1 ຊາມູເອນ 11:2 - ພຣະຄຳພີສັກສິ

² ນາຮາດ​ຕອບ​ວ່າ, “ເຮົາ​ຈະ​ເຮັດ​ສັນຍາ​ກັບ​ພວກເຈົ້າ​ໃນ​ເງື່ອນໄຂ​ຂໍ້​ໜຶ່ງ​ຄື: ເຮົາ​ຈະ​ເຈາະ​ແກ່ນຕາ​ເບື້ອງຂວາ​ທຸກຄົນ ເພື່ອ​ນຳ​ຄວາມ​ອັບອາຍ​ມາ​ສູ່​ຊາດ​ອິດສະຣາເອນ​ທັງໝົດ.”

1 ຊາມູເອນ 11:2 Jak'a apnaqawi uñst'ayäwi

ປະຖົມມະການ 34:14

ພວກເຂົາ​ເວົ້າ​ວ່າ, “ພວກເຮົາ​ບໍ່​ຍອມ​ໃຫ້​ນາງ​ດີນາ​ແຕ່ງງານ​ກັບ​ຜູ້ຊາຍ​ທີ່​ບໍ່ໄດ້​ຮັບ​ພິທີຕັດ ເພາະ​ເປັນ​ການ​ເສຍ​ກຽດ​ສັກສີ​ສຳລັບ​ພວກເຮົາ.

2 ກະສັດ 18:31

ຢ່າ​ຟັງຄວາມ​ຂອງ​ກະສັດ​ເຮເຊກີຢາ. ກະສັດ​ແຫ່ງ​ອັດຊີເຣຍ​ສັ່ງ​ພວກທ່ານ ໃຫ້​ອອກ​ຈາກ​ເມືອງ​ມາ​ຍອມ​ຈຳນົນ. ເພິ່ນ​ຈະ​ອະນຸຍາດ​ໃຫ້​ພວກທ່ານ​ທຸກຄົນ ກິນ​ໝາກອະງຸ່ນ​ຈາກ​ເຄືອ​ອະງຸ່ນ​ຂອງ​ພວກທ່ານ​ເອງ, ໝາກເດື່ອ​ຈາກ​ຕົ້ນ​ເດື່ອ​ຂອງ​ພວກທ່ານ​ເອງ ແລະ​ດື່ມ​ນໍ້າ​ຈາກ​ສ້າງ​ຂອງ​ພວກທ່ານ​ເອງ

ເພງ^ສັນລະເສີນ 44:13

ເມື່ອ​ຊາດ​ໃກ້ຄຽງ​ໄດ້​ເຫັນ​ສິ່ງ​ທີ່​ພຣະອົງ​ໄດ້​ເຮັດ​ຕໍ່​ພວກ​ຂ້ານ້ອຍ ກໍ​ເຍາະເຍີ້ຍ​ຫົວຂວັນ​ໃສ່​ພວກ​ຂ້ານ້ອຍ.

ອົບພະຍົບ 3:6

ເຮົາ​ເປັນ​ພຣະເຈົ້າ​ຂອງ​ພໍ່​ເຈົ້າ, ເປັນ​ພຣະເຈົ້າ​ຂອງ​ອັບຣາຮາມ, ເປັນ​ພຣະເຈົ້າ​ຂອງ​ອີຊາກ ແລະ​ເປັນ​ພຣະເຈົ້າ​ຂອງ​ຢາໂຄບ.” ສະນັ້ນ ໂມເຊ​ຈຶ່ງ​ເອົາ​ມື​ອັດ​ໜ້າ​ຂອງຕົນ​ໄວ້ ເພາະ​ບໍ່​ກ້າ​ເບິ່ງ​ພຣະເຈົ້າ.

ສຸພາສິດ 12:10

ຄົນດີ​ເປັນ​ຫ່ວງ​ນຳ​ຝູງສັດ​ຂອງຕົນ, ແຕ່​ຄົນ​ຊົ່ວຊ້າ​ຊໍ້າ​ໂຫດຮ້າຍ​ຕໍ່​ຝູງສັດ.

ເຢເຣມີຢາ 39:7

ຫລັງຈາກ​ນັ້ນ​ແລ້ວ ເພິ່ນ​ກໍໄດ້​ຄວັດ​ໜ່ວຍ​ຕາ​ເຈົ້າ​ເຊເດກີຢາ​ອອກ ແລະ​ເອົາ​ໂສ້​ລ່າມ​ເພິ່ນ​ໄວ້​ເພື່ອ​ຈະ​ນຳ​ໄປ​ບາບີໂລນ.

ຈົດບັນຊີ 16:14

ທ່ານ​ບໍ່ໄດ້​ນຳ​ພວກເຮົາ​ເຂົ້າ​ໄປ​ໃນ​ດິນແດນ​ອັນ​ອຸດົມສົມບູນ​ແລະ​ຮັ່ງມີ ຫລື​ມອບ​ໄຮ່​ນາ​ແລະ​ສວນອະງຸ່ນ​ໃຫ້​ພວກເຮົາ​ເປັນ​ກຳມະສິດ ແລະ​ບັດນີ້ ທ່ານ​ກຳລັງ​ພະຍາຍາມ​ຫລອກລວງ​ພວກເຮົາ​ອີກ. ພວກເຮົາ​ບໍ່​ໄປ​ດອກ.”

ພວກ^ຜູ້ປົກຄອງ 16:21

ຕໍ່ມາ ພວກ​ຟີລິດສະຕິນ​ກໍ​ຈັບ​ແຊມຊັນ​ໄດ້ ແລະ​ເຈາະ​ແກ່ນຕາ​ທັງສອງ​ຂອງ​ລາວ. ພວກເຂົາ​ໄດ້​ນຳ​ລາວ​ໄປ​ທີ່​ເມືອງ​ກາຊາ ແລະ​ໃຊ້​ໂສ້​ທີ່​ເປັນ​ທອງສຳຣິດ​ລ່າມ​ລາວ​ໄວ້ ແລະ​ທັງ​ບັງຄັບ​ລາວ​ໃຫ້​ໂມ້ແປ້ງ​ຢູ່​ໃນ​ຄຸກ.

1 ຊາມູເອນ 11:10

“ມື້ອື່ນ ພວກເຮົາ​ຈະ​ຍອມ​ຈຳນົນ​ຕໍ່​ທ່ານ ທ່ານ​ຈະ​ເຮັດ​ກັບ​ພວກເຮົາ​ຢ່າງ​ໃດ​ກໍໄດ້ ຕາມ​ທີ່​ທ່ານ​ຕ້ອງການ.”

1 ຊາມູເອນ 12:12

ແຕ່​ເມື່ອ​ພວກເຈົ້າ​ເຫັນ​ວ່າ ເຈົ້າ​ນາຮາດ​ກະສັດ​ແຫ່ງ​ອຳໂມນ​ກຳລັງ​ມາ​ໂຈມຕີ​ພວກເຈົ້າ ພວກເຈົ້າ​ຈຶ່ງ​ປະຖິ້ມ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ອົງ​ເປັນ​ກະສັດ​ຂອງ​ພວກເຈົ້າ ໂດຍ​ໄດ້​ເວົ້າ​ກັບ​ຂ້າພະເຈົ້າ​ວ່າ, ‘ພວກເຮົາ​ຢາກ​ໄດ້​ກະສັດ​ອົງ​ໜຶ່ງ​ມາ​ປົກຄອງ.’

1 ຊາມູເອນ 17:26

ດາວິດ​ຈຶ່ງ​ຖາມ​ພວກ​ທີ່​ຢູ່​ໃກ້​ກັບ​ລາວ​ນັ້ນ​ວ່າ, “ຜູ້​ທີ່​ຂ້າ​ຄົນ​ຟີລິດສະຕິນ​ຜູ້​ນີ້​ໄດ້ ແລະ​ຊ່ວຍ​ພວກ​ອິດສະຣາເອນ​ໃຫ້​ພົ້ນ​ຈາກ​ການ​ໝິ່ນປະໝາດ​ນີ້​ຈະ​ໄດ້​ຫຍັງ? ຄົນ​ຟີລິດສະຕິນ​ຜູ້​ບໍ່​ນັບຖື​ພຣະເຈົ້າ ທີ່​ກຳລັງ​ເວົ້າ​ທ້າທາຍ​ກອງທັບ​ຂອງ​ພຣະເຈົ້າ​ອົງ​ຊົງ​ຊີວິດ​ຢູ່​ນັ້ນ​ແມ່ນ​ຜູ້ໃດ?”