1 ຊາມູເອນ 14:12 - ພຣະຄຳພີສັກສິ

¹² ທະຫານ​ຟີລິດສະຕິນ​ຈຶ່ງ​ຮ້ອງ​ໃສ່​ໂຢນາທານ ແລະ​ຊາຍໜຸ່ມ​ຜູ້​ນັ້ນ​ວ່າ, “ຈົ່ງ​ຂຶ້ນ​ມາ​ພີ້ ພວກຂ້ອຍ​ມີ​ເລື່ອງ​ຈະ​ບອກ ພວກເຈົ້າ.” ໂຢນາທານ​ຈຶ່ງ​ກ່າວ​ແກ່​ຊາຍໜຸ່ມ​ທີ່​ມາ​ນຳ​ຕົນ​ນັ້ນ​ວ່າ, “ຈົ່ງ​ຕາມ​ຂ້ອຍ​ມາ ພຣະເຈົ້າຢາເວ​ໄດ້​ໃຫ້​ພວກ​ອິດສະຣາເອນ​ມີ​ໄຊຊະນະ​ເໜືອ​ພວກເຂົາ​ແລ້ວ.”

1 ຊາມູເອນ 14:12 Jak'a apnaqawi uñst'ayäwi

ປະຖົມມະການ 24:42

ເມື່ອ​ເດີນທາງ​ມາ​ຮອດ​ນໍ້າສ້າງ​ໃນ​ມື້ນີ້ ຂ້ອຍ​ຈຶ່ງ​ພາວັນນາ​ອະທິຖານ​ວ່າ, ‘ຂ້າແດ່​ພຣະເຈົ້າຢາເວ ພຣະເຈົ້າ​ຂອງ​ອັບຣາຮາມ​ນາຍ​ຂອງ​ຂ້ານ້ອຍ ໂຜດ​ໃຫ້​ຂ້ານ້ອຍ​ເຮັດ​ສຳເລັດ​ໜ້າທີ່​ດ້ວຍ.

ປະຖົມມະການ 24:48

ແລ້ວ​ຂ້ອຍ​ກໍ​ຂາບລົງ​ນະມັດສະການ​ພຣະເຈົ້າຢາເວ ແລະ​ສັນລະເສີນ​ພຣະເຈົ້າຢາເວ​ພຣະເຈົ້າ​ຂອງ​ອັບຣາຮາມ​ນາຍ​ຂອງຂ້ອຍ ທີ່​ພຣະອົງ​ໄດ້​ນຳ​ຂ້ອຍ​ມາ​ສູ່​ຍາດຕິພີ່ນ້ອງ​ຂອງ​ນາຍ​ຂ້ອຍ ຄື​ບ່ອນ​ທີ່​ຂ້ອຍ​ໄດ້​ພົບ​ລູກສາວ​ຂອງ​ເພິ່ນ​ສຳລັບ​ລູກຊາຍ​ຂອງ​ຜູ້​ເປັນ​ນາຍ​ຂ້ອຍ.

2 ຊາມູເອນ 5:24

ເມື່ອໃດ​ເຈົ້າ​ໄດ້ຍິນ​ສຽງ​ຍ່າງ​ຢູ່​ເທິງ​ຕົ້ນໄມ້ ໃຫ້​ເຈົ້າ​ໂຈມຕີ​ເມື່ອນັ້ນ​ໂລດ ເພາະ​ພຣະເຈົ້າຢາເວ​ໄດ້​ໄປ​ອອກໜ້າ​ເຈົ້າ​ກ່ອນ​ເພື່ອ​ປາບ​ກອງທັບ​ຟີລິດສະຕິນ.”

2 ກະສັດ 14:8

ຕໍ່ມາ ກະສັດ​ອາມາຊີຢາ​ໄດ້​ສົ່ງ​ຄະນະທູດ​ໄປ​ຫາ​ເຈົ້າ​ເຢໂຮອາດ ກະສັດ​ແຫ່ງ​ອິດສະຣາເອນ​ເພື່ອ​ທ້າທາຍ​ເພິ່ນ​ໃຫ້​ຕໍ່ສູ້.

ພວກ^ຜູ້ປົກຄອງ 4:14

ແລ້ວ​ນາງ​ເດໂບຣາ​ກໍໄດ້​ບອກ​ບາຣັກ​ວ່າ, “ຈົ່ງ​ໄປ! ມື້​ນີ້​ເປັນ​ມື້​ທີ່​ພຣະເຈົ້າຢາເວ​ຈະ​ມອບ​ສີເສຣາ​ໃວ້​ໃນ​ມື​ຂອງເຈົ້າ.” ດັ່ງນັ້ນ ບາຣັກ​ຈຶ່ງ​ນຳ​ທະຫານ​ສິບພັນ​ຄົນ ລົງ​ຈາກ​ພູ​ຕາໂບ​ໄປ​ໂຈມຕີ​ສີເສຣາ.

ພວກ^ຜູ້ປົກຄອງ 7:14

ໝູ່​ຂອງ​ຄົນ​ທີ່​ຝັນ​ນັ້ນ​ຈຶ່ງ​ຕອບ​ວ່າ, “ອັນນີ້​ຕ້ອງ​ໝາຍເຖິງ​ດາບ​ຂອງ​ກີເດໂອນ ຊາວ​ອິດສະຣາເອນ ຜູ້​ທີ່​ເປັນ​ລູກຊາຍ​ຂອງ​ໂຢອາດ ມັນ​ຄົງ​ບໍ່​ໝາຍເຖິງ​ສິ່ງ​ອື່ນ​ໄປ​ໄດ້​ດອກ ພຣະເຈົ້າ​ໄດ້​ໃຫ້​ລາວ​ມີ​ໄຊຊະນະ​ເໜືອ​ກອງທັບ​ທັງໝົດ​ຂອງ​ພວກເຮົາ​ແລ້ວ.”

ພວກ^ຜູ້ປົກຄອງ 7:15

ເມື່ອ​ກີເດໂອນ​ໄດ້ຍິນ​ເລື່ອງ​ຂອງ​ຄວາມຝັນ​ພ້ອມທັງ​ຄວາມໝາຍ ລາວ​ຈຶ່ງ​ຄຸ​ເຂົ່າລົງ​ນ້ອມ​ນະມັດສະການ​ພຣະເຈົ້າ. ແລ້ວ​ກໍ​ກັບຄືນ​ເມືອ​ທີ່ໝັ້ນ​ຂອງ​ຊາວ​ອິດສະຣາເອນ ແລະ​ເວົ້າ​ວ່າ, “ຈົ່ງ​ລຸກຂຶ້ນ ພຣະເຈົ້າຢາເວ​ກຳລັງ​ໃຫ້​ພວກເຈົ້າ​ຮົບ​ຊະນະ​ກອງທັບ​ຂອງ​ພວກ​ມີດີອານ.”

ພວກ^ຜູ້ປົກຄອງ 9:54

ແລ້ວ​ໃນ​ທັນໃດນັ້ນ ເພິ່ນ​ຈຶ່ງ​ເອີ້ນ​ຊາຍໜຸ່ມ​ຜູ້​ທີ່​ຖື​ອາວຸດ​ໃຫ້​ຕົນ​ມາ ແລະ​ສັ່ງ​ວ່າ, “ຈົ່ງ​ຖອດ​ດາບ​ຂອງ​ເຈົ້າ​ອອກ​ມາ​ຂ້າ​ຂ້ອຍ​ສາ ເພື່ອ​ຄົນ​ຈະ​ບໍ່ໄດ້​ຮູ້​ວ່າ​ຂ້ອຍ​ຕາຍ​ຍ້ອນ​ແມ່ຍິງ.” ດັ່ງນັ້ນ ຊາຍໜຸ່ມ​ຄົນ​ນັ້ນ​ຈຶ່ງ​ແທງ​ເພິ່ນ​ຈົນ​ສິ້ນໃຈ​ຕາຍ.

1 ຊາມູເອນ 14:10

ແຕ່​ຖ້າ​ພວກເຂົາ​ບອກ​ໃຫ້​ພວກເຮົາ​ໄປ​ຫາ ພວກເຮົາ​ຈຶ່ງ​ໄປ ເພາະ​ອັນ​ນັ້ນ​ຈະ​ເປັນ​ໝາຍສຳຄັນ​ແກ່​ພວກເຮົາ​ວ່າ ພຣະເຈົ້າຢາເວ​ໄດ້​ມອບ​ພວກເຂົາ​ໄວ້​ໃນ​ກຳມື​ຂອງ​ພວກເຮົາ.”

1 ຊາມູເອນ 14:13

ໂຢນາທານ​ຈຶ່ງ​ປີນ​ຊ່ອງແຄບ​ຂຶ້ນ​ໄປ ແລະ​ຊາຍໜຸ່ມ​ນັ້ນ​ກໍຕາມ​ລາວ​ຂຶ້ນ​ໄປ​ຄືກັນ. ໂຢນາທານ​ໂຈມຕີ​ພວກ​ຟີລິດສະຕິນ ໂດຍ​ຊົກ​ຕ່ອຍ​ພວກເຂົາ​ໃຫ້​ລົ້ມລົງ ແລະ​ຊາຍໜຸ່ມ​ຜູ້ນັ້ນ​ກໍ​ເປັນ​ຜູ້​ຂ້າ​ພວກເຂົາ​ຖິ້ມ.