1 ຊາມູເອນ 1:1 - ພຣະຄຳພີສັກສິ

¹ ຍັງ​ມີ​ຊາຍ​ຄົນ​ໜຶ່ງ​ຊື່​ວ່າ ເອນການາ ຄົນ​ໃນ​ເຜົ່າ​ເອຟຣາອິມ ຜູ້​ທີ່​ອາໄສ​ຢູ່​ໃນ​ເມືອງ​ຣາມາ​ໃນ​ເຂດ​ເນີນພູ​ເອຟຣາອິມ. ລາວ​ເປັນ​ລູກຊາຍ​ຂອງ​ເຢໂຣຮາມ​ແລະ​ຫລານຊາຍ​ຂອງ​ເອລີຮູ ແລະ​ເປັນ​ຄົນ​ໃນ​ຄອບຄົວ​ໂຕຮູ ຊຶ່ງ​ເປັນ​ສ່ວນ​ໜຶ່ງ​ຂອງ​ຕະກຸນ​ຊູເຟ.

1 ຊາມູເອນ 1:1 Jak'a apnaqawi uñst'ayäwi

1 ກະສັດ 11:26

ເຢໂຣໂບອາມ ຄົນ​ໃນ​ຣາຊການ​ຂອງ​ກະສັດ​ໂຊໂລໂມນ ເປັນ​ສັດຕູ​ຜູ້ໜຶ່ງ​ຂອງ​ເພິ່ນ​ເຊັ່ນກັນ. ລາວ​ເປັນ​ລູກຊາຍ​ຂອງ​ເນບັດ ຊາວ​ເມືອງ​ເຊເຣດາ​ໃນ​ເຜົ່າ​ເອຟຣາອິມ. ແມ່​ຂອງ​ລາວ​ເປັນ​ໝ້າຍ​ຊື່​ວ່າ ເຊຣູຢາ.

1 ຂ່າວຄາວ 6:12

ອາຮີຕຸບ​ເປັນ​ພໍ່​ຂອງ​ຊາດົກ, ຊາດົກ​ເປັນ​ພໍ່​ຂອງ​ຊານລູມ,

1 ຂ່າວຄາວ 6:22

ບຸກຄົນ​ເຫຼົ່ານີ້​ແມ່ນ​ເຊື້ອສາຍ​ຈາກ​ເຊັ່ນໜຶ່ງ​ຫາ​ອີກ​ເຊັ່ນໜຶ່ງ​ຂອງ​ໂກຮາດ ມີ​ດັ່ງນີ້: ລູກຊາຍ​ຂອງ​ໂກຮາດ​ແມ່ນ​ອຳມີນາດາບ, ລູກຊາຍ​ຂອງ​ອຳມີນາດາບ​ແມ່ນ​ໂກຣາ, ລູກຊາຍ​ຂອງ​ໂກຣາ​ແມ່ນ​ອັດສີເຣ,

1 ຂ່າວຄາວ 6:33

ສາຍ​ຄອບຄົວ​ຂອງ​ຜູ້​ທີ່​ໄດ້​ຮັບ​ມອບໝາຍ​ຕຳແໜ່ງ ມີ​ດັ່ງນີ້: ຕະກຸນ​ໂກຮາດ: ສາຍ​ຄອບຄົວ​ຂອງ​ລາວ ເມື່ອ​ນັບ​ຄືນ​ໄປ​ຫາ​ຢາໂຄບ ມີ​ດັ່ງນີ້: ເຮມານ ເປັນ​ຜູ້ນຳ​ຂອງ​ກຸ່ມ​ຮ້ອງເພງ​ໝວດ​ທີໜຶ່ງ ຜູ້​ເປັນ​ລູກຊາຍ​ຂອງ​ໂຢເອນ, ໂຢເອນ ຜູ້​ເປັນ​ລູກຊາຍ​ຂອງ​ຊາມູເອນ,

1 ຂ່າວຄາວ 6:34

ຊາມູເອນ​ຜູ້​ເປັນ​ລູກຊາຍ​ຂອງ​ເອນການາ ຜູ້​ເປັນ​ລູກຊາຍ​ຂອງ​ເຢໂຣຮາມ ຜູ້​ເປັນ​ລູກຊາຍ​ຂອງ​ເອລີເອນ ຜູ້​ເປັນ​ລູກຊາຍ​ຂອງ​ໂຕອາ

ມັດທາຍ 27:57

ເມື່ອ​ເຖິງ​ຕອນ​ຄໍ່າ ຊາຍ​ຮັ່ງມີ​ຄົນ​ໜຶ່ງ​ຈາກ​ບ້ານ​ອາຣີມາທາຍ​ກໍ​ມາ​ເຖິງ ລາວ​ຊື່​ວ່າ​ໂຢເຊັບ ແລະ​ເປັນ​ສາວົກ​ຄົນ​ໜຶ່ງ​ຂອງ​ພຣະເຢຊູເຈົ້າ​ເໝືອນກັນ.

ໂຢຊວຍ 24:33

ຕໍ່ມາ ເອເລອາຊາ​ລູກຊາຍ​ຂອງ​ອາໂຣນ​ກໍ​ຕາຍໄປ ແລະ​ຊາກສົບ​ຂອງ​ເພິ່ນ​ໄດ້​ຖືກ​ຝັງ​ໄວ້​ຢູ່​ທີ່​ເມືອງ​ກີເບອາ ຊຶ່ງ​ເປັນ​ເມືອງ​ໃນ​ເຂດ​ເນີນພູ​ເອຟຣາອິມ. ເມືອງ​ນີ້​ໄດ້​ຍົກ​ໃຫ້​ເປັນ​ກຳມະສິດ​ຂອງ​ຟີເນຮາ.

ພວກ^ຜູ້ປົກຄອງ 12:5

ເພື່ອ​ປ້ອງກັນ​ບໍ່​ໃຫ້​ພວກ​ເອຟຣາອິມ​ແລະ​ມານາເຊ​ລອດ​ໜີໄປ​ໄດ້ ຊາວ​ກີເລອາດ​ຈຶ່ງ​ໄດ້​ຢຶດ​ທ່າ​ບ່ອນ​ຂ້າມ​ແມ່ນໍ້າ​ຈໍແດນ​ໄວ້. ເມື່ອ​ຊາວ​ເອຟຣາອິມ​ຄົນ​ໃດ​ຄົນ​ໜຶ່ງ​ມາ​ຂໍ​ອະນຸຍາດ​ຂ້າມ​ຝັ່ງ ຄົນ​ກີເລອາດ​ຈະ​ຖາມ​ວ່າ, “ເຈົ້າ​ເປັນ​ຄົນ​ເອຟຣາອິມ​ບໍ?” ຖ້າ​ລາວ​ຕອບ​ວ່າ, “ບໍ່”

ພວກ^ຜູ້ປົກຄອງ 17:1

ຍັງ​ມີ​ຊາຍ​ຄົນ​ໜຶ່ງ​ຊື່​ວ່າ ມີກາ. ລາວ​ອາໄສ​ຢູ່​ໃນ​ແຖບ​ເນີນພູ​ເອຟຣາອິມ.

ພວກ^ຜູ້ປົກຄອງ 19:1

ໃນ​ສະໄໝ​ທີ່​ຊາດ​ອິດສະຣາເອນ​ຍັງ​ບໍ່ທັນ​ມີ​ກະສັດ​ເທື່ອນັ້ນ ໄດ້​ມີ​ຄົນເລວີ​ຄົນ​ໜຶ່ງ​ທີ່​ອາໄສ​ຢູ່​ບ່ອນ​ໄກ​ທີ່ສຸດ ທາງ​ແຖບ​ເນີນພູ​ເອຟຣາອິມ. ລາວ​ໄດ້​ຍິງ​ຜູ້ໜຶ່ງ​ຈາກ​ເມືອງ​ເບັດເລເຮັມ​ແຂວງ​ຢູດາຍ​ມາ​ເປັນ​ເມຍນ້ອຍ​ຂອງຕົນ.

ພວກ^ຜູ້ປົກຄອງ 4:5

ປະຊາຊົນ​ອິດສະຣາເອນ​ໄດ້​ມາ​ຫາ​ນາງ​ເດໂບຣາ​ທີ່​ກ້ອງ​ຕົ້ນ​ຕານ ລະຫວ່າງ​ເມືອງ​ຣາມາ​ແລະ​ເມືອງ​ເບັດເອນ​ໃນ​ເຂດ​ເນີນພູ​ເອຟຣາອິມ ບ່ອນ​ທີ່​ນາງ​ນັ່ງ​ເພື່ອ​ໃຫ້​ຄຳ​ປຶກສາ​ຫາລື.

1 ຊາມູເອນ 1:19

ເຊົ້າ​ມື້​ໃໝ່​ມາ ເອນການາ​ພ້ອມ​ທັງ​ຄອບຄົວ​ໄດ້​ລຸກ​ແຕ່​ເຊົ້າ. ຫລັງຈາກ​ນະມັດສະການ​ຕໍ່ໜ້າ​ພຣະເຈົ້າຢາເວ​ແລ້ວ ພວກເຂົາ​ກໍ​ໄດ້​ກັບຄືນ​ເມືອ​ເຮືອນ​ຂອງ​ພວກເຂົາ​ທີ່​ຣາມາ. ເອນການາ​ໄດ້​ສົມສູ່​ກັບ​ນາງ​ຮັນນາ​ເມຍ​ຂອງຕົນ ແລະ​ພຣະເຈົ້າຢາເວ​ກໍໄດ້​ຊົງ​ລະນຶກເຖິງ​ນາງ.

1 ຊາມູເອນ 17:12

ດາວິດ​ເປັນ​ລູກຊາຍ​ຂອງ​ເຢຊີ​ຜູ້​ທີ່​ເປັນ​ຊາວ​ເອຟະຣາທາ ຈາກ​ເມືອງ​ເບັດເລເຮັມ​ໃນ​ແຂວງ​ຢູດາຍ. ເຢຊີ​ມີ​ລູກຊາຍ​ແປດ​ຄົນ. ໃນ​ສະໄໝ​ທີ່​ໂຊນ​ເປັນ​ກະສັດ ເຢຊີ​ກໍ​ເຖົ້າແກ່​ຫລາຍ​ແລ້ວ.

1 ຊາມູເອນ 2:11

ແລ້ວ​ເອນການາ​ກໍ​ກັບຄືນ​ເມືອ​ເຮືອນ​ຂອງ​ຕົນ​ທີ່​ຣາມາ, ແຕ່​ເດັກຊາຍ​ຊາມູເອນ​ໄດ້​ອາໄສ​ຢູ່​ທີ່​ເມືອງ​ຊີໂລ ເພື່ອ​ຮັບໃຊ້​ພຣະເຈົ້າຢາເວ​ນຳ​ປະໂຣຫິດ​ເອລີ.

1 ຊາມູເອນ 7:17

ແລ້ວ​ເພິ່ນ​ກໍໄດ້​ກັບຄືນ​ເມືອ​ເຮືອນ​ຂອງ​ເພິ່ນ​ທີ່​ເມືອງ​ຣາມາ ບ່ອນ​ທີ່​ເພິ່ນ​ຮັບໃຊ້​ເປັນ​ຜູ້​ຕັດສິນ​ຄວາມ​ຄືກັນ. ຢູ່​ໃນ​ເມືອງ​ຣາມາ​ນີ້ ເພິ່ນ​ສ້າງ​ແທ່ນບູຊາ​ແທ່ນ​ໜຶ່ງ​ຂຶ້ນ​ເພື່ອ​ຖວາຍ​ແກ່​ພຣະເຈົ້າຢາເວ.

1 ຊາມູເອນ 9:4

ລາວ​ໄດ້​ຜ່ານ​ເຂດ​ເນີນພູ​ເອຟຣາອິມ​ກັບ​ອານາເຂດ​ຊາລີຊາ​ໄປ ແຕ່​ກໍ​ບໍ່​ພົບ​ລໍ​ເລີຍ. ດັ່ງນັ້ນ ພວກເຂົາ​ຈຶ່ງ​ຜ່ານ​ໄປ​ທາງ​ອານາເຂດ​ຊາອາລິມ ແຕ່​ກໍ​ບໍ່​ພົບ​ລໍ​ອີກ. ພວກເຂົາ​ຈຶ່ງ​ຜ່ານ​ໄປ​ທາງ​ອານາເຂດ​ເບັນຢາມິນ ແຕ່​ກໍ​ບໍ່​ພົບ​ລໍ​ເຊັ່ນກັນ.

1 ຊາມູເອນ 9:5

ເມື່ອ​ພວກເຂົາ​ເຂົ້າ​ມາ​ຮອດ​ອານາເຂດ​ຊູເຟ ໂຊນ​ຈຶ່ງ​ກ່າວ​ແກ່​ຄົນ​ຮັບໃຊ້​ວ່າ, “ໃຫ້​ພວກເຮົາ​ກັບ​ເມືອ​ສາ ບາງທີ​ພໍ່​ຂ້ອຍ​ອາດ​ເຊົາ​ເປັນຫ່ວງ​ນຳ​ລໍ​ແລ້ວ ແຕ່​ເພິ່ນ​ອາດ​ເປັນຫ່ວງ​ນຳ​ພວກເຮົາ​ຫລາຍກວ່າ​ກໍ​ເປັນ​ໄດ້.”