1 ຊາມູເອນ 16:11 - ພຣະຄຳພີສັກສິ

¹¹ ແລ້ວ ຊາມູເອນ​ກໍ​ຖາມ​ລາວ​ວ່າ, “ເຈົ້າ​ຍັງ​ມີ​ລູກຊາຍ​ຢູ່​ອີກ​ບໍ?” ເຢຊີ​ຕອບ​ວ່າ, “ຍັງ​ມີ​ອີກ​ຜູ້ໜຶ່ງ. ລາວ​ເປັນ​ລູກຫລ້າ​ແຕ່​ດຽວ​ນີ້​ລາວ​ກຳລັງ​ລ້ຽງ​ແກະ​ຢູ່.” ຊາມູເອນ​ກ່າວ​ວ່າ, “ຈົ່ງ​ໄປ​ນຳ​ເອົາ​ລາວ​ມາ​ທີ່​ນີ້ ພວກເຮົາ​ຈະ​ບໍ່​ຖວາຍ​ເຄື່ອງ​ບູຊາ​ຈົນກວ່າ​ລາວ​ມາ.”

1 ຊາມູເອນ 16:11 Jak'a apnaqawi uñst'ayäwi

2 ຊາມູເອນ 13:3

ອຳໂນນ​ມີ​ໝູ່​ຄົນ​ໜຶ່ງ​ຊື່​ວ່າ ໂຢນາດາບ. ລາວ​ເປັນ​ລູກຊາຍ​ຂອງ​ຊາມມາ ອ້າຍ​ຂອງ​ກະສັດ​ດາວິດ. ໂຢນາດາບ​ເປັນ​ຄົນ​ມີ​ສະຕິປັນຍາ​ສະຫລຽວ​ສະຫລາດ​ຫລາຍ.

2 ຊາມູເອນ 7:8

ດັ່ງນັ້ນ ຈົ່ງ​ບອກ​ດາວິດ​ຜູ້ຮັບໃຊ້​ຂອງເຮົາ​ວ່າ, ‘ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ບອກ​ລາວ​ວ່າ, ເຈົ້າ​ເປັນ​ຄົນ​ລ້ຽງແກະ​ຕາມ​ທົ່ງນາ ແລະ​ເຮົາ​ໄດ້​ເອົາ​ເຈົ້າ​ມາ​ເປັນ​ຜູ້ປົກຄອງ​ຊາວ​ອິດສະຣາເອນ​ປະຊາຊົນ​ຂອງເຮົາ.

1 ຂ່າວຄາວ 17:7

ດັ່ງນັ້ນ ຈົ່ງ​ບອກ​ດາວິດ​ຜູ້ຮັບໃຊ້​ຂອງເຮົາ​ວ່າ ພຣະເຈົ້າຢາເວ​ອົງ​ຊົງ​ຣິດອຳນາດ​ຍິ່ງໃຫ່ຍ​ກ່າວ​ດັ່ງນີ້: ‘ເຈົ້າ​ເປັນ​ຄົນລ້ຽງແກະ​ຢູ່​ຕາມ​ທົ່ງນາ ແລະ​ເຮົາ​ໄດ້​ເອົາ​ເຈົ້າ​ມາ​ປົກຄອງ​ຊາດ​ອິດສະຣາເອນ​ປະຊາຊົນ​ຂອງເຮົາ.

ອົບພະຍົບ 3:1

ມື້​ໜຶ່ງ ໃນ​ຂະນະທີ່​ໂມເຊ​ກຳລັງ​ລ້ຽງ​ຝູງແກະ ແລະ​ຝູງແບ້​ຂອງ​ເຢທະໂຣ ພໍ່​ເຖົ້າ​ຂອງຕົນ​ຜູ້​ທີ່​ເປັນ​ປະໂຣຫິດ​ຂອງ​ຊາວ​ມີດີອານ ລາວ​ໄດ້​ຕ້ອນ​ຝູງສັດ​ເລີຍ​ຂ້າມ​ຖິ່ນ​ແຫ້ງແລ້ງ​ກັນດານ​ໄປ​ທີ່​ຊີນາຍ​ພູເຂົາ​ຂອງ​ພຣະເຈົ້າ.

1 ຊາມູເອນ 16:10

ເຢຊີ​ໄດ້​ນຳ​ລູກຊາຍ​ທັງ​ເຈັດ​ຄົນ​ຂອງຕົນ​ມາ​ຫາ ຊາມູເອນ​ໂດຍ​ວິທີ​ນີ້, ແຕ່​ຊາມູເອນ​ໄດ້​ກ່າວ​ແກ່​ເຢຊີ​ວ່າ, “ບໍ່ແມ່ນ ພຣະເຈົ້າຢາເວ​ບໍ່ໄດ້​ເລືອກ​ເອົາ​ຜູ້ໃດ​ຈັກ​ຄົນ​ໃນ​ຄົນ​ເຫຼົ່ານີ້.”

1 ຊາມູເອນ 17:28

ເອລີອາບ​ອ້າຍກົກ​ຂອງ​ດາວິດ​ໄດ້ຍິນ​ດາວິດ​ກຳລັງ​ເວົ້າ​ກັບ​ທະຫານ​ຢູ່ ກໍ​ຮ້າຍ​ໃຫ້​ດາວິດ​ແລະ​ເວົ້າ​ວ່າ, “ເຈົ້າ​ມາ​ເຮັດ​ຫຍັງ​ຢູ່​ທີ່​ນີ້? ຝຸງ​ແກະນ້ອຍ​ຂອງ​ເຈົ້າ​ທີ່​ຖິ່ນ​ແຫ້ງແລ້ງ​ກັນດານ​ເຈົ້າ​ຝາກ​ໄວ້​ກັບ​ໃຜ? ຂ້ອຍ​ຮູ້ໃຈ​ຈອງຫອງ​ແລະ​ຄວາມຊົ່ວຮ້າຍ​ຂອງເຈົ້າ ເຈົ້າ​ມາ​ທີ່​ນີ້​ເພື່ອ​ເບິ່ງ​ການ​ສູ້ຮົບ​ກັນ.”