1 ຊາມູເອນ 1:3 - ພຣະຄຳພີສັກສິ

³ ທຸກໆ​ປີ​ໃດ ເອນການາ​ໄດ້​ອອກ​ຈາກ​ເມືອງ​ຣາມາ ໄປ​ນະມັດສະການ ແລະ​ຖວາຍ​ເຄື່ອງ​ບູຊາ​ແກ່​ພຣະເຈົ້າຢາເວ ອົງ​ຊົງຣິດ​ອຳນາດ​ຍິ່ງໃຫຍ່​ທີ່​ເມືອງ​ຊີໂລ. ພວກ​ທີ່​ເປັນ​ປະໂຣຫິດ​ຂອງ​ພຣະເຈົ້າຢາເວ​ໃນ​ເມືອງ​ນີ້​ແມ່ນ​ໂຮຟະນີ​ແລະ​ຟີເນຮາ ລູກຊາຍ​ສອງ​ຄົນ​ຂອງ​ເອລີ.

1 ຊາມູເອນ 1:3 Jak'a apnaqawi uñst'ayäwi

ເພງ^ສັນລະເສີນ 78:60

ພຣະອົງ​ຍັງ​ໄດ້​ປະຖິ້ມ​ຫໍເຕັນ​ທີ່​ເມືອງ​ຊີໂລ ຊຶ່ງ​ເປັນ​ທີ່​ປະທັບ​ຂອງ​ພຣະອົງ​ໃນ​ທ່າມກາງ​ພວກເຂົາ.

ອົບພະຍົບ 23:14

ຈົ່ງ​ສະຫລອງ​ເທດສະການ​ສາມ​ຄັ້ງ​ຕໍ່​ປີ ເພື່ອ​ຍົກຍໍ​ໃຫ້ກຽດ​ເຮົາ.

ອົບພະຍົບ 23:17

ທຸກໆ​ປີ​ໃດ​ໃນ​ເທດສະການ​ສາມ​ປາງ​ນີ້ ໃຫ້​ພວກ​ຜູ້ຊາຍ​ເຂົ້າ​ມາ​ຕໍ່ໜ້າ​ອົງພຣະ​ຜູ້​ເປັນເຈົ້າ ພຣະເຈົ້າ.

ອົບພະຍົບ 34:23

ສາມ​ເທື່ອ​ຕໍ່​ທຸກໆ​ປີ​ໃດ ຈົ່ງ​ໃຫ້​ຜູ້ຊາຍ​ທຸກຄົນ​ເຂົ້າ​ມາ​ນະມັດສະການ​ພຣະເຈົ້າຢາເວ​ພຣະເຈົ້າ, ພຣະເຈົ້າ​ຂອງ​ຊາດ​ອິດສະຣາເອນ.

ລູກາ 2:41

ທຸກ​ປີ​ໃດ ພໍ່​ແມ່​ຂອງ​ພຣະ​ກຸມມານ​ເຢຊູ ເຄີຍ​ຂຶ້ນ​ໄປ​ນະຄອນ​ເຢຣູຊາເລັມ ເພື່ອ​ສະຫລອງ​ເທດສະການ​ປັດສະຄາ.

ພຣະບັນຍັດສອງ 16:16

ໃຫ້​ຜູ້ຊາຍ​ທຸກໆ​ຄົນ​ໃນ​ຊົນຊາດ​ຂອງ​ພວກເຈົ້າ ເຂົ້າ​ມາ​ຊ້ອງໜ້າ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໃນ​ບ່ອນ​ທີ່​ພຣະອົງ​ໄດ້​ເລືອກໄວ້ ສາມ​ເທື່ອ​ຕໍ່​ປີ ດັ່ງນີ້: ເທດສະການ​ກິນ​ເຂົ້າຈີ່​ບໍ່​ມີ​ເຊື້ອ​ແປ້ງ, ເທດສະການ​ລະດູ​ເກັບກ່ຽວ ແລະ​ເທດສະການ​ປຸກຕູບຢູ່. ຢ່າ​ໃຫ້​ພວກເຂົາ​ມາ​ຕໍ່ໜ້າ​ພຣະເຈົ້າຢາເວ​ໂດຍ​ມື​ເປົ່າ;

ໂຢຊວຍ 18:1

ຫລັງຈາກ​ທີ່​ພວກ​ອິດສະຣາເອນ​ຢຶດຄອງ​ດິນແດນ​ໄດ້​ແລ້ວ ພວກເຂົາ​ໄດ້​ມາ​ເຕົ້າໂຮມ​ກັນ​ທີ່​ເມືອງ​ຊີໂລ ແລະ​ຕັ້ງ​ຫໍເຕັນ​ບ່ອນ​ຊຸມນຸມ​ໃນທີ່ນັ້ນ.

ພວກ^ຜູ້ປົກຄອງ 18:31

ຮູບເຄົາຣົບ​ຂອງ​ມີກາ​ກໍ​ຍັງ​ຢູ່​ໃນ​ທີ່ນັ້ນ​ຕະຫລອດ​ມາ ຕາບໃດ​ທີ່​ວິຫານ​ຂອງ​ພຣະເຈົ້າ​ຍັງ​ຢູ່​ໃນ​ເມືອງ​ຊີໂລ.

ພວກ^ຜູ້ປົກຄອງ 21:19

ແລ້ວ​ພວກເຂົາ​ກໍ​ຄິດ​ໄດ້​ວ່າ, “ເທດສະການ​ທີ່​ມີ​ຈັດ​ຂຶ້ນ​ປະຈຳ​ປີ ສຳລັບ​ພຣະເຈົ້າຢາເວ​ທີ່​ເມືອງ​ຊີໂລ​ນັ້ນ​ໃກ້​ເຂົ້າ​ມາ​ແລ້ວ.” (ເມືອງ​ຊີໂລ​ຢູ່​ທາງທິດເໜືອ​ຂອງ​ເມືອງ​ເບັດເອນ​ຢູ່​ທາງໃຕ້​ຂອງ​ເລໂບນາ ແລະ​ຢູ່​ທາງທິດ​ຕາເວັນອອກ​ຂອງ​ຖະໜົນ​ລະຫວ່າງ​ເບັດເອນ​ກັບ​ຊີເຄມ.)

1 ຊາມູເອນ 1:21

ຕໍ່ມາ ເອນການາ​ແລະ​ຄອບຄົວ​ໄດ້​ຂຶ້ນ​ໄປ​ທີ່​ເມືອງ​ຊີໂລ​ອີກ ເພື່ອ​ຖວາຍ​ເຄື່ອງ​ບູຊາ​ປະຈຳ​ປີ ແລະ​ເຄື່ອງ​ບູຊາ​ພິເສດ​ແກ່​ພຣະເຈົ້າຢາເວ​ຕາມ​ທີ່​ໄດ້​ສາບານ​ໄວ້.

1 ຊາມູເອນ 1:9

ມີ​ຄັ້ງໜຶ່ງ ຢູ່​ໃນ​ວິຫານ​ຂອງ​ພຣະເຈົ້າຢາເວ​ທີ່​ເມືອງ​ຊີໂລ ຫລັງຈາກ​ເອນການາ​ກັບ​ຄອບຄົວ​ກິນ​ເຂົ້າ​ແລ້ວ ນາງ​ຮັນນາ​ກໍ​ໜີໄປ. ນາງ​ທຸກໃຈ​ຫລາຍ​ທີ່ສຸດ. ສະນັ້ນ ນາງ​ຈຶ່ງ​ຮ້ອງໄຫ້​ດ້ວຍ​ຄວາມ​ຂົມຂື່ນ ໃນ​ຂະນະທີ່​ນາງ​ພາວັນນາ​ອະທິຖານ​ຕໍ່ໜ້າ​ພຣະເຈົ້າຢາເວ​ຢູ່. ໃນ​ເວລາ​ດຽວກັນ​ນັ້ນ ປະໂຣຫິດ​ເອລີ​ກໍ​ນັ່ງ​ຢູ່​ທີ່​ບ່ອນ​ຂອງ​ເພິ່ນ​ໃກ້​ປະຕູ.

1 ຊາມູເອນ 14:3

ສ່ວນ​ປະໂຣຫິດ​ຜູ້​ທີ່​ຖື​ເອໂຟດ​ແມ່ນ​ອາຮີຢາ ລູກຊາຍ​ຂອງ​ອາຮີຕຸບ ແລະ​ຫລານຊາຍ​ຂອງ​ອີຄາບົດ; ອີຄາບົດ​ເປັນ​ລູກຊາຍ​ຂອງ​ຟີເນຮາ​ຜູ້​ເປັນ​ຫລານຊາຍ​ຂອງ​ເອລີ ປະໂຣຫິດ​ຂອງ​ພຣະເຈົ້າຢາເວ​ທີ່​ເມືອງ​ຊີໂລ. ບໍ່ມີ​ຜູ້ໃດ​ໃນ​ພວກ​ທະຫານ​ຮູ້​ວ່າ ໂຢນາທານ​ໄດ້​ອອກ​ໄປ​ຈາກ​ຄ້າຍ.

1 ຊາມູເອນ 2:19

ທຸກໆ​ປີໃດ ແມ່​ຂອງ​ຊາມູເອນ​ຕ້ອງ​ຫຍິບ​ເສື້ອລ່າມ​ນ້ອຍ​ໂຕ​ໜຶ່ງ​ມາ​ໃຫ້​ລາວ; ໃນ​ເວລາ​ທີ່​ນາງ​ແລະ​ຜົວ​ໄປ​ຖວາຍ​ເຄື່ອງ​ບູຊາ​ປະຈຳ​ປີ.

1 ຊາມູເອນ 2:34

ການນີ້​ຈະ​ເປັນ​ໝາຍສຳຄັນ​ແກ່​ເຈົ້າ ເມື່ອ​ໂຮຟະນີ​ແລະ​ຟີເນຮາ​ລູກຊາຍ​ທັງສອງ​ຂອງ​ເຈົ້າ​ຕາຍໄປ​ໃນ​ວັນ​ດຽວກັນ.

1 ຊາມູເອນ 3:13

ເຮົາ​ໄດ້​ບອກ​ລາວ​ແລ້ວ​ວ່າ ເຮົາ​ຈະ​ລົງໂທດ​ຄອບຄົວ​ຂອງ​ລາວ​ຕະຫລອດໄປ ເພາະ​ພວກ​ລູກຊາຍ​ຂອງ​ລາວ​ໄດ້​ກ່າວ​ຄຳ​ຊົ່ວຊ້າ​ຕໍ່ສູ້​ເຮົາ. ສ່ວນ​ເອລີ​ເອງ​ກໍ​ຮູ້ຈັກ​ວ່າ​ພວກເຂົາ​ເວົ້າ​ດັ່ງນັ້ນ ແຕ່​ລາວ​ບໍ່ໄດ້​ຫ້າມ​ພວກເຂົາ.

1 ຊາມູເອນ 4:11

ຫີບ​ຂອງ​ພຣະເຈົ້າ​ໄດ້​ຖືກ​ຢຶດ​ໄປ ແລະ​ໂຮຟະນີ​ກັບ​ຟີເນຮາ​ລູກຊາຍ​ສອງ​ຄົນ​ຂອງ​ເອລີ​ກໍ​ຖືກ​ຂ້າ​ດ້ວຍ.

1 ຊາມູເອນ 4:4

ດັ່ງນັ້ນ ພວກເຂົາ​ຈຶ່ງ​ສົ່ງ​ຄົນ​ໄປ​ທີ່​ເມືອງ​ຊີໂລ ເພື່ອ​ເອົາ​ຫີບ​ພັນທະສັນຍາ​ຂອງ​ພຣະເຈົ້າຢາເວ​ອົງ​ຊົງ​ຣິດອຳນາດ​ຍິ່ງໃຫຍ່​ທີ່​ນັ່ງ​ເທິງ​ບັນລັງ​ຂອງ​ເຄຣຸບ. ໂຮຟະນີ​ແລະ​ຟີເນຮາ ລູກຊາຍ​ສອງ​ຄົນ​ຂອງ​ເອລີ ໄດ້​ເດີນທາງ​ມາ​ພ້ອມ​ກັບ​ຫີບ​ພັນທະສັນຍາ​ນີ້.