ດັ່ງນັ້ນ ພຣະເຢຊູເຈົ້າ​ຈຶ່ງ​ລົງ​ເຮືອ​ກັບຄືນ​ໄປ.

1 ຊາມູເອນ 21:1

ດາວິດ​ໄດ້​ໄປ​ຫາ​ປະໂຣຫິດ​ອາຮີເມເຫຼັກ​ທີ່​ເມືອງ​ໂນບ. ອາຮີເມເຫຼັກ​ອອກ​ມາ​ພົບ​ເພິ່ນ​ດ້ວຍ​ຕົວ​ສັ່ນເຊັນ ແລະ​ຖາມ​ວ່າ, “ເຫດໃດ​ທ່ານ​ຈຶ່ງ​ມາ​ພຽງຄົນດຽວ​ຢ່າງນີ້?”