1 ຊາມູເອນ 10:1 - ພຣະຄຳພີສັກສິ

¹ ແລ້ວ​ຊາມູເອນ​ກໍ​ເອົາ​ເຕົ້າ​ນໍ້າມັນ​ໝາກກອກເທດ​ຖອກ​ໃສ່​ຫົວ​ໂຊນ ແລະ​ຈູບ​ລາວ ແລະ​ກ່າວ​ວ່າ, “ພຣະເຈົ້າຢາເວ​ໄດ້ຫົດສົງ​ເຈົ້າ​ໃຫ້​ເປັນ​ຜູ້​ປົກຄອງ​ຊາວ​ອິດສະຣາເອນ​ປະຊາຊົນ​ຂອງ​ພຣະອົງ. ເຈົ້າ​ຈະ​ປົກຄອງ​ປະຊາຊົນ​ຂອງ​ພຣະເຈົ້າຢາເວ ແລະ​ຊ່ວຍ​ພວກເຂົາ​ໃຫ້​ພົ້ນ​ຈາກ​ສັດຕູ​ທັງປວງ​ຂອງ​ພວກເຂົາ. ຂໍ້​ພິສູດ​ທີ່​ພຣະເຈົ້າຢາເວ​ໄດ້​ເລືອກ​ເອົາ​ເຈົ້າ ໃຫ້​ຂຶ້ນ​ເປັນ​ຜູ້​ປົກຄອງ​ປະຊາຊົນ​ຂອງ​ພຣະອົງ ແມ່ນ​ດັ່ງນີ້:

1 ຊາມູເອນ 10:1 Jak'a apnaqawi uñst'ayäwi

2 ຊາມູເອນ 1:14

ດາວິດ​ຖາມ​ລາວ​ວ່າ, “ເປັນຫຍັງ​ເຈົ້າ​ຈຶ່ງ​ກ້າ​ຂ້າ​ກະສັດ ທີ່​ພຣະເຈົ້າຢາເວ​ໄດ້​ຊົງ​ຫົດສົງ?”

2 ຊາມູເອນ 19:39

ແລ້ວ​ກະສັດ​ດາວິດ​ພ້ອມ​ກັບ​ພັກພວກ​ຂອງ​ເພິ່ນ​ທຸກຄົນ ກໍ​ຂ້າມ​ແມ່ນໍ້າ​ຈໍແດນ​ໄປ. ເພິ່ນ​ຈູບລາ​ທັງ​ອວຍພອນ​ບາກຊິນໄລ ແລ້ວ​ບາກຊິນໄລ​ກໍ​ກັບຄືນ​ເມືອ​ສູ່​ບ້ານເມືອງ​ຂອງຕົນ.

2 ຊາມູເອນ 20:19

ເມືອງ​ຂອງ​ພວກ​ຂ້ານ້ອຍ​ເປັນ​ເມືອງ​ໃຫຍ່, ເປັນ​ເມືອງ​ທີ່​ສະຫງົບສຸກ ແລະ​ເປັນ​ເມືອງ​ທີ່​ທ່ຽງທຳ​ໃນ​ຊາດ​ອິດສະຣາເອນ. ເຫດໃດ​ທ່ານ​ຈຶ່ງ​ທຳລາຍ​ມັນ? ທ່ານ​ຢາກ​ທຳລາຍ ຫລື​ມ້າງເພ​ສິ່ງ​ທີ່​ເປັນ​ຂອງ​ພຣະເຈົ້າຢາເວ​ຊັ້ນບໍ?”

2 ຊາມູເອນ 5:2

ໃນ​ອະດີດ​ເມື່ອ​ກະສັດ​ໂຊນ​ຍັງ​ເປັນ​ກະສັດ​ຢູ່​ນັ້ນ ທ່ານ​ເອງ​ກໍໄດ້​ນຳພາ​ປະຊາຊົນ​ອິດສະຣາເອນ​ອອກ​ສູ່​ສະໜາມຮົບ ແລະ​ພຣະເຈົ້າຢາເວ​ໄດ້​ກ່າວ​ກັບ​ທ່ານ​ວ່າ, ‘ທ່ານ​ຈະ​ເປັນ​ຜູ້ນຳ ແລະ​ຜູ້ປົກຄອງ​ປະຊາຊົນ​ຂອງ​ພຣະອົງ.”’

1 ກະສັດ 1:34

ໃນ​ທີ່ນັ້ນ ໃຫ້​ປະໂຣຫິດ​ຊາດົກ​ແລະ​ຜູ້ທຳນວາຍ​ນາທານ​ຫົດສົງ​ແຕ່ງຕັ້ງ​ລາວ​ເປັນ​ກະສັດ​ແຫ່ງ​ຊາດ​ອິດສະຣາເອນ. ແລ້ວ​ໃຫ້​ເປົ່າແກ​ແລະ​ຮ້ອງໂຮ​ຂຶ້ນ​ວ່າ, ‘ຂໍ​ໃຫ້​ກະສັດ​ໂຊໂລໂມນ​ຈົ່ງ​ໝັ້ນຍືນ.’

1 ກະສັດ 19:18

ແຕ່​ຢ່າງໃດ​ກໍຕາມ ເຮົາ​ຈະ​ໃຫ້​ມີ​ເຈັດພັນ​ຄົນ ມີ​ຊີວິດ​ຢູ່​ໃນ​ອິດສະຣາເອນ ຄື​ພວກ​ທີ່​ສັດຊື່​ຕໍ່​ເຮົາ ແລະ​ບໍ່ໄດ້​ຂາບໄຫວ້​ພະບາອານ ຫລື​ຈູບ​ຮູບເຄົາຣົບ​ຂອງ​ມັນ.”

2 ກະສັດ 20:5

“ຈົ່ງ​ກັບຄືນ​ໄປ​ຫາ​ກະສັດ​ເຮເຊກີຢາ ຜູ້ປົກຄອງ​ປະຊາຊົນ​ຂອງ​ເຮົາ​ວ່າ, ພຣະເຈົ້າຢາເວ ພຣະເຈົ້າ​ຂອງ​ດາວິດ​ບັນພະບຸລຸດ​ຂອງ​ເຈົ້າ​ໄດ້ບອກ​ດັ່ງນີ້​ວ່າ, ‘ເຮົາ​ໄດ້ຍິນ​ຄຳພາວັນນາ​ອະທິຖານ​ຂອງ​ເຈົ້າ ແລະ​ເຫັນ​ນໍ້າຕາ​ຂອງ​ເຈົ້າ. ເຮົາ​ຈະ​ໃຫ້​ເຈົ້າ​ຫາຍ​ປ່ວຍ ແລະ​ໃນ​ວັນ​ທີ​ສາມ ເຈົ້າ​ຕ້ອງ​ໄປ​ທີ່​ວິຫານ​ຂອງ​ພຣະເຈົ້າຢາເວ.

2 ກະສັດ 9:1

ໃນ​ໄລຍະ​ນັ້ນ​ເອງ ຜູ້ທຳນວາຍ​ເອລີຊາ​ໄດ້​ເອີ້ນ​ຜູ້ທຳນວາຍ​ໜຸ່ມ​ຄົນ​ໜຶ່ງ​ມາ ແລະ​ບອກ​ວ່າ, “ຈົ່ງ​ຕຽມຕົວ​ໄປ​ທີ່​ເມືອງ​ຣາໂມດ​ໃນ​ກີເລອາດ. ໃຫ້​ເອົາ​ແກ້ວ​ນໍ້າມັນ​ໝາກກອກເທດ​ນີ້​ໄປ​ນຳ

2 ກະສັດ 9:12

ພວກເຂົາ​ຕອບ​ວ່າ, “ບໍ່ ພວກຂ້ອຍ​ບໍ່​ຮູ້ ບອກ​ມາ​ເບິ່ງດູ​ວ່າ ລາວ​ເວົ້າ​ຫຍັງ​ແດ່?” ເຢຮູ​ຕອບ​ວ່າ, “ລາວ​ໄດ້​ບອກ​ຂ້ອຍ​ວ່າ, ‘ພຣະເຈົ້າຢາເວ​ປະກາດ​ດັ່ງນີ້: ເຮົາ​ຫົດສົງ​ເຈົ້າ​ໃຫ້​ເປັນ​ກະສັດ​ແຫ່ງ​ອິດສະຣາເອນ.”’

ເພງ^ສັນລະເສີນ 135:4

ພຣະເຈົ້າຢາເວ​ໄດ້​ເລືອກ​ຢາໂຄບ​ໃຫ້​ເປັນ​ຄົນ​ຂອງ​ພຣະອົງ​ເອງ ຊາວ​ອິດສະຣາເອນ​ໃຫ້​ເປັນ​ກຳມະສິດ​ຂອງ​ພຣະອົງ.

ເພງ^ສັນລະເສີນ 78:71

ຄື​ບ່ອນ​ທີ່​ເພິ່ນ​ໄດ້​ເຝົ້າເບິ່ງ​ຝູງແກະ​ຂອງ​ເພິ່ນ ແລະ​ພຣະອົງ​ໄດ້​ຫົດສົງ​ຕັ້ງ​ເພິ່ນ​ໃຫ້​ເປັນ​ຜູ້ນຳ ຄື​ເປັນ​ກະສັດ​ຂອງ​ຊາດ​ອິດສະຣາເອນ ເປັນ​ຜູ້​ລ້ຽງດູ​ປະຊາຊົນ​ຂອງ​ພຣະເຈົ້າ.

ອົບພະຍົບ 30:23

“ຈົ່ງ​ເອົາ​ເຄື່ອງຫອມ​ຊັ້ນ​ດີທີ່ສຸດ​ມາ​ປຸງ​ເຮັດ​ນໍ້າຫອມ​ເຊັ່ນ: ຢາງໄມ້​ຫອມ​ປະມານ​ຫົກ​ກິໂລກຼາມ ກຳຍານ​ເປັນ​ດິ້ວ​ປະມານ​ສາມ​ກິໂລກຼາມ ໃບເຕີຍ​ຫອມ​ປະມານ​ສາມ​ກິໂລກຼາມ

ເຢເຣມີຢາ 10:16

ພຣະເຈົ້າ​ຂອງ​ຢາໂຄບ ບໍ່​ຄື​ພະ​ເຫຼົ່ານີ້​ເລີຍ ຊົງ​ເປັນ​ຜູ້​ສ້າງ​ສັບພະທຸກສິ່ງ​ໃນ​ຈັກກະວານ​ນີ້. ພຣະອົງ​ໄດ້​ເລືອກ​ອິດສະຣາເອນ​ໃຫ້​ເປັນ​ຂອງ​ພຣະອົງ ນາມຊື່​ຂອງ​ພຣະອົງ​ຄື​ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່.

ເອເຊກຽນ 16:13

ເຈົ້າ​ມີ​ເຄື່ອງເອ້​ເປັນ​ຄຳ​ແລະ​ເປັນເງິນ ແລະ​ເຈົ້າ​ໄດ້​ນຸ່ງ​ຜ້າ​ປ່ານ​ເນື້ອລະອຽດ ແລະ​ຜ້າ​ໄໝ​ທີ່​ປັກແສ່ວ​ຢູ່​ສະເໝີ. ເຈົ້າ​ໄດ້​ກິນ​ເຂົ້າຈີ່​ທີ່​ເຮັດ​ດ້ວຍ​ແປ້ງ​ຢ່າງດີ​ທີ່ສຸດ ມີ​ນໍ້າເຜິ້ງ​ແລະ​ນໍ້າມັນ​ໝາກກອກເທດ​ກິນ. ຄວາມງາມ​ຂອງເຈົ້າ​ບາດຕາ​ບາດໃຈ ແລະ​ເຈົ້າ​ກໍ​ກາຍເປັນ​ຣາຊີນີ.

ໂຮເສອາ 13:2

ພວກເຂົາ​ຍັງ​ສືບຕໍ່​ເຮັດ​ບາບ ໂດຍ​ຫລໍ່​ຮູບ​ດ້ວຍ​ໂລຫະ​ໄວ້​ຂາບໄຫວ້ ຄື​ຫລໍ່​ຮູບເຄົາຣົບ​ເປັນ​ເງິນ ອອກ​ແບບ​ຕາມ​ຄວາມຄິດ​ຂອງ​ມະນຸດ ແລະ​ເຮັດ​ຂຶ້ນ​ດ້ວຍ​ສີມື​ຂອງ​ມະນຸດ. ແລ້ວ​ພວກເຂົາ​ກໍ​ເວົ້າ​ວ່າ, “ຈົ່ງ​ຖວາຍ​ເຄື່ອງ​ເຜົາບູຊາ​ແກ່​ຮູບ​ເຫຼົ່ານີ້.” ຄົນ​ຈະ​ຈູບ​ຮູບ​ນັ້ນ​ໄດ້​ບໍ? ເພາະ​ມັນ​ເປັນ​ຮູບ​ງົວເຖິກ.

ກິດຈະການ 13:21

ເມື່ອ​ພວກເພິ່ນ​ໄດ້​ຂໍ​ໃຫ້​ມີ​ກະສັດ ພຣະເຈົ້າ​ກໍ​ໃຫ້​ພວກເພິ່ນ​ມີ ຄື​ໄດ້​ໂຊນ​ລູກຊາຍ​ຂອງ​ກີເຊ​ຈາກ​ເຜົ່າ​ເບັນຢາມິນ ໃຫ້​ເປັນ​ກະສັດ​ປົກຄອງ​ພວກເພິ່ນ​ສີ່ສິບ​ປີ.

ພຣະບັນຍັດສອງ 32:9

ແຕ່​ສ່ວນ​ຂອງ​ພຣະເຈົ້າຢາເວ​ແມ່ນ​ສຳລັບ​ພຣະອົງ ພວກ​ເຊື້ອສາຍ​ຂອງ​ຢາໂຄບ​ເປັນ​ມໍຣະດົກ​ຂອງ​ພຣະອົງ​ເອງ.

1 ເທສະໂລນິກ 5:26

ຂໍ​ຄຳນັບ​ພວກ​ພີ່ນ້ອງ​ທຸກຄົນ ດ້ວຍ​ທຳນຽມ​ຈູບ​ອັນ​ບໍຣິສຸດ.

ເຮັບເຣີ 2:10

ດ້ວຍວ່າ, ໃນ​ການ​ທີ່​ພຣະເຈົ້າ​ຈະ​ຊົງ​ພາ​ບຸດ​ຫລວງຫລາຍ​ໄປ​ສູ່​ສະຫງ່າຣາສີ​ນັ້ນ ກໍ​ເປັນ​ການ​ເໝາະສົມ​ຢູ່​ແລ້ວ ທີ່​ພຣະເຈົ້າ ຜູ້​ຊຶ່ງ​ທຸກສິ່ງ​ດຳລົງ​ຢູ່​ໂດຍ​ພຣະອົງ ແລະ​ເພື່ອ​ພຣະອົງ ຈະ​ຊົງ​ໃຫ້​ຜູ້ນຳ​ທາງ​ຄວາມ​ລອດພົ້ນ​ໃຫ້​ເຂົາ​ເຫຼົ່ານັ້ນ ໃຫ້​ເຖິງ​ທີ່​ສຳເລັດ​ໂດຍ​ການ​ທົນທຸກ​ທໍລະມານ.

ພຣະນິມິດ 5:8

ເມື່ອ​ຮັບ​ເອົາ​ໜັງສື​ມ້ວນ​ນັ້ນ​ແລ້ວ ສິ່ງທີ່ມີ​ຊີວິດ​ທັງ​ສີ່​ພ້ອມ​ກັບ​ພວກ​ຜູ້​ອາວຸໂສ​ຊາວສີ່​ທ່ານ ກໍ​ກົ້ມ​ຂາບລົງ​ແທບ​ຕີນ​ພຣະ​ເມສານ້ອຍ​ນັ້ນ ແຕ່ລະຄົນ​ຖື​ພິນ​ແລະ​ຂັນ​ຄຳ​ທີ່​ເຕັມ​ດ້ວຍ​ເຄື່ອງຫອມ ຊຶ່ງ​ເປັນ​ຄຳ​ພາວັນນາ​ອະທິຖານ​ແຫ່ງ​ໄພ່ພົນ​ທັງປວງ​ຂອງ​ພຣະເຈົ້າ.

1 ຊາມູເອນ 12:3

ຂ້າພະເຈົ້າ​ຢູ່​ທີ່ນີ້​ແລ້ວ ສະນັ້ນ ຖ້າ​ຂ້າພະເຈົ້າ​ເຮັດ​ຜິດ​ປະການໃດ​ປະການໜຶ່ງ ຈົ່ງ​ໃຫ້​ພວກເຈົ້າ​ຮ້ອງຟ້ອງ​ຂ້າພະເຈົ້າ​ດຽວ​ນີ້ ຢູ່​ຊ້ອງໜ້າ​ພຣະເຈົ້າຢາເວ ແລະ​ກະສັດ​ທີ່​ພຣະອົງ​ໄດ້​ເລືອກ​ເອົາ. ຂ້າພະເຈົ້າ​ເຄີຍ​ໄດ້​ເອົາ​ງົວ​ແລະ​ລໍ​ຂອງ​ຜູ້ໃດ​ບໍ? ຂ້າພະເຈົ້າ​ໄດ້​ສໍ້ໂກງ​ແລະ​ກົດຂີ່​ຂົ່ມເຫັງ​ຜູ້ໃດ​ແດ່? ຂ້າພະເຈົ້າ​ໄດ້​ຮັບ​ສິນບົນ​ຈາກ​ຜູ້ໃດ​ບໍ? ຖ້າ​ຂ້າພະເຈົ້າ​ໄດ້​ເຮັດ​ສິ່ງໃດ​ສິ່ງໜຶ່ງ​ດັ່ງ​ທີ່​ໄດ້​ກ່າວ​ມາ​ນີ້ ຂ້າພະເຈົ້າ​ຍິນດີ​ຈ່າຍ​ຄືນ​ສິ່ງ​ທີ່​ຂ້າພະເຈົ້າ​ເອົາ​ໄປ​ນັ້ນ.”

1 ຊາມູເອນ 13:14

ແຕ່​ບັດນີ້ ການປົກຄອງ​ຂອງ​ເຈົ້າ​ຈະ​ບໍ່​ຍືນຍົງ​ຕໍ່ໄປ ເພາະ​ເຈົ້າ​ບໍ່​ເຊື່ອຟັງ​ພຣະເຈົ້າຢາເວ. ພຣະເຈົ້າຢາເວ​ຈະ​ຊອກ​ຫາ​ຊາຍ​ຄົນ​ໜຶ່ງ​ຕາມ​ທີ່​ພຣະອົງ​ປະສົງ ແລະ​ພຣະເຈົ້າຢາເວ​ຈະ​ແຕ່ງຕັ້ງ​ລາວ ໃຫ້​ເປັນ​ຜູ້ປົກຄອງ​ປະຊາຊົນ​ຂອງ​ພຣະອົງ.”

1 ຊາມູເອນ 15:1

ຕໍ່ມາ ຊາມູເອນ​ໄດ້​ກ່າວ​ແກ່​ໂຊນ​ວ່າ, “ຂ້ອຍ​ເປັນ​ຜູ້​ທີ່​ພຣະເຈົ້າຢາເວ​ສົ່ງ​ມາ​ໃຊ້​ນໍ້າມັນ​ສັກສິດ​ຫົດສົງ​ເຈົ້າ ໃຫ້​ເປັນ​ກະສັດ​ປົກຄອງ​ຊາວ​ອິດສະຣາເອນ​ປະຊາຊົນ​ຂອງ​ພຣະອົງ. ບັດນີ້ ຈົ່ງ​ຟັງ​ຖ້ອຍຄຳ​ທີ່​ພຣະເຈົ້າຢາເວ​ກ່າວ.

1 ຊາມູເອນ 15:17

ຊາມູເອນ​ກ່າວ​ວ່າ, “ເຖິງ​ແມ່ນ​ເຈົ້າ​ຖື​ຕົນເອງ​ວ່າ​ບໍ່ມີ​ຄວາມ​ສຳຄັນ​ກໍຕາມ ແຕ່​ເຈົ້າ​ກໍ​ເປັນ​ຜູ້ນຳ​ເຜົ່າ​ຕ່າງໆ​ຂອງ​ຊາດ​ອິດສະຣາເອນ. ພຣະເຈົ້າຢາເວ​ໄດ້​ໃຊ້​ນໍ້າມັນ​ສັກສິດ​ຫົດສົງ​ເຈົ້າ​ໃຫ້​ເປັນ​ກະສັດ​ຂອງ​ຊາດ​ອິດສະຣາເອນ

1 ຊາມູເອນ 16:1

ພຣະເຈົ້າຢາເວ​ໄດ້​ກ່າວ​ຕໍ່​ຊາມູເອນ​ວ່າ, “ເຈົ້າ​ຍັງ​ຈະ​ໂສກເສົ້າ​ເສຍໃຈ​ນຳ​ໂຊນ​ອີກ​ດົນ​ປານໃດ? ເຮົາ​ໄດ້​ປົດ​ລາວ​ອອກ​ຈາກ​ຕຳແໜ່ງ​ກະສັດ​ແລ້ວ, ແຕ່​ບັດນີ້ ຈົ່ງ​ຖື​ນໍ້າມັນ​ສັກສິດ​ໄປ​ທີ່​ເມືອງ​ເບັດເລເຮັມ ແລະ​ຫາ​ຊາຍ​ຄົນ​ໜຶ່ງ​ທີ່​ຊື່​ວ່າ ເຢຊີ ເພາະ​ເຮົາ​ໄດ້​ເລືອກ​ເອົາ​ລູກຊາຍ​ຂອງ​ລາວ​ຄົນ​ໜຶ່ງ​ໃຫ້​ເປັນ​ກະສັດ.”

1 ຊາມູເອນ 16:13

ຊາມູເອນ​ເອົາ​ນໍ້າມັນ​ສັກສິດ​ຫົດສົງ​ດາວິດ​ຕໍ່ໜ້າ​ພວກອ້າຍໆ​ຂອງ​ລາວ. ໃນ​ທັນໃດນັ້ນ ພຣະວິນຍານ​ຂອງ​ພຣະເຈົ້າຢາເວ​ກໍ​ຄວບຄຸມ​ດາວິດ ແລະ​ສະຖິດ​ຢູ່​ກັບ​ລາວ​ນັບ​ຕັ້ງແຕ່​ມື້​ນັ້ນ​ມາ ຊາມູເອນ​ກໍ​ກັບຄືນ​ເມືອ​ບ້ານເມືອງ​ຂອງ​ຕົນ​ທີ່​ຣາມາ.

1 ຊາມູເອນ 2:10

ສັດຕູ​ຂອງ​ພຣະເຈົ້າຢາເວ​ຈະ​ຖືກ​ດັບສູນ ຈາກ​ສະຫວັນ ພຣະອົງ​ຈະ​ແຜດ​ສຽງ​ຕໍ່ສູ້. ພຣະເຈົ້າຢາເວ​ຈະ​ຕັດສິນ​ທຸກຄົນ ທັງໝົດ​ທີ່ສຸດ​ປາຍ​ແຜ່ນດິນ​ໂລກ; ພຣະອົງ​ຈະ​ປະທານ​ກຳລັງ​ແກ່​ກະສັດ​ຂອງ​ພຣະອົງ ແລະ​ໃຫ້​ໄຊຊະນະ​ແກ່​ກະສັດ ທີ່​ພຣະອົງ​ຊົງ​ເລືອກ.”

1 ຊາມູເອນ 24:6

ສະນັ້ນ ເພິ່ນ​ຈຶ່ງ​ເວົ້າ​ກັບ​ຄົນ​ທັງຫລາຍ​ຂອງ​ເພິ່ນ​ວ່າ, “ຂໍ​ພຣະເຈົ້າຢາເວ​ຢ່າ​ອະນຸຍາດ​ໃຫ້​ຂ້ອຍ​ທຳຮ້າຍ​ເຈົ້ານາຍ​ຂອງຂ້ອຍ ຜູ້​ທີ່​ພຣະເຈົ້າຢາເວ​ໄດ້​ເຈີມຕັ້ງ​ໄວ້; ຄື​ທີ່​ຈະ​ຢຽດມື​ຂອງຂ້ອຍ​ໄປ​ຕໍ່ສູ້​ເພິ່ນ ເພາະ​ເພິ່ນ​ເປັນ​ຜູ້​ທີ່​ພຣະເຈົ້າຢາເວ​ໄດ້​ເຈີມຕັ້ງ​ໄວ້.”

1 ຊາມູເອນ 26:11

ພຣະເຈົ້າຢາເວ​ຫ້າມ​ຂ້ອຍ​ໄວ້​ວ່າ, ຂ້ອຍ​ບໍ່ຄວນ​ທຳຮ້າຍ​ຜູ້​ທີ່​ພຣະເຈົ້າຢາເວ​ໄດ້​ຊົງເຈີມ​ໄວ້ ພວກເຮົາ​ເອົາ​ແຕ່​ຫອກ​ກັບ​ໄຫ​ນໍ້າ​ຂອງ​ເພິ່ນ​ໜີໄປ​ກໍ​ພໍ.”

1 ຊາມູເອນ 26:9

ແຕ່​ດາວິດ​ໄດ້ກ່າວ​ຕໍ່​ອາບີໄຊ​ວ່າ, “ເຈົ້າ​ບໍ່ຄວນ​ທຳຮ້າຍ​ເພິ່ນ​ເລີຍ ເພາະ​ຜູ້ໃດ​ທີ່​ຢຽດມື​ອອກ​ຕໍ່ສູ້​ກະສັດ​ທີ່​ພຣະເຈົ້າຢາເວ​ໄດ້​ຊົງ​ຫົດສົງ​ໄວ້ ພຣະອົງ​ຈະ​ລົງ​ໂທດ​ຜູ້​ນັ້ນ​ຢ່າງ​ແນ່ນອນ.”

1 ຊາມູເອນ 8:19

ຝ່າຍ​ປະຊາຊົນ​ບໍ່​ສົນໃຈ​ຕໍ່​ຄຳເວົ້າ​ຂອງ​ຊາມູເອນ​ເລີຍ ແຕ່​ກັບ​ຕອບ​ວ່າ, “ບໍ່! ພວກ​ຂ້ານ້ອຍ​ຕ້ອງການ​ກະສັດ

1 ຊາມູເອນ 8:9

ສະນັ້ນ ເຈົ້າ​ຈົ່ງ​ຟັງ​ພວກເຂົາ, ແຕ່​ໃຫ້​ຕັກເຕືອນ​ພວກເຂົາ​ຢ່າງ​ໜັກແໜ້ນ ແລະ​ທັງ​ອະທິບາຍ​ສູ່​ພວກເຂົາ​ໃຫ້​ຮູ້​ວ່າ ກະສັດ​ຂອງ​ພວກເຂົາ​ນັ້ນ​ຈະ​ປົກຄອງ​ພວກເຂົາ​ຢ່າງໃດ?”

1 ຊາມູເອນ 9:16

“ມື້ອື່ນ ໃນ​ເວລາ​ດຽວກັນ​ນີ້ ເຮົາ​ຈະ​ສົ່ງ​ຄົນ​ໜຶ່ງ​ຈາກ​ເຜົ່າ​ເບັນຢາມິນ​ມາ​ຫາ​ເຈົ້າ; ຈົ່ງ​ເອົາ​ນໍ້າມັນ​ສັກສິດ​ຫົດສົງ​ລາວ​ໃຫ້​ເປັນ​ກະສັດ ເພື່ອ​ປົກຄອງ​ປະຊາຊົນ​ອິດສະຣາເອນ​ຂອງເຮົາ; ແລະ​ລາວ​ຈະ​ຊ່ວຍ​ກອບກູ້​ເອົາ​ພວກເຂົາ​ໃຫ້​ພົ້ນ​ຈາກ​ພວກ​ຟີລິດສະຕິນ. ເຮົາ​ໄດ້​ເຫັນ​ຄວາມ​ທົນທຸກ​ຂອງ​ພວກເຂົາ ແລະ​ໄດ້ຍິນ​ສຽງ​ຮ້ອງ​ຂໍ​ໃຫ້​ຊ່ວຍເຫລືອ​ຂອງ​ພວກເຂົາ.”

1 ຊາມູເອນ 9:27

ເມື່ອ​ມາ​ຮອດ​ແຄມ​ເມືອງ ຊາມູເອນ​ກໍ​ກ່າວ​ແກ່​ໂຊນ​ວ່າ, “ຈົ່ງ​ບອກ​ຄົນ​ຮັບໃຊ້​ໃຫ້​ໄປ​ກ່ອນ​ເຈົ້າ​ສາ.” ຄົນ​ຮັບໃຊ້​ຈຶ່ງ​ອອກ​ເດີນທາງ​ໄປ​ກ່ອນ. ຊາມູເອນ​ກ່າວ​ຕໍ່ໄປ​ວ່າ, “ຢຸດ​ຢູ່​ນີ້​ຈັກ​ໜ້ອຍ​ກ່ອນ​ເທາະ ແລ້ວ​ຂ້ອຍ​ຈະ​ບອກ​ເຈົ້າ​ຮູ້​ຖ້ອຍຄຳ​ຂອງ​ພຣະເຈົ້າ.”