1 ຊາມູເອນ 11:1 - ພຣະຄຳພີສັກສິ

¹ ປະມານ​ໜຶ່ງ​ເດືອນ​ຕໍ່ມາ ເຈົ້າ​ນາຮາດ​ກະສັດ​ແຫ່ງ​ອຳໂມນ​ໄດ້​ຍົກທັບ​ມາ​ໂຈມຕີ​ເມືອງ​ຢາເບັດ​ກີເລອາດ ແລະ​ປິດລ້ອມ​ເມືອງ​ໄວ້. ຊາວ​ເມືອງ​ຢາເບັດ​ຈຶ່ງ​ເວົ້າ​ກັບ​ເຈົ້າ​ນາຮາດ​ວ່າ, “ຈົ່ງ​ເຮັດ​ສັນຍາ​ກັບ​ພວກ​ຂ້ານ້ອຍ​ສາ ແລ້ວ​ພວກ​ຂ້ານ້ອຍ​ກໍ​ຈະ​ຮັບ​ທ່ານ​ເປັນ​ຜູ້ປົກຄອງ.”

1 ຊາມູເອນ 11:1 Jak'a apnaqawi uñst'ayäwi

ປະຖົມມະການ 26:28

ເຈົ້າ​ອາບີເມເຫຼັກ​ຕອບ​ວ່າ, “ບັດນີ້ ພວກເຮົາ​ຮູ້​ແລ້ວ​ວ່າ​ພຣະເຈົ້າຢາເວ​ສະຖິດ​ຢູ່​ກັບ​ເຈົ້າ ແລະ​ພວກເຮົາ​ຄິດ​ວ່າ​ເຈົ້າ​ແລະ​ເຮົາ​ຄວນ​ມີ​ການ​ຕົກລົງ​ກັນ​ຢ່າງ​ຈິງໃຈ.

2 ຊາມູເອນ 10:1

ຕໍ່ມາ ນາຮາດ​ກະສັດ​ຂອງ​ຊາວ​ອຳໂມນ​ໄດ້​ຕາຍໄປ. ຮານູນ​ລູກຊາຍ​ຂອງ​ເພິ່ນ​ໄດ້​ຂຶ້ນ​ເປັນ​ກະສັດ​ແທນ.

2 ຊາມູເອນ 10:2

ກະສັດ​ດາວິດ​ຈຶ່ງ​ກ່າວ​ວ່າ, “ເຮົາ​ຕ້ອງ​ສະແດງ​ຄວາມ​ເປັນ​ມິດ​ຢ່າງ​ສັດຊື່​ຕໍ່​ຮານູນ ຕາມ​ທີ່​ເຈົ້າ​ນາຮາດ​ພໍ່​ຂອງ​ລາວ​ເຄີຍ​ໄດ້​ປະຕິບັດ​ຕໍ່​ເຮົາ.” ສະນັ້ນ ກະສັດ​ດາວິດ​ຈຶ່ງ​ສົ່ງ​ຄະນະທູດ​ໄປ​ສະແດງ​ຄວາມ​ເສຍໃຈ​ນຳ​ເຈົ້າ​ຮານູນ. ເມື່ອ​ຄະນະທູດ​ຂອງ​ກະສັດ​ດາວິດ​ມາ​ເຖິງ​ເມືອງ​ອຳໂມນ​ແລ້ວ

2 ຊາມູເອນ 17:27

ເມື່ອ​ກະສັດ​ດາວິດ​ມາ​ຮອດ​ເມືອງ​ມະຫານາອິມ; ໂຊບີ ລູກຊາຍ​ຂອງ​ນາຮາດ​ຈາກ​ເມືອງ​ຣັບບາ​ໃນ​ອຳໂມນ​ກໍ​ມາ​ພົບ​ເພິ່ນ; ມາກີ ລູກຊາຍ​ຂອງ​ອຳມີເອນ​ຈາກ​ໂລເດບາ​ກໍໄດ້​ມາ​ພົບ​ເພິ່ນ​ຄື​ກັນ ແລະ​ບາກຊິນໄລ ຈາກ​ໂຣເກລິມ​ໃນ​ກີເລອາດ​ກໍ​ມາ​ພົບ​ເພິ່ນ​ດ້ວຍ.

2 ຊາມູເອນ 2:5

ເພິ່ນ​ຈຶ່ງ​ສົ່ງ​ບາງຄົນ​ໄປ​ທີ່​ນັ້ນ ເພື່ອ​ນຳ​ຂ່າວ​ໄປ​ບອກ​ຊາວ​ຢາເບັດ​ກີເລອາດ​ວ່າ, “ຂໍ​ໃຫ້​ພຣະເຈົ້າຢາເວ​ອວຍພອນ​ພວກທ່ານ ສຳລັບ​ຄວາມ​ຈົງຮັກ​ພັກດີ ທີ່​ມີ​ຕໍ່​ກະສັດ​ຂອງ​ພວກທ່ານ​ໂດຍ​ໄດ້​ຝັງ​ຊາກສົບ​ຂອງ​ເພິ່ນ​ໄວ້.

1 ກະສັດ 20:34

ກະສັດ​ເບັນຮາດາດ​ກ່າວ​ແກ່​ເພິ່ນ​ວ່າ, “ຂ້າພະເຈົ້າ​ຈະ​ເອົາ​ເມືອງ​ທີ່​ພໍ່​ຂອງ​ຂ້າພະເຈົ້າ ຢຶດເອົາ​ຈາກ​ພໍ່​ຂອງທ່ານ​ນັ້ນ​ຄືນ​ໃຫ້​ທ່ານ ເພື່ອ​ທ່ານ​ຈະ​ໄດ້​ສ້າງ​ສູນ​ການຄ້າ​ຂອງທ່ານ​ໄວ້​ໃນ​ເມືອງ​ດາມັສກັດ ດັ່ງ​ທີ່​ພໍ່​ຂອງ​ຂ້າພະເຈົ້າ​ໄດ້​ສ້າງ​ໄວ້​ທີ່​ເມືອງ​ຊາມາເຣຍ.” ກະສັດ​ອາຮາບ​ຕອບ​ວ່າ, “ເພາະ​ເງື່ອນໄຂ​ນີ້ ຂ້າພະເຈົ້າ​ຈະ​ປ່ອຍ​ທ່ານ​ໄປ.” ເພິ່ນ​ເຮັດ​ຂໍ້​ຕົກລົງ​ກັບ​ກະສັດ​ເບັນຮາດາດ ແລ້ວ​ກໍ​ປ່ອຍ​ເພິ່ນ​ໄປ.

1 ຂ່າວຄາວ 10:11

ເມື່ອ​ຊາວ​ເມືອງ​ຢາເບັດ​ກີເລອາດ​ໄດ້ຍິນ​ສິ່ງ​ທີ່​ພວກ​ຟີລິດສະຕິນ ໄດ້​ເຮັດ​ຕໍ່​ກະສັດ​ໂຊນ

1 ຂ່າວຄາວ 10:12

ບັນດາ​ທະຫານ​ຜູ້​ເກັ່ງກ້າ​ທີ່ສຸດ​ກໍໄດ້​ໄປ​ເອົາ​ຊາກສົບ​ຂອງ​ກະສັດ​ໂຊນ ແລະ​ຊາກສົບ​ຂອງ​ພວກ​ລູກຊາຍ​ຂອງ​ເພິ່ນ​ກັບຄືນ​ມາ​ທີ່​ຢາເບັດ. ພວກເຂົາ​ໄດ້​ຝັງ​ຊາກສົບ​ເຫຼົ່ານັ້ນ​ໄວ້​ຢູ່​ກ້ອງ​ຕົ້ນໂອກ​ແລະ​ຖືສິນ​ອົດອາຫານ​ເຈັດ​ວັນ.

ພຣະທຳ​ໂຢບ 41:4

ມັນ​ຈະ​ຍິນຍອມ​ເຮັດ​ຂໍ້​ຕົກລົງ​ກັບ​ເຈົ້າ​ບໍ? ແລະ​ສັນຍາ​ຈະ​ຍອມ​ຮັບໃຊ້​ເຈົ້າ​ສືບໄປ​ຫລືບໍ່?

ອົບພະຍົບ 23:32

ຢ່າ​ເຮັດ​ຂໍ້​ຕົກລົງ​ໃດໆ​ກັບ​ພວກເຂົາ ຫລື​ກັບ​ບັນດາ​ພະ​ຂອງ​ພວກເຂົາ.

ເອຊາຢາ 36:16

ຢ່າ​ເຊື່ອຟັງ​ເຮເຊກີຢາ​ເລີຍ ກະສັດ​ແຫ່ງ​ອັດຊີເຣຍ​ສັ່ງ​ພວກເຈົ້າ ໃຫ້​ອອກ​ມາ​ຈາກ​ເມືອງ ແລະ​ຍອມ​ຈຳນົນ​ສາ. ເຈົ້າ​ທຸກຄົນ​ຈະ​ໄດ້​ຮັບ​ອະນຸຍາດ ໃຫ້​ກິນ​ໝາກອະງຸ່ນ​ຢູ່​ໃນ​ສວນອະງຸ່ນ​ຂອງ​ພວກ​ເຈົ້າເອງ ແລະ​ກິນ​ໝາກເດື່ອ​ຈາກ​ຕົ້ນ​ໝາກເດື່ອ​ຂອງ​ພວກເຈົ້າ​ເອງ ແລະ​ດື່ມ​ນໍ້າ​ຈາກ​ສ້າງ​ຂອງ​ພວກເຈົ້າ​ເອງ​ໄດ້

ເຢເຣມີຢາ 40:11

ໃນຂະນະ​ດຽວກັນ​ນັ້ນ ຊາວ​ອິດສະຣາເອນ​ທັງໝົດ​ທີ່​ໄດ້​ອາໄສ​ຢູ່​ໃນ​ໂມອາບ, ອຳໂມນ, ເອໂດມ ແລະ​ດິນແດນ​ອື່ນ​ອີກ​ໄດ້ຍິນ​ວ່າ ກະສັດ​ແຫ່ງ​ບາບີໂລນ​ໄດ້​ອະນຸຍາດ​ໃຫ້​ຊາວ​ອິດສະຣາເອນ​ບາງຄົນ​ອາໄສ​ຢູ່​ໃນ​ຢູດາຍ​ໄດ້ ແລະ​ເພິ່ນ​ແຕ່ງຕັ້ງ​ເກດາລີຢາ​ລູກຊາຍ​ຂອງ​ອາຮີກຳ ແລະ​ຫລານຊາຍ​ຂອງ​ຊາຟານ​ໃຫ້​ເປັນ​ຜູ້​ສຳເລັດ​ຣາຊການ​ຂອງ​ພວກເຂົາ.

ເຢເຣມີຢາ 40:14

ແລະ​ກ່າວ​ແກ່​ເພິ່ນ​ວ່າ, “ທ່ານ​ບໍ່​ຮູ້​ຫລື​ວ່າ ກະສັດ​ບາອາລີ​ແຫ່ງ​ອຳໂມນ​ໄດ້​ໃຊ້​ອິດຊະມາເອນ​ລູກຊາຍ​ຂອງ​ເນທານີຢາ​ມາ​ລອບ​ສັງຫານ​ທ່ານ?” ແຕ່​ເກດາລີຢາ​ລູກຊາຍ​ຂອງ​ອາຮີກຳ​ບໍ່​ເຊື່ອ​ພວກເຂົາ.

ເອເຊກຽນ 17:13

ລາວ​ໄດ້​ເອົາ​ຄົນ​ໜຶ່ງ​ໃນ​ຄອບຄົວ​ຂອງ​ກະສັດ​ເຮັດ​ຄຳໝັ້ນ​ສັນຍາ​ກັບ​ຜູ້ນັ້ນ ແລະ​ໃຫ້​ສາບານ​ວ່າ​ຈະ​ສັດຊື່​ຕໍ່​ລາວ. ລາວ​ໄດ້​ຈັບ​ເອົາ​ຄົນ​ສຳຄັນ​ໄປ​ເປັນ​ຕົວປະກັນ

ພຣະບັນຍັດສອງ 23:3

ຢ່າ​ນັບ​ຊາວ​ອຳໂມນ​ຫລື​ຊາວ​ໂມອາບ ຫລື​ລູກຫລານ​ຂອງ​ພວກເຂົາ​ເຖິງ​ສິບ​ຊົ່ວ​ເຊັ່ນ​ຄົນ ເຂົ້າ​ເປັນ​ປະຊາຊົນ​ຂອງ​ພຣະເຈົ້າຢາເວ.

ພວກ^ຜູ້ປົກຄອງ 10:7

ດັ່ງນັ້ນ ພຣະເຈົ້າຢາເວ​ຈຶ່ງ​ໂກດຮ້າຍ​ຊາວ​ອິດສະຣາເອນ ແລະ​ໄດ້​ປ່ອຍ​ໃຫ້​ຊາວ​ຟີລິດສະຕິນ​ແລະ​ຊາວ​ອຳໂມນ​ຮົບ​ຊະນະ​ພວກເຂົາ.

ພວກ^ຜູ້ປົກຄອງ 11:4

ໃນ​ເວລາ​ຕໍ່ມາ ຊາວ​ອຳໂມນ​ໄດ້​ເຮັດ​ເສິກ​ຕໍ່ສູ້​ຊາດ​ອິດສະຣາເອນ.

ພວກ^ຜູ້ປົກຄອງ 21:8

ເມື່ອ​ພວກເຂົາ​ຖາມ​ກັນ​ວ່າ ມີ​ໝວດ​ໃດ​ແດ່​ໃນ​ເຜົ່າ​ຂອງ​ຊາດ​ອິດສະຣາເອນ ທີ່​ບໍ່ໄດ້​ໄປ​ຮ່ວມ​ປະຊຸມ​ຢູ່​ຊ້ອງໜ້າ​ພຣະເຈົ້າຢາເວ​ທີ່​ມີຊະປາ​ນັ້ນ. ພວກເຂົາ​ຈຶ່ງ​ພົບ​ວ່າ ບໍ່ມີ​ຜູ້ໃດ​ຈາກ​ຢາເບັດ​ກີເລອາດ ມາ​ຮ່ວມ​ໃນ​ທີ່​ປະຊຸມ​ນັ້ນ.

1 ຊາມູເອນ 12:12

ແຕ່​ເມື່ອ​ພວກເຈົ້າ​ເຫັນ​ວ່າ ເຈົ້າ​ນາຮາດ​ກະສັດ​ແຫ່ງ​ອຳໂມນ​ກຳລັງ​ມາ​ໂຈມຕີ​ພວກເຈົ້າ ພວກເຈົ້າ​ຈຶ່ງ​ປະຖິ້ມ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ອົງ​ເປັນ​ກະສັດ​ຂອງ​ພວກເຈົ້າ ໂດຍ​ໄດ້​ເວົ້າ​ກັບ​ຂ້າພະເຈົ້າ​ວ່າ, ‘ພວກເຮົາ​ຢາກ​ໄດ້​ກະສັດ​ອົງ​ໜຶ່ງ​ມາ​ປົກຄອງ.’

1 ຊາມູເອນ 14:47

ເມື່ອ​ໂຊນ​ຂຶ້ນ​ເປັນ​ກະສັດ​ຂອງ​ຊາດ​ອິດສະຣາເອນ​ແລ້ວ ເພິ່ນ​ໄດ້​ສູ້ຮົບ​ໃນ​ທຸກບ່ອນ​ກັບ​ສັດຕູ​ທຸກ​ຄົນ​ຂອງ​ເພິ່ນ​ເຊັ່ນ: ຊາວ​ໂມອາບ, ຊາວ​ອຳໂມນ, ຊາວ​ເອໂດມ, ພວກ​ກະສັດ​ແຫ່ງ​ໂຊບາ ແລະ​ພວກ​ຟີລິດສະຕິນ. ທຸກ​ບ່ອນ​ທີ່​ເພິ່ນ​ສູ້ຮົບ ເພິ່ນ​ກໍໄດ້​ຮັບ​ໄຊຊະນະ.