1 ຊາມູເອນ 15:1 - ພຣະຄຳພີສັກສິ

¹ ຕໍ່ມາ ຊາມູເອນ​ໄດ້​ກ່າວ​ແກ່​ໂຊນ​ວ່າ, “ຂ້ອຍ​ເປັນ​ຜູ້​ທີ່​ພຣະເຈົ້າຢາເວ​ສົ່ງ​ມາ​ໃຊ້​ນໍ້າມັນ​ສັກສິດ​ຫົດສົງ​ເຈົ້າ ໃຫ້​ເປັນ​ກະສັດ​ປົກຄອງ​ຊາວ​ອິດສະຣາເອນ​ປະຊາຊົນ​ຂອງ​ພຣະອົງ. ບັດນີ້ ຈົ່ງ​ຟັງ​ຖ້ອຍຄຳ​ທີ່​ພຣະເຈົ້າຢາເວ​ກ່າວ.

1 ຊາມູເອນ 15:1 Jak'a apnaqawi uñst'ayäwi

2 ກະສັດ 7:1

ເອລີຊາ​ຕອບ​ວ່າ, “ຈົ່ງ​ຟັງ​ຖ້ອຍຄຳ​ທີ່​ພຣະເຈົ້າຢາເວ​ກ່າວ​ໃຫ້​ດີ ພຣະເຈົ້າຢາເວ​ກ່າວ​ວ່າ, ມື້ອື່ນ​ໃນ​ເວລາ​ດຽວກັນນີ້ ພວກທ່ານ​ຈະ​ສາມາດ​ຊື້​ເຂົ້າເດືອຍ​ທີ​ໜຶ່ງ ສາມ​ກິໂລກຼາມ ຫລື​ເຂົ້າບາເລ​ຫົກ​ກິໂລກຼາມ ເປັນ​ເງິນ​ຫລຽນ​ດຽວ ຕາມ​ລາຄາ​ທ້ອງ​ຕະຫລາດ​ໃນ​ນະຄອນ​ຊາມາເຣຍ.”

1 ຊາມູເອນ 10:1

ແລ້ວ​ຊາມູເອນ​ກໍ​ເອົາ​ເຕົ້າ​ນໍ້າມັນ​ໝາກກອກເທດ​ຖອກ​ໃສ່​ຫົວ​ໂຊນ ແລະ​ຈູບ​ລາວ ແລະ​ກ່າວ​ວ່າ, “ພຣະເຈົ້າຢາເວ​ໄດ້ຫົດສົງ​ເຈົ້າ​ໃຫ້​ເປັນ​ຜູ້​ປົກຄອງ​ຊາວ​ອິດສະຣາເອນ​ປະຊາຊົນ​ຂອງ​ພຣະອົງ. ເຈົ້າ​ຈະ​ປົກຄອງ​ປະຊາຊົນ​ຂອງ​ພຣະເຈົ້າຢາເວ ແລະ​ຊ່ວຍ​ພວກເຂົາ​ໃຫ້​ພົ້ນ​ຈາກ​ສັດຕູ​ທັງປວງ​ຂອງ​ພວກເຂົາ. ຂໍ້​ພິສູດ​ທີ່​ພຣະເຈົ້າຢາເວ​ໄດ້​ເລືອກ​ເອົາ​ເຈົ້າ ໃຫ້​ຂຶ້ນ​ເປັນ​ຜູ້​ປົກຄອງ​ປະຊາຊົນ​ຂອງ​ພຣະອົງ ແມ່ນ​ດັ່ງນີ້:

1 ຊາມູເອນ 12:14

ຖ້າ​ພວກເຈົ້າ​ຢຳເກງ​ພຣະເຈົ້າຢາເວ, ຮັບໃຊ້​ພຣະອົງ, ເຊື່ອຟັງ​ພຣະອົງ ແລະ​ປະຕິບັດ​ຕາມ​ຂໍ້ຄຳສັ່ງ​ຂອງ​ພຣະເຈົ້າຢາເວ ແລະ​ຖ້າ​ພວກເຈົ້າ​ກັບ​ກະສັດ​ຂອງ​ພວກເຈົ້າ​ຕິດຕາມ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໄປ ທຸກສິ່ງ​ຈະ​ເປັນ​ໄປ​ໂດຍ​ດີ​ສຳລັບ​ພວກເຈົ້າ.

1 ຊາມູເອນ 13:13

ຊາມູເອນ​ຕອບ​ວ່າ, “ເປັນ​ການ​ໂງ່ຈ້າ​ທີ່ສຸດ​ທີ່​ເຮັດ​ເຊັ່ນນັ້ນ ເຈົ້າ​ບໍ່ໄດ້​ເຊື່ອຟັງ​ຄຳສັ່ງ​ຂອງ​ພຣະເຈົ້າຢາເວ ພຣະເຈົ້າ​ຂອງເຈົ້າ​ທີ່​ໄດ້​ໃຫ້​ແກ່​ເຈົ້າ. ຖ້າ​ເຈົ້າ​ເຊື່ອຟັງ​ແລ້ວ ພຣະເຈົ້າຢາເວ​ກໍ​ຈະ​ໃຫ້​ເຈົ້າ​ແລະ​ເຊື້ອສາຍ​ຂອງ​ເຈົ້າ ໄດ້​ປົກຄອງ​ຊາດ​ອິດສະຣາເອນ​ຕະຫລອດໄປ.

1 ຊາມູເອນ 9:15

ມື້ນີ້ ກ່ອນ​ໂຊນ​ມາ​ຮອດ ພຣະເຈົ້າຢາເວ​ໄດ້​ບອກ​ຊາມູເອນ​ວ່າ,

1 ຊາມູເອນ 9:16

“ມື້ອື່ນ ໃນ​ເວລາ​ດຽວກັນ​ນີ້ ເຮົາ​ຈະ​ສົ່ງ​ຄົນ​ໜຶ່ງ​ຈາກ​ເຜົ່າ​ເບັນຢາມິນ​ມາ​ຫາ​ເຈົ້າ; ຈົ່ງ​ເອົາ​ນໍ້າມັນ​ສັກສິດ​ຫົດສົງ​ລາວ​ໃຫ້​ເປັນ​ກະສັດ ເພື່ອ​ປົກຄອງ​ປະຊາຊົນ​ອິດສະຣາເອນ​ຂອງເຮົາ; ແລະ​ລາວ​ຈະ​ຊ່ວຍ​ກອບກູ້​ເອົາ​ພວກເຂົາ​ໃຫ້​ພົ້ນ​ຈາກ​ພວກ​ຟີລິດສະຕິນ. ເຮົາ​ໄດ້​ເຫັນ​ຄວາມ​ທົນທຸກ​ຂອງ​ພວກເຂົາ ແລະ​ໄດ້ຍິນ​ສຽງ​ຮ້ອງ​ຂໍ​ໃຫ້​ຊ່ວຍເຫລືອ​ຂອງ​ພວກເຂົາ.”