1 ຊາມູເອນ 1:9 - ພຣະຄຳພີສັກສິ

^9-10 ມີ​ຄັ້ງໜຶ່ງ ຢູ່​ໃນ​ວິຫານ​ຂອງ​ພຣະເຈົ້າຢາເວ​ທີ່​ເມືອງ​ຊີໂລ ຫລັງຈາກ​ເອນການາ​ກັບ​ຄອບຄົວ​ກິນ​ເຂົ້າ​ແລ້ວ ນາງ​ຮັນນາ​ກໍ​ໜີໄປ. ນາງ​ທຸກໃຈ​ຫລາຍ​ທີ່ສຸດ. ສະນັ້ນ ນາງ​ຈຶ່ງ​ຮ້ອງໄຫ້​ດ້ວຍ​ຄວາມ​ຂົມຂື່ນ ໃນ​ຂະນະທີ່​ນາງ​ພາວັນນາ​ອະທິຖານ​ຕໍ່ໜ້າ​ພຣະເຈົ້າຢາເວ​ຢູ່. ໃນ​ເວລາ​ດຽວກັນ​ນັ້ນ ປະໂຣຫິດ​ເອລີ​ກໍ​ນັ່ງ​ຢູ່​ທີ່​ບ່ອນ​ຂອງ​ເພິ່ນ​ໃກ້​ປະຕູ.

1 ຊາມູເອນ 1:9 Jak'a apnaqawi uñst'ayäwi

2 ຊາມູເອນ 7:2

ແລ້ວ​ກະສັດ​ກໍໄດ້​ເວົ້າ​ກັບ​ຜູ້ທຳນວາຍ​ນາທານ​ວ່າ, “ເບິ່ງດູ ເຮົາ​ເອງ​ຢູ່​ໃນ​ເຮືອນ​ທີ່​ສ້າງ​ດ້ວຍ​ໄມ້ແປກ, ແຕ່​ຫີບ​ຂອງ​ພຣະເຈົ້າ​ພັດ​ຢູ່​ໃນ​ຫໍເຕັນ.”

ເພງ^ສັນລະເສີນ 27:4

ຂ້ານ້ອຍ​ຂໍ​ຈາກ​ພຣະເຈົ້າຢາເວ​ພຽງແຕ່​ສິ່ງດຽວ ແມ່ນ​ສິ່ງ​ດຽວ​ເທົ່ານັ້ນ​ທີ່​ຂ້ານ້ອຍ​ຢາກ​ໄດ້ ຄື: ໃຫ້​ຂ້ານ້ອຍ​ໄດ້​ຢູ່​ໃນ​ວິຫານ​ຂອງ​ພຣະເຈົ້າຢາເວ​ຕະຫລອດໄປ ເພື່ອ​ຈະ​ເບິ່ງ​ຄວາມງາມ​ຂອງ​ພຣະເຈົ້າຢາເວ ແລະ​ເພື່ອ​ຈະ​ພິຈາລະນາ​ຮຽນຮູ້​ໃນ​ພຣະວິຫານ​ຂອງ​ພຣະອົງ.

ເພງ^ສັນລະເສີນ 29:9

ສຽງ​ຂອງ​ພຣະເຈົ້າຢາເວ​ນັ້ນ​ສັ່ນ​ຕົ້ນໂອກ​ທັງຫລາຍ ແລະ​ເຮັດ​ໃຫ້​ໃບໄມ້​ຫລົ່ນ​ລົງ​ສູ່​ພື້ນ ໃນ​ຂະນະທີ່​ທຸກຄົນ​ຮ້ອງ​ໃນ​ພຣະວິຫານ​ຂອງ​ພຣະອົງ​ວ່າ, “ສະຫງ່າຣາສີ.”

ເພງ^ສັນລະເສີນ 5:7

ແຕ່​ເພາະ​ຄວາມຮັກ​ອັນ​ຍິ່ງໃຫຍ່​ຂອງ​ພຣະອົງ ຂ້ານ້ອຍ​ຈຶ່ງ​ສາມາດ​ເຂົ້າ​ມາ​ໃນ​ວິຫານ​ຂອງ​ພຣະອົງ​ໄດ້ ຂ້ານ້ອຍ​ນະມັດສະການ​ໃນ​ທີ່​ສັກສິດ​ຂອງ​ພຣະອົງ ແລະ​ກົ້ມຂາບ​ພຣະອົງ​ດ້ວຍ​ຄວາມ​ຢຳເກງ​ຍິ່ງ.

ອົບພະຍົບ 21:6

ເວລາ​ນັ້ນ​ໃຫ້​ນາຍ​ພາ​ທາດຮັບໃຊ້​ຜູ້ນັ້ນ​ໄປ​ຕໍ່ໜ້າ​ຜູ້​ພິພາກສາ. ຢູ່​ທີ່​ນັ້ນ​ນາຍ​ຈະ​ໃຫ້​ທາດຮັບໃຊ້​ຢືນ​ແນບຢູ່​ກັບ​ປະຕູ​ຫລື​ວົງ​ປະຕູ ແລະ​ບ່ອງ​ຫູ​ໃຫ້​ລາວ. ແລ້ວ​ລາວ​ກໍ​ຈະ​ເປັນ​ທາດຮັບໃຊ້​ຂອງ​ນາຍ​ຕະຫລອດ​ຊີວິດ.”

1 ຊາມູເອນ 3:15

ຊາມູເອນ​ນອນ​ຫລັບ​ໄປ​ຈົນເຖິງ​ມື້​ເຊົ້າ ແລ້ວ​ລາວ​ກໍ​ລຸກ​ຂຶ້ນ​ໄປ​ໄຂ​ປະຕູ​ພຣະວິຫານ​ຂອງ​ພຣະເຈົ້າຢາເວ, ແຕ່​ລາວ​ບໍ່ກ້າ​ບອກ​ນິມິດ​ນີ້​ແກ່​ເອລີ.

1 ຊາມູເອນ 3:3

ສ່ວນ ຊາມູເອນ​ນັ້ນ​ນອນ​ຢູ່​ທີ່​ພຣະວິຫານ​ຂອງ​ພຣະເຈົ້າຢາເວ ບ່ອນ​ທີ່​ໄວ້​ຫີບ​ຂອງ​ພຣະເຈົ້າ. ກ່ອນ​ຮຸ່ງ​ເຊົ້າ​ເມື່ອ​ຕະກຽງ​ຍັງ​ໄຕ້​ຢູ່

1 ຊາມູເອນ 4:13

ຝ່າຍ​ເອລີ​ກໍ​ກຳລັງ​ນັ່ງ​ເຝົ້າ​ຄອຍ​ຢູ່​ໃກ້​ແຄມ​ທາງ ພ້ອມ​ທັງ​ຄິດ​ເປັນຫ່ວງ​ນຳ​ຫີບ​ຂອງ​ພຣະເຈົ້າ. ຊາຍ​ຜູ້​ນີ້​ໄດ້​ມາ​ປ່າວ​ປະກາດ​ໄປ​ທົ່ວ​ເມືອງ ຈົນ​ທຸກຄົນ​ຮ້ອງໄຫ້​ດ້ວຍ​ຄວາມຢ້ານ.