1 ຊາມູເອນ 14:1 - ພຣະຄຳພີສັກສິ

¹ ມີ​ມື້ໜຶ່ງ ໂຢນາທານ​ໄດ້​ກ່າວ​ຕໍ່​ຊາຍໜຸ່ມ​ຜູ້​ທີ່​ຖື​ອາວຸດ​ໃຫ້​ຕົນ​ວ່າ, “ໃຫ້​ພວກເຮົາ​ຂ້າມ​ໄປ​ຄ້າຍ​ຂອງ​ພວກ​ຟີລິດສະຕິນ​ເທາະ.” ແຕ່​ໂຢນາທານ​ບໍ່ໄດ້​ບອກ​ໃຫ້​ກະສັດ​ໂຊນ​ພໍ່​ຂອງຕົນ​ຮູ້​ນຳ.

1 ຊາມູເອນ 14:1 Jak'a apnaqawi uñst'ayäwi

ມີກາ 7:5

ຢ່າ​ເຊື່ອ​ເພື່ອນບ້ານ​ຫລື​ໄວ້ໃຈ​ເພື່ອນມິດ​ຂອງຕົນ. ຈົ່ງ​ລະວັງ​ໃນ​ສິ່ງ​ທີ່​ພວກເຈົ້າ​ເວົ້າ ແມ່ນແຕ່​ກັບ​ເມຍ​ຂອງ​ພວກເຈົ້າ​ກໍດີ.

ພວກ^ຜູ້ປົກຄອງ 14:6

ໃນທັນໃດ ພຣະວິນຍານ​ຂອງ​ພຣະເຈົ້າຢາເວ​ໄດ້​ບັນດານ​ໃຫ້​ແຊມຊັນ​ມີ​ກຳລັງ​ຂຶ້ນ ລາວ​ຈຶ່ງ​ໃຊ້​ມື​ຈີກ​ສິງ​ໂຕ​ນັ້ນ​ເໝືອນ​ກັບ​ຈີກ​ແບ້​ໂຕ​ນ້ອຍໆ. ແຕ່​ແຊມຊັນ​ບໍ່ໄດ້​ບອກ​ສິ່ງ​ທີ່​ຕົນ​ໄດ້​ເຮັດ​ໃຫ້​ພໍ່​ແມ່​ຂອງຕົນ​ຮູ້ນຳ.

ພວກ^ຜູ້ປົກຄອງ 14:9

ລາວ​ບີບ​ເອົາ​ນໍ້າເຜິ້ງ​ໃສ່​ມື​ແລະ​ກິນ​ໄປ​ຕາມ​ທາງ. ເມື່ອ​ໄປ​ທັນ​ພໍ່​ແມ່​ແລ້ວ ລາວ​ຈຶ່ງ​ແບ່ງ​ນໍ້າເຜິ້ງ​ນັ້ນ​ໃຫ້​ພໍ່​ແມ່​ກິນ​ນຳ. ພວກເພິ່ນ​ກໍ​ກິນ, ແຕ່​ແຊມຊັນ​ບໍ່ໄດ້​ບອກ​ວ່າ ລາວ​ໄດ້​ນໍ້າເຜິ້ງ​ນັ້ນ​ມາ​ຈາກ​ຊາກ​ສິງ.

ພວກ^ຜູ້ປົກຄອງ 6:27

ດັ່ງນັ້ນ ກີເດໂອນ​ຈຶ່ງ​ເລືອກ​ເອົາ​ຄົນ​ຮັບໃຊ້​ສິບ​ຄົນ​ໄປ​ກັບ​ຕົນ ແລະ​ເຮັດ​ຕາມ​ທີ່​ພຣະເຈົ້າຢາເວ​ໄດ້​ບອກ​ນັ້ນ. ລາວ​ບໍ່​ເຮັດ​ໃນ​ຕອນ​ກາງເວັນ ເພາະ​ຢ້ານ​ຄົນ​ໃນ​ຄອບຄົວ​ຂອງຕົນ​ແລະ​ປະຊາຊົນ​ໃນ​ເມືອງ​ເຫັນ. ສະນັ້ນ ລາວ​ຈຶ່ງ​ເຮັດ​ໃນ​ຕອນ​ກາງຄືນ.

1 ຊາມູເອນ 13:2

ກະສັດ​ໂຊນ​ໄດ້​ເລືອກ​ເອົາ​ຊາຍ​ສະກັນ​ຊາວ​ອິດສະຣາເອນ​ສາມພັນ​ຄົນ ໂດຍ​ໄດ້​ແບ່ງ​ເອົາ​ສອງພັນ​ຄົນ​ໃຫ້​ຢູ່​ກັບ​ຕົນ​ທີ່​ມິກມາດ ແລະ​ທີ່​ເຂດ​ເນີນພູ​ຂອງ​ເບັດເອນ, ແຕ່​ທະຫານ​ໜຶ່ງພັນ​ຄົນ​ນັ້ນ ເພິ່ນ​ໃຫ້​ໄປ​ກັບ​ໂຢນາທານ​ລູກຊາຍ​ຂອງຕົນ ທີ່​ເມືອງ​ກີເບອາ​ໃນ​ເຂດແດນ​ຂອງ​ເຜົ່າ​ເບັນຢາມິນ. ສ່ວນ​ທີ່​ເຫຼືອ​ນັ້ນ ເພິ່ນ​ໄດ້​ສັ່ງ​ໃຫ້​ກັບຄືນ​ເມືອ​ບ້ານ​ເຮືອນ​ຂອງ​ໃຜ​ລາວ.

1 ຊາມູເອນ 13:22

ສະນັ້ນ ໃນ​ມື້​ສູ້ຮົບ​ກັນ​ນັ້ນ ບໍ່ມີ​ທະຫານ​ອິດສະຣາເອນ​ຄົນໃດ​ມີ​ດາບ​ແລະ​ຫອກ ນອກຈາກ​ກະສັດ​ໂຊນ​ແລະ​ໂຢນາທານ​ລູກຊາຍ​ຂອງ​ເພິ່ນ​ເທົ່ານັ້ນ.

1 ຊາມູເອນ 13:23

ພວກ​ຟີລິດສະຕິນ​ໄດ້​ສົ່ງ​ທະຫານ​ໝວດ​ໜຶ່ງ ໄປ​ທີ່​ຊ່ອງແຄບ​ມິກມາດ​ເພື່ອ​ປ້ອງກັນ​ທີ່​ນັ້ນ​ໄວ້.

1 ຊາມູເອນ 14:2

ໃນ​ເວລາ​ນັ້ນ ເພິ່ນ​ໄດ້​ພັກ​ຢູ່​ກ້ອງ​ຕົ້ນ​ໝາກ​ພີລາ​ທີ່​ມິກໂຣນ ຊຶ່ງ​ບໍ່​ໄກ​ເທົ່າ​ໃດ​ຈາກ​ເມືອງ​ກີເບອາ; ເພິ່ນ​ມີ​ທະຫານ​ຢູ່​ນຳ​ປະມານ​ຫົກຮ້ອຍ​ຄົນ.

1 ຊາມູເອນ 25:19

ແລ້ວ​ນາງ​ກໍ​ເວົ້າ​ກັບ​ພວກ​ຄົນ​ຮັບໃຊ້​ວ່າ, “ໃຫ້​ພວກເຈົ້າ​ອອກ​ໄປ​ກ່ອນ ແລະ​ຂ້ອຍ​ຈະ​ຕາມ​ໄປ​ນຳ​ຫລັງ.” ແຕ່​ນາງ​ບໍ່ໄດ້​ບອກ​ໃຫ້​ຜົວ​ຂອງຕົນ​ຮູ້​ນຳ​ແຕ່​ຢ່າງໃດໝົດ.