1 ຊາມູເອນ 11:11 - ພຣະຄຳພີສັກສິ

¹¹ ມື້​ໃໝ່​ມາ​ແຕ່​ເດິກໆ ໂຊນ​ໄດ້​ແບ່ງ​ທະຫານ​ຂອງຕົນ​ອອກ​ເປັນ​ສາມ​ໝວດ. ເມື່ອ​ເຊົ້າມາ ພວກເຂົາ​ໄດ້​ມຸ້ງໜ້າ​ໄປ​ສູ່​ຄ້າຍ​ຂອງ​ພວກ​ສັດຕູ ແລະ​ໂຈມຕີ​ຊາວ​ອຳໂມນ. ພວກເຂົາ​ໄດ້​ຂ້າ​ເປັນ​ໝູ່​ຊາວ​ອຳໂມນ​ຈົນ​ຮອດ​ທ່ຽງ. ສ່ວນ​ພວກ​ທີ່​ລອດຊີວິດ​ໄດ້​ນັ້ນ​ກໍ​ແຕກຊະ​ກັນໄປ ແຕ່ລະຄົນ​ຕ່າງ​ກໍ​ແລ່ນ​ໜີໄປ​ເອົາ​ຕົວລອດ.

1 ຊາມູເອນ 11:11 Jak'a apnaqawi uñst'ayäwi

ປະຖົມມະການ 22:14

ອັບຣາຮາມ​ໃສ່​ຊື່​ບ່ອນ​ນັ້ນ​ວ່າ, “ພຣະເຈົ້າຢາເວ​ຈັດຕຽມ​ໃຫ້” ແລະ​ຈົນເຖິງ​ທຸກ​ວັນນີ້ ຊາວ​ເມືອງ​ກໍ​ຍັງ​ເວົ້າ​ຕໍ່ໆ​ກັນ​ມາ​ວ່າ, “ເທິງ​ພູ​ຂອງ​ພຣະເຈົ້າຢາເວ​ຜູ້​ຈັດ​ຫາ​ໃຫ້.”

2 ຊາມູເອນ 18:2

ແລ້ວ​ເພິ່ນ​ກໍ​ສົ່ງ​ພວກເຂົາ​ອອກ​ໄປ​ເປັນ​ສາມ​ກອງ ຊຶ່ງ​ມີ​ລູກຊາຍ​ຂອງ​ນາງ​ເຊຣູອີຢາ​ຄື​ໂຢອາບ​ແລະ​ອາບີໄຊ​ນ້ອງຊາຍ​ຂອງ​ຕົນ​ແລະ​ອິດໄຕ​ຊາວ​ເມືອງກາດ ເປັນ​ຜູ້​ບັນຊາການ​ຂອງ​ແຕ່ລະ​ກອງ. ແລ້ວ​ກະສັດ​ກໍ​ເວົ້າ​ກັບ​ທະຫານ​ຂອງຕົນ​ວ່າ, “ເຮົາ​ເອງ​ຈະ​ໄປ​ກັບ​ພວກເຈົ້າ.”

ເພງ^ສັນລະເສີນ 46:1

ພຣະເຈົ້າ​ເປັນ​ທີ່​ກຳບັງ​ແລະ​ກຳລັງ​ຂອງ​ພວກ​ຂ້ານ້ອຍ ພຣະອົງ​ພ້ອມ​ຊ່ວຍເຫຼືອ​ໃນ​ຄາວ​ພວກ​ຂ້ານ້ອຍ​ຍາກ​ລຳບາກ.

ອົບພະຍົບ 14:24

ຕອນ​ໃກ້​ຮຸ່ງ​ເຊົ້າ ພຣະເຈົ້າຢາເວ​ໄດ້​ສັງເກດ​ເບິ່ງ​ກອງທັບ​ເອຢິບ​ຈາກ​ເສົາເມກ ແລະ​ເສົາໄຟ. ສະນັ້ນ ພຣະອົງ​ຈຶ່ງ​ບັນດານ​ໃຫ້​ເກີດ​ອົນລາຫົນ​ຂຶ້ນ​ໃນ​ເຫຼົ່າ​ທະຫານ.

ມັດທາຍ 7:2

ດ້ວຍວ່າ, ເຈົ້າ​ຈະ​ຕັດສິນ​ຄົນອື່ນ​ຢ່າງ​ໃດ ພຣະເຈົ້າ​ກໍ​ຈະ​ຕັດສິນ​ເຈົ້າ​ຢ່າງ​ນັ້ນ ແລະ​ເຈົ້າ​ຈະ​ຕວງ​ໃຫ້​ເຂົາ​ດ້ວຍ​ເຄື່ອງ​ຜອງ​ອັນ​ໃດ ພຣະເຈົ້າ​ກໍ​ຈະ​ຕວງ​ໃຫ້​ເຈົ້າ​ດ້ວຍ​ເຄື່ອງ​ຜອງ​ອັນ​ນັ້ນ.

ຢາໂກໂບ 2:13

ເພາະວ່າ ໃນ​ການ​ພິພາກສາ ພຣະເຈົ້າ​ຈະ​ບໍ່​ຊົງ​ສຳແດງ​ຄວາມ​ເມດຕາ ຕໍ່​ຜູ້​ທີ່​ບໍ່ໄດ້​ສະແດງ​ຄວາມ​ເມດຕາ ສ່ວນ​ຄວາມ​ເມດຕາ ຍ່ອມ​ມີ​ໄຊຊະນະ​ເໜືອ​ການ​ພິພາກສາ.

ພວກ^ຜູ້ປົກຄອງ 1:7

ເຈົ້າ​ອາໂດນີເບເຊັກ​ຈຶ່ງ​ຮ້ອງ​ຂຶ້ນ​ວ່າ, “ຍັງ​ມີ​ກະສັດ​ເຈັດສິບ​ຄົນ ທີ່​ຖືກ​ຕັດ​ໂປ້ມື​ແລະ​ໂປ້ຕີນ; ພວກເຂົາ​ພາກັນ​ເກັບ​ເສດ​ອາຫານ​ຕາມ​ກ້ອງ​ໂຕະ​ຂອງຂ້ອຍ. ບັດນີ້ ພຣະເຈົ້າ​ໄດ້​ເຮັດ​ຕໍ່​ຂ້ອຍ​ດັ່ງ​ທີ່​ຂ້ອຍ​ໄດ້​ເຮັດ​ຕໍ່​ພວກເຂົາ​ນັ້ນ.” ຕໍ່ມາ ເຈົ້າ​ອາໂດນີ​ເບເຊັກ​ໄດ້​ຖືກ​ນຳ​ຕົວ​ໄປ​ທີ່​ເມືອງ​ເຢຣູຊາເລັມ ແລະ​ເພິ່ນ​ໄດ້​ຕາຍ​ຢູ່​ທີ່​ນັ້ນ.

ພວກ^ຜູ້ປົກຄອງ 4:16

ຝ່າຍ​ບາຣັກ​ກໍ​ໄລ່​ຕາມ​ລົດຮົບ ແລະ​ກອງ​ທະຫານ​ໄປ ຈົນ​ຮອດ​ເມືອງ​ຮາໂຣເຊັດ​ຂອງ​ຄົນຕ່າງຊາດ; ແລ້ວ​ທະຫານ​ທັງໝົດ​ຂອງ​ສີເສຣາ​ກໍ​ຖືກ​ຂ້າ ໂດຍ​ບໍ່ມີ​ໃຜ​ຈັກ​ຄົນ​ລອດຊີວິດ.

ພວກ^ຜູ້ປົກຄອງ 7:16

ສະນັ້ນ ລາວ​ຈຶ່ງ​ແບ່ງ​ນັກຮົບ​ສາມຮ້ອຍ​ຄົນ​ນັ້ນ​ອອກ​ເປັນ​ສາມ​ໝວດ ໂດຍ​ເອົາ​ແກ​ແຈກ​ໃຫ້​ຄົນລະ​ອັນ ພ້ອມ​ທັງ​ໃຫ້​ຖື​ໄຫ​ຄົນລະ​ໜ່ວຍ​ທີ່​ມີ​ກະບອງ​ລຸກ​ຢູ່.

ພວກ^ຜູ້ປົກຄອງ 7:20

ແລ້ວ​ສອງ​ໝວດ​ອື່ນ​ອີກ​ກໍ​ເຮັດ​ເໝືອນກັນ. ພວກເຂົາ​ໃຊ້​ມື​ເບື້ອງຊ້າຍ​ຖື​ກະບອງ ແລະ​ໃຊ້​ມື​ເບື້ອງຂວາ​ຖື​ແກ ທັງ​ຮ້ອງ​ຂຶ້ນ​ວ່າ, “ດາບ​ເພື່ອ​ພຣະເຈົ້າຢາເວ ແລະ​ເພື່ອ​ກີເດໂອນ!”

ພວກ^ຜູ້ປົກຄອງ 9:43

ດັ່ງນັ້ນ ເພິ່ນ​ຈຶ່ງ​ແບ່ງ​ຄົນ​ຂອງຕົນ​ອອກ​ເປັນ​ສາມ​ໝວດ ໂດຍ​ໃຫ້​ໄປ​ລີ້​ຢູ່​ຕາມ​ທົ່ງນາ. ພໍ​ເຫັນ​ຄົນ​ອອກ​ມາ​ຈາກ​ເມືອງ ເພິ່ນ​ກໍ​ຟ້າວ​ອອກ​ໄປ​ໂຈມຕີ​ພວກເຂົາ​ທັນທີ.

1 ຊາມູເອນ 11:2

ນາຮາດ​ຕອບ​ວ່າ, “ເຮົາ​ຈະ​ເຮັດ​ສັນຍາ​ກັບ​ພວກເຈົ້າ​ໃນ​ເງື່ອນໄຂ​ຂໍ້​ໜຶ່ງ​ຄື: ເຮົາ​ຈະ​ເຈາະ​ແກ່ນຕາ​ເບື້ອງຂວາ​ທຸກຄົນ ເພື່ອ​ນຳ​ຄວາມ​ອັບອາຍ​ມາ​ສູ່​ຊາດ​ອິດສະຣາເອນ​ທັງໝົດ.”

1 ຊາມູເອນ 14:47

ເມື່ອ​ໂຊນ​ຂຶ້ນ​ເປັນ​ກະສັດ​ຂອງ​ຊາດ​ອິດສະຣາເອນ​ແລ້ວ ເພິ່ນ​ໄດ້​ສູ້ຮົບ​ໃນ​ທຸກບ່ອນ​ກັບ​ສັດຕູ​ທຸກ​ຄົນ​ຂອງ​ເພິ່ນ​ເຊັ່ນ: ຊາວ​ໂມອາບ, ຊາວ​ອຳໂມນ, ຊາວ​ເອໂດມ, ພວກ​ກະສັດ​ແຫ່ງ​ໂຊບາ ແລະ​ພວກ​ຟີລິດສະຕິນ. ທຸກ​ບ່ອນ​ທີ່​ເພິ່ນ​ສູ້ຮົບ ເພິ່ນ​ກໍໄດ້​ຮັບ​ໄຊຊະນະ.