1 ຊາມູເອນ 10:9 - ພຣະຄຳພີສັກສິ

⁹ ເມື່ອ​ໂຊນ​ຈາກ​ຊາມູເອນ​ໄປ​ແລ້ວ ພຣະເຈົ້າ​ກໍ​ປ່ຽນ​ໂຊນ​ເປັນ​ຄົນ​ໃໝ່. ທຸກໆ​ສິ່ງ​ທີ່​ຊາມູເອນ​ໄດ້​ບອກ​ໄວ້​ກັບ​ລາວ​ກໍ​ເກີດຂຶ້ນ​ໃນ​ມື້ນັ້ນ.

1 ຊາມູເອນ 10:9 Jak'a apnaqawi uñst'ayäwi

ເອເຊກຽນ 36:26

ເຮົາ​ຈະ​ໃຫ້​ພວກເຈົ້າ​ມີ​ຄວາມຄິດ ແລະ​ຈິດໃຈ​ໃໝ່. ເຮົາ​ຈະ​ເອົາ​ຈິດໃຈ​ດື້ດ້ານ​ທີ່​ແຂງ​ດັ່ງ​ຫີນ​ໜີໄປ ແລະ​ຈະ​ເອົາ​ຈິດໃຈ​ເປັນ​ເນື້ອໜັງ​ທີ່​ເຊື່ອຟັງ​ໃຫ້​ພວກເຈົ້າ.

ມາຣະໂກ 14:16

ສາວົກ​ສອງ​ຄົນ​ຈຶ່ງ​ໄດ້​ອອກ​ໄປ ແລະ​ໄດ້​ເຂົ້າ​ໄປ​ໃນ​ເມືອງ, ພວກເພິ່ນ​ໄດ້​ພົບ​ຕາມ​ທີ່​ພຣະເຢຊູເຈົ້າ​ໄດ້​ບອກ​ໄວ້​ທຸກປະການ ແລະ​ພວກເພິ່ນ​ກໍໄດ້​ຈັດແຈ່ງ​ອາຫານ​ສຳລັບ​ປັດສະຄາ.

ພວກ^ຜູ້ປົກຄອງ 6:21

ແລ້ວ​ເທວະດາ​ຂອງ​ພຣະເຈົ້າຢາເວ​ກໍ​ເອົາ​ປາຍ​ໄມ້ເທົ້າ​ຂອງຕົນ ແຕະຕ້ອງ​ຊີ້ນ​ແລະ​ເຂົ້າຈີ່​ນັ້ນ. ໃນທັນໃດ ໄຟ​ກໍ​ລຸກ​ຂຶ້ນ​ຈາກ​ໂງ່ນຫີນ ແລະ​ໄໝ້​ຊີ້ນ​ກັບ​ເຂົ້າຈີ່​ນັ້ນ​ໝົດກ້ຽງ. ແລ້ວ​ເທວະດາ​ຂອງ​ພຣະເຈົ້າຢາເວ​ກໍ​ຫາຍໄປ​ຈາກ​ສາຍຕາ​ຂອງ​ລາວ.

ພວກ^ຜູ້ປົກຄອງ 7:11

ເຈົ້າ​ຈະ​ໄດ້ຍິນ​ວ່າ​ພວກເຂົາ​ກຳລັງ​ເວົ້າ​ຫຍັງ​ແດ່ ແລ້ວ​ເຈົ້າ​ກໍ​ຈະ​ກ້າ​ບຸກໂຈມຕີ​ທີ່ໝັ້ນ​ນັ້ນ.” ດັ່ງນັ້ນ ກີເດໂອນ​ແລະ​ປູຣາ​ຄົນ​ຮັບໃຊ້​ຂອງຕົນ ຈຶ່ງ​ລົງ​ໄປ​ທີ່​ແຄມ​ຄ້າຍ​ຂອງ​ສັດຕູ.

1 ຊາມູເອນ 16:13

ຊາມູເອນ​ເອົາ​ນໍ້າມັນ​ສັກສິດ​ຫົດສົງ​ດາວິດ​ຕໍ່ໜ້າ​ພວກອ້າຍໆ​ຂອງ​ລາວ. ໃນ​ທັນໃດນັ້ນ ພຣະວິນຍານ​ຂອງ​ພຣະເຈົ້າຢາເວ​ກໍ​ຄວບຄຸມ​ດາວິດ ແລະ​ສະຖິດ​ຢູ່​ກັບ​ລາວ​ນັບ​ຕັ້ງແຕ່​ມື້​ນັ້ນ​ມາ ຊາມູເອນ​ກໍ​ກັບຄືນ​ເມືອ​ບ້ານເມືອງ​ຂອງ​ຕົນ​ທີ່​ຣາມາ.

1 ຊາມູເອນ 2:35

ເຮົາ​ຈະ​ເລືອກ​ເອົາ​ປະໂຣຫິດ​ຜູ້ໜຶ່ງ​ທີ່​ສັດຊື່​ຕໍ່​ເຮົາ ແລະ​ເຮົາ​ຈະ​ໃຫ້​ລາວ​ເຮັດ​ທຸກໆ​ສິ່ງ​ທີ່​ເຮົາ​ຕ້ອງການ; ເຮົາ​ຈະ​ໃຫ້​ລາວ​ມີ​ເຊື້ອສາຍ​ເປັນ​ຜູ້​ບົວລະບັດ​ຮັບໃຊ້​ເຮົາ​ຕະຫລອດໄປ ຢູ່​ຕໍ່ໜ້າ​ກະສັດ​ທີ່​ເຮົາ​ເລືອກເອົາ.