1 ຊາມູເອນ 10:25 - ພຣະຄຳພີສັກສິ

²⁵ ຊາມູເອນ​ໄດ້​ອະທິບາຍ​ເຖິງ​ສິດ ແລະ​ໜ້າທີ່​ຂອງ​ກະສັດ​ໃຫ້​ປະຊາຊົນ​ຟັງ ແລະ​ຂຽນ​ຄຳ​ອະທິບາຍ​ເຫຼົ່ານັ້ນ​ໄວ້​ຢູ່​ໃນ​ປຶ້ມ​ຊ້ອງໜ້າ​ພຣະເຈົ້າຢາເວ ແລ້ວ​ເພິ່ນ​ກໍ​ໃຫ້​ທຸກຄົນ​ກັບ​ເມືອ​ເຮືອນ​ຂອງ​ໃຜ​ລາວ.

1 ຊາມູເອນ 10:25 Jak'a apnaqawi uñst'ayäwi

2 ກະສັດ 11:17

ປະໂຣຫິດ​ເຢໂຮຍອາດາ​ໄດ້​ໃຫ້​ກະສັດ​ໂຢອາດ​ແລະ​ປະຊາຊົນ​ເຮັດ​ພັນທະສັນຍາ​ຕໍ່​ພຣະເຈົ້າຢາເວ​ວ່າ ພວກຕົນ​ຈະ​ເປັນ​ປະຊາຊົນ​ຂອງ​ພຣະເຈົ້າຢາເວ; ເພິ່ນ​ຍັງ​ໄດ້​ເຮັດ​ພັນທະສັນຍາ​ລະຫວ່າງ​ກະສັດ​ແລະ​ປະຊາຊົນ.

ພຣະບັນຍັດສອງ 31:26

“ຈົ່ງ​ເອົາ​ປື້ມ​ທີ່​ບັນຈຸ​ກົດບັນຍັດ​ນີ້ ໄປ​ໄວ້​ຂ້າງ​ຫີບ​ພັນທະສັນຍາ​ຂອງ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ເພື່ອ​ວ່າ​ປື້ມນີ້​ຈະ​ເປັນ​ພະຍານ​ຕໍ່ສູ້​ໄພ່ພົນ​ຂອງ​ພຣະອົງ.

1 ຕີໂມທຽວ 2:2

ເພື່ອ​ກະສັດ​ທັງຫລາຍ​ແລະ​ຄົນ​ທັງປວງ ທີ່​ມີ​ຕຳແໜ່ງ​ສູງ ເພື່ອ​ເຮົາ​ທັງຫລາຍ​ຈະ​ໄດ້​ດຳເນີນ​ຊີວິດ​ຢ່າງ​ງຽບໆ​ແລະ​ສະຫງົບສຸກ​ໃນ​ທາງ​ທຳ ດ້ວຍ​ຄວາມນັບຖື​ຢຳເກງ​ພຣະເຈົ້າ​ແລະ​ດ້ວຍ​ກຽດ​ສັກສີ​ທຸກປະການ.

ຕີໂຕ 3:1

ຈົ່ງ​ເຕືອນ​ສະຕິ​ພວກເຂົາ​ໃຫ້​ຢູ່​ໃຕ້​ບັງຄັບ​ຜູ້ປົກຄອງ ແລະ​ຜູ້​ມີ​ອຳນາດ ຄື​ໃຫ້​ນ້ອມຟັງ​ແລະ​ມີ​ໃຈ​ພ້ອມ​ທີ່​ຈະ​ເຮັດ​ການ​ດີ​ທຸກຢ່າງ.

ໂຢຊວຍ 22:6

ແລ້ວ​ໂຢຊວຍ​ກໍໄດ້​ສົ່ງ​ພວກເຂົາ​ຄືນ​ສູ່​ຖິ່ນຖານ ພ້ອມ​ຄຳອວຍພອນ​ຂອງ​ເພິ່ນ ແລະ​ສັ່ງ​ພວກເຂົາ​ວ່າ, “ພວກເຈົ້າ​ຄືນ​ສູ່​ຖິ່ນຖານ​ດ້ວຍ​ຄວາມ​ອຸດົມສົມບູນ ໂດຍ​ມີ​ຝູງສັດ​ຢ່າງ​ມາກມາຍ, ຄຳ, ເງິນ, ທອງ, ເຫຼັກ ແລະ​ເຄື່ອງນຸ່ງ​ຫລາຍ​ຢ່າງ. ສະນັ້ນ ພວກເຈົ້າ​ຈົ່ງ​ແບ່ງປັນ​ສິ່ງ​ທີ່​ຢຶດ​ມາ​ໄດ້​ຈາກ​ເຫຼົ່າ​ສັດຕູ​ນັ້ນ ໃຫ້​ພີ່ນ້ອງ​ໃນ​ຕະກຸນ​ຂອງ​ພວກເຈົ້າ.” ແລ້ວ​ພວກເຂົາ​ກໍໄດ້​ພາກັນ​ກັບ​ເມືອ. ໂມເຊ​ໄດ້​ມອບ​ດິນແດນ​ທາງທິດ​ຕາເວັນອອກ​ຂອງ​ແມ່ນໍ້າ​ຈໍແດນ​ໃຫ້​ເຜົ່າ​ມານາເຊ​ເຄິ່ງ​ເຜົ່າ ແລະ​ອີກ​ເຄິ່ງ​ເຜົ່າ​ນັ້ນ ໂຢຊວຍ​ໄດ້​ມອບ​ດິນແດນ​ທາງ​ທິດ​ຕາເວັນຕົກ​ຂອງ​ແມ່ນໍ້າ​ຈໍແດນ ໃຫ້​ພວກເຂົາ​ຮ່ວມ​ກັບ​ເຜົ່າ​ອື່ນໆ.

1 ຊາມູເອນ 11:14

ແລ້ວ​ຊາມູເອນ​ກໍ​ກ່າວ​ວ່າ, “ໃຫ້​ພວກເຮົາ​ທຸກຄົນ​ໄປ​ທີ່​ເມືອງ​ກິນການ ແລະ​ປະກາດ​ແຕ່ງຕັ້ງ​ໂຊນ​ຢູ່​ທີ່​ນັ້ນ​ອີກເທື່ອໜຶ່ງ ໃຫ້​ເປັນ​ກະສັດ​ຂອງ​ພວກເຮົາ.”

1 ຊາມູເອນ 8:9

ສະນັ້ນ ເຈົ້າ​ຈົ່ງ​ຟັງ​ພວກເຂົາ, ແຕ່​ໃຫ້​ຕັກເຕືອນ​ພວກເຂົາ​ຢ່າງ​ໜັກແໜ້ນ ແລະ​ທັງ​ອະທິບາຍ​ສູ່​ພວກເຂົາ​ໃຫ້​ຮູ້​ວ່າ ກະສັດ​ຂອງ​ພວກເຂົາ​ນັ້ນ​ຈະ​ປົກຄອງ​ພວກເຂົາ​ຢ່າງໃດ?”