1 ເປໂຕ 3:13 - ພຣະຄຳພີສັກສິ

¹³ ຖ້າ​ພວກເຈົ້າ​ດຸໝັ່ນ​ໃນ​ການ​ເຮັດ​ດີ ແມ່ນ​ຜູ້ໃດ​ຈະ​ເຮັດ​ຮ້າຍ​ພວກເຈົ້າ?

ພຣະຄຳພີລາວສະບັບສະໄໝໃໝ່

¹³ ຖ້າ​ພວກເຈົ້າ​ກະຕືລືລົ້ນ​ໃນ​ການ​ເຮັດ​ດີ ຜູ້ໃດ​ຈະ​ມາ​ເຮັດ​ຮ້າຍ​ພວກເຈົ້າ​ໄດ້?

1 ເປໂຕ 3:13 Jak'a apnaqawi uñst'ayäwi

ເພງ^ສັນລະເສີນ 38:20

ພວກ​ທີ່​ເຮັດ​ການຊົ່ວ​ເພື່ອ​ຕອບ​ແທນ​ການດີ ພວກເຂົາ​ກໍ​ຕໍ່ຕ້ານ​ການດີ​ທີ່​ຂ້ານ້ອຍ​ພະຍາຍາມ​ເຮັດ​ນັ້ນ.

ສຸພາສິດ 12:21

ຄົນ​ຊອບທຳ​ນັ້ນ ບໍ່​ພົບ​ເຫດຮ້າຍ, ແຕ່​ຄົນຊົ່ວຮ້າຍ​ທັງຫລາຍ ພົບ​ແຕ່​ຄວາມ​ເດືອດຮ້ອນ.

ສຸພາສິດ 15:9

ຄວາມ​ປະພຶດ​ຂອງ​ຄົນ​ຊົ່ວຊ້າ​ພຣະເຈົ້າຢາເວ​ກຽດຊັງ, ແຕ່​ພຣະອົງ​ຮັກແພງ​ຜູ້​ທີ່​ປະພຶດ​ຖືກຕ້ອງ.

ສຸພາສິດ 16:7

ເມື່ອ​ເຈົ້າ​ເຮັດ​ໃຫ້​ພຣະເຈົ້າຢາເວ​ພໍໃຈ​ເຈົ້າ​ກໍ​ເຮັດ​ໃຫ້ ສັດຕູ​ກາຍເປັນ​ມິດ.

ເຢເຣມີຢາ 39:12

“ຈົ່ງ​ແຕ່ງ​ຄົນ​ໄປ​ຊອກ​ຫາ​ເຢເຣມີຢາ ແລະ​ເບິ່ງແຍງ​ລາວ​ໃຫ້​ດີ. ຢ່າ​ທຳຮ້າຍ​ລາວ ແຕ່​ຈົ່ງ​ຊ່ວຍເຫລືອ​ລາວ​ຕາມ​ທີ່​ລາວ​ຕ້ອງການ.”

ໂຣມ 13:3

ດ້ວຍວ່າ, ພວກ​ຜູ້ປົກຄອງ​ນັ້ນ ບໍ່​ເປັນ​ໜ້າ​ຢ້ານ​ສຳລັບ​ຄົນ​ທີ່​ເຮັດ​ການ​ດີ, ແຕ່​ເປັນ​ໜ້າ​ຢ້ານ​ສຳລັບ​ຄົນ​ທີ່​ເຮັດ​ການ​ຊົ່ວ, ເຈົ້າ​ບໍ່​ຢາກ​ຢ້ານ​ຜູ້​ມີ​ສິດ​ອຳນາດ​ບໍ? ຖ້າດັ່ງນັ້ນ ໃຫ້​ເຈົ້າ​ເຮັດ​ແຕ່​ການ​ດີ ແລະ​ເຈົ້າ​ກໍ​ຈະ​ໄດ້​ຮັບ​ຄຳ​ຊົມເຊີຍ​ຈາກ​ເພິ່ນ.

ໂຣມ 8:28

ພວກເຮົາ​ຮູ້​ແລ້ວ​ວ່າ ພຣະເຈົ້າ​ຊົງ​ຮ່ວມ​ກັບ​ຄົນ​ທັງຫລາຍ​ທີ່​ຮັກ​ພຣະອົງ ເພື່ອ​ໃຫ້​ເກີດຜົນ​ດີ​ໃນ​ທຸກສິ່ງ ຄື​ຄົນ​ທັງປວງ​ທີ່​ພຣະອົງ​ໄດ້​ຊົງ​ເອີ້ນ​ໄວ້​ຕາມ​ພຣະ​ປະສົງ​ຂອງ​ພຣະອົງ.

1 ໂກຣິນໂທ 14:1

ຈົ່ງ​ຕັ້ງ​ຈຸດ​ມຸ່ງໝາຍ​ຫາ​ຄວາມຮັກ ຈົ່ງ​ຮ້ອນ​ໃຈ​ສະແຫວງ​ຫາ​ຂອງ​ປະທານ​ຝ່າຍ​ພຣະວິນຍານ ໂດຍ​ສະເພາະ​ແມ່ນ​ຂອງ​ປະທານ​ໃນ​ການ​ປະກາດ​ພຣະທຳ.

ເອເຟໂຊ 5:1

ເພາະສະນັ້ນ ເຈົ້າ​ທັງຫລາຍ​ຈົ່ງ​ເປັນ​ຜູ້​ດຳເນີນ​ຊີວິດ​ຕາມ​ແບບຢ່າງ​ພຣະເຈົ້າ ເໝືອນ​ເປັນ​ບຸດ​ທີ່​ຊົງ​ຮັກ.

1 ເທສະໂລນິກ 5:15

ຈົ່ງ​ລະວັງ​ໃຫ້​ດີ ຢ່າ​ໃຫ້​ຜູ້ໃດ​ເຮັດ​ຄວາມຊົ່ວ​ຕອບ​ແທນ​ຄວາມຊົ່ວ ແຕ່​ໃຫ້​ສະແຫວງ​ຫາ​ທາງ​ເຮັດ​ຄວາມດີ​ຕໍ່​ກັນແລະກັນ​ສະເໝີ ແລະ​ແກ່​ທຸກຄົນ​ດ້ວຍ.

1 ຕີໂມທຽວ 5:10

ແລະ​ມີ​ຊື່ສຽງ​ໃນ​ການ​ສ້າງ​ຄຸນງາມ​ຄວາມດີ ເປັນ​ຕົ້ນ: ເປັນ​ຍິງ​ທີ່​ຝຶກແອບ​ລ້ຽງດູ​ລູກໆ​ຂອງຕົນ​ເປັນ​ຢ່າງດີ ມີ​ນໍ້າໃຈ​ຕ້ອນຮັບ​ແຂກ ເຮັດ​ໜ້າທີ່​ດ້ວຍ​ຄວາມ​ຖ່ອມຕົວ​ສຳລັບ​ພີ່ນ້ອງ​ຄຣິສຕຽນ ຊ່ວຍເຫຼືອ​ຄົນ​ທີ່​ຢູ່​ໃນ​ຄວາມ​ຂັດສົນ ແລະ​ຖວາຍ​ຕົນເອງ​ເຂົ້າ​ໃນ​ການ​ຮັບໃຊ້​ໃຫ້​ດີ.

ຕີໂຕ 2:14

ພຣະອົງ​ໄດ້​ສະຫລະ​ພຣະອົງ​ເອງ ແທນ​ພວກເຮົາ​ທັງຫລາຍ ເພື່ອ​ໄຖ່​ເອົາ​ພວກເຮົາ​ໃຫ້​ພົ້ນ​ຈາກ​ຄວາມ​ຊົ່ວຊ້າ​ທັງໝົດ ແລະ​ເພື່ອ​ຊຳລະ​ພວກເຮົາ​ໃຫ້​ເປັນ​ຜູ້​ບໍຣິສຸດ ເພື່ອ​ເປັນ​ໄພ່ພົນ​ຂອງ​ພຣະອົງ​ໂດຍ​ສະເພາະ ແລະ​ມີ​ໃຈ​ຮ້ອນຮົນ​ສຳລັບ​ເຮັດ​ຄວາມດີ.

3 ໂຢຮັນ 1:11

ເພື່ອນ​ທີ່ຮັກ​ເອີຍ, ຢ່າ​ເອົາ​ການ​ຊົ່ວຮ້າຍ​ເປັນ​ແບບຢ່າງ ແຕ່​ຈົ່ງ​ເອົາ​ການ​ດີງາມ ຜູ້​ທີ່​ເຮັດ​ການ​ດີ​ກໍ​ເປັນ​ຂອງ​ພຣະເຈົ້າ ຜູ້​ທີ່​ເຮັດ​ການ​ຊົ່ວ​ກໍ​ບໍ່ໄດ້​ເຫັນ​ພຣະເຈົ້າ.