1 ເປໂຕ 3:10 - ພຣະຄຳພີສັກສິ

¹⁰ ເພາະວ່າ “ຜູ້​ທີ່​ຢາກ​ຮັບ​ຊີວິດ​ອັນ​ດີ ແລະ ປາຖະໜາ​ທີ່​ຈະ​ເຫັນ​ວັນ​ສະໜຸກ ກໍ​ໃຫ້​ຜູ້ນັ້ນ​ຫ້າມ​ລີ້ນ​ຂອງຕົນ​ ບໍ່​ໃຫ້​ເວົ້າ​ຄວາມຊົ່ວ ແລະ ຫ້າມ​ປາກ​ບໍ່​ໃຫ້​ກ່າວ ຄຳ​ອຸບາຍ​ລໍ້ລວງ.

ພຣະຄຳພີລາວສະບັບສະໄໝໃໝ່

¹⁰ ເພາະ, “ຜູ້ໃດ​ກໍ​ຕາມ​ຮັກ​ຊີວິດ ແລະ ປາຖະໜາ​ຈະ​ເຫັນ​ວັນ​ທີ່​ດີ ພວກເຂົາ​ຕ້ອງ​ຮັກສາ​ລີ້ນ​ຂອງ​ຕົນ​ໃຫ້​ພົ້ນ​ຈາກ​ຄວາມຊົ່ວ ຮັກສາ​ປາກ​ຂອງ​ຕົນ​ໃຫ້​ບໍ່​ໃຫ້​ເວົ້າ​ຄຳ​ຫລອກລວງ.

1 ເປໂຕ 3:10 Jak'a apnaqawi uñst'ayäwi

ພຣະທຳ​ໂຢບ 2:4

ມານຊາຕານ​ຈຶ່ງ​ໂຕ້​ຕອບ​ພຣະເຈົ້າຢາເວ​ຄືນ​ວ່າ, “ມະນຸດ​ຍ່ອມ​ສະລະ​ທຸກສິ່ງ​ເພື່ອ​ໃຫ້​ຊີວິດ​ຕົນ​ຍັງ​ຢູ່.

ພຣະທຳ​ໂຢບ 33:28

ພຣະເຈົ້າ​ໄດ້​ຮັກສາ​ຂ້ອຍ​ບໍ່​ໃຫ້​ໄປ​ສູ່​ແດນ​ມໍຣະນາ ແລະ​ໃຫ້​ຂ້ອຍ​ຍັງ​ມີ​ຊີວິດ​ຊີວາ​ຢູ່​ຕໍ່ໄປ​ອີກ.’

ພຣະທຳ​ໂຢບ 9:25

ວັນ​ຂອງຂ້ອຍ​ຜ່ານ​ໄປ​ໄວ ດັ່ງ​ນັກ​ແລ່ນແຂ່ງ ຜ່ານ​ໄປແຮງ​ຢ່າງ​ນັ້ນ​ຫາ​ອັນດີ​ໄວ້​ບໍ່ມີ​ເລີຍ.

ເພງ^ສັນລະເສີນ 106:5

ຂໍ​ຊົງ​ໂຜດ​ໃຫ້​ໄດ້​ເຫັນ​ຄວາມຈະເລີນ​ຮຸ່ງເຮືອງ ຂອງ​ຜູ້​ທີ່​ເປັນ​ໄພ່ພົນ​ຂອງ​ພຣະອົງ​ດ້ວຍ ແລະ​ໃຫ້​ໄດ້​ມີ​ສ່ວນ​ໃນ​ຄວາມສຸກ​ຂອງ​ພວກເຂົາ ຄື​ໄດ້​ພາກພູມ​ໃຈ​ນຳ​ຊົນຊາດ​ຂອງ​ພຣະອົງ.

ເພງ^ສັນລະເສີນ 27:13

ຂ້ານ້ອຍ​ໝັ້ນໃຈ​ວ່າ​ຂ້ານ້ອຍ​ຍັງ​ຈະ​ເຫັນ ພຣະຄຸນ​ຄວາມດີ​ຂອງ​ພຣະເຈົ້າຢາເວ​ຢູ່​ໃນ​ຊີວິດ​ນີ້.

ເພງ^ສັນລະເສີນ 49:19

ລາວ​ກໍ​ຈະ​ໄປ​ຢູ່​ຮ່ວມ​ກັບ​ປູ່ຍ່າຕາຍາຍ​ທີ່​ຕາຍໄປ ສູ່​ບ່ອນ​ມືດມິດ​ອັນ​ຕະຫລອດ​ສືບໆໄປ​ພຸ້ນ.

ສຸພາສິດ 3:18

ປັນຍາ​ເປັນ​ຕົ້ນໄມ້​ແຫ່ງ​ຊີວິດ​ແກ່​ຜູ້​ທີ່​ຢຶດ​ໄວ້​ແໜ້ນ​ເອີ້ນ​ວ່າ​ຜາສຸກ.

ສຸພາສິດ 3:2

ຄຳສັ່ງສອນ​ຂອງ​ພໍ່​ຈະ​ໃຫ້​ລູກ​ມີ​ຊີວິດ​ຍືນຍາວ​ແລະ​ຈະເລີນ​ຮຸ່ງເຮືອງ.

ສຸພາສິດ 4:22

ຖ້ອຍຄຳ​ເຫຼົ່ານັ້ນ​ຈະ​ໃຫ້​ຊີວິດ​ແກ່​ຜູ້​ທີ່​ຄົ້ນພົບ ແລະ​ປິ່ນປົວ​ເນື້ອກາຍ​ຂອງ​ຜູ້ນັ້ນ​ທັງສິ້ນ.

ສຸພາສິດ 8:35

ຄົນໃດ​ທີ່​ພົບ​ເຮົາ​ນັ້ນ ລາວ​ກໍ​ພົບ​ຊີວິດ ແລະ​ພຣະເຈົ້າຢາເວ​ຈະ​ພຶງ​ພໍໃຈ​ນຳ​ລາວ.

ປັນຍາຈານ 2:3

ດ້ວຍ​ຄວາມຢາກ​ມີ​ປັນຍາ ຂ້າພະເຈົ້າ​ຈຶ່ງ​ຕັດສິນໃຈ​ດື່ມ​ເຫຼົ້າ​ອະງຸ່ນ ເພື່ອ​ເຮັດ​ໃຫ້​ຂ້າພະເຈົ້າ​ດີໃຈ​ແລະ​ສະໜຸກ. ຂ້າພະເຈົ້າ​ຄິດວ່າ​ສິ່ງ​ນີ້​ອາດ​ເປັນ​ວິທີ​ດີທີ່ສຸດ​ກໍໄດ້ ທີ່​ມະນຸດ​ນຳ​ເອົາ​ໄປ​ໃຊ້​ໄດ້​ໃນ​ຊີວິດ​ອັນ​ສັ້ນໆ​ຂອງຕົນ​ຢູ່​ໃນ​ໂລກນີ້.

ມັດທາຍ 19:17

ພຣະເຢຊູເຈົ້າ​ຕອບ​ວ່າ, “ເປັນຫຍັງ​ເຈົ້າ​ຈຶ່ງ​ຖາມ​ເຮົາ​ເຖິງ​ສິ່ງ​ທີ່​ດີ? ຜູ້​ທີ່​ດີ​ນັ້ນ​ມີ​ແຕ່​ຜູ້​ດຽວ ຖ້າ​ເຈົ້າ​ຕ້ອງການ​ເຂົ້າ​ສູ່​ຊີວິດ ຈົ່ງ​ຖື​ຮັກສາ​ຂໍ້ຄຳສັ່ງ​ທັງຫລາຍ​ໄວ້.”

ມາຣະໂກ 8:35

ເພາະ​ຜູ້ໃດ​ທີ່​ຢາກ​ຊ່ວຍ​ຊີວິດ​ຂອງຕົນ​ໃຫ້​ພົ້ນ ຜູ້ນັ້ນ​ກໍ​ຈະ​ເສຍ​ຊີວິດ, ແຕ່​ຜູ້ໃດ​ທີ່​ສະລະ​ຊີວິດ​ຂອງຕົນ​ເພື່ອ​ເຫັນແກ່​ເຮົາ ແລະ​ແກ່​ຂ່າວປະເສີດ ຜູ້ນັ້ນ​ກໍ​ຈະ​ຖືກ​ຊ່ວຍ​ຊີວິດ​ໃຫ້​ພົ້ນ​ໄດ້.

ໂຢຮັນ 1:47

ເມື່ອ​ພຣະເຢຊູເຈົ້າ​ຫລຽວ​ເຫັນ​ນະທານາເອັນ ກຳລັງ​ມາ​ຫາ​ພຣະອົງ ຈຶ່ງ​ເວົ້າ​ຕໍ່​ລາວ​ວ່າ, “ຜູ້​ນີ້​ແຫຼະ ເປັນ​ຄົນ​ອິດສະຣາເອນ​ແທ້ ໃນ​ຕົວ​ລາວ​ບໍ່ມີ​ກົນອຸບາຍ​ເລີຍ.”

ໂຢຮັນ 12:25

ຜູ້​ທີ່​ຮັກ​ຊີວິດ​ຂອງຕົນ​ຈະ​ຕ້ອງ​ເສຍ​ຊີວິດ ແລະ​ຜູ້​ທີ່​ຊັງ​ຊີວິດ​ຂອງຕົນ​ໃນ​ໂລກນີ້ ຈະ​ຮັກສາ​ຊີວິດ​ນັ້ນ​ໄວ້​ໄດ້​ສຳລັບ​ຊີວິດ​ນິຣັນດອນ.

ພຣະບັນຍັດສອງ 32:47

ຄຳສັ່ງສອນ​ເຫຼົ່ານີ້ ບໍ່ແມ່ນ​ຖ້ອຍຄຳ​ທີ່​ບໍ່ມີ​ປະໂຫຍດ ມັນ​ເປັນ​ຖ້ອຍຄຳ​ທີ່​ໃຫ້​ພວກເຈົ້າ​ມີ​ຊີວິດ. ສະນັ້ນ ຈົ່ງ​ເຮັດ​ຕາມ​ນັ້ນ ແລະ​ພວກເຈົ້າ​ຈະ​ມີ​ອາຍຸ​ຍືນຍາວ ໃນ​ດິນແດນ​ທາງ​ຟາກ​ເບື້ອງ​ນັ້ນ​ຂອງ​ແມ່ນໍ້າ​ຈໍແດນ ຊຶ່ງ​ພວກເຈົ້າ​ກຳລັງ​ຈະ​ເຂົ້າ​ໄປ​ຢຶດຄອງ.”

ຢາໂກໂບ 1:26

ຖ້າ​ຜູ້ໃດ​ຄິດ​ວ່າ​ຕົນ​ເປັນ​ຄົນ​ມີ​ທຳມະ ແຕ່​ບໍ່ໄດ້​ຫ້າມ​ລີ້ນ​ຂອງຕົນ​ແລ້ວ ທຳມະ​ຂອງ​ຜູ້ນັ້ນ​ກໍ​ບໍ່ມີ​ປະໂຫຍດ ແລະ​ເປັນ​ການ​ຫລອກລວງ​ຕົນເອງ​ເທົ່ານັ້ນ.

1 ເປໂຕ 2:1

ເຫດສະນັ້ນ ເຈົ້າ​ທັງຫລາຍ​ຈົ່ງ​ລະຖິ້ມ​ຄວາມ​ຄິດ​ຮ້າຍ​ທັງປວງ ກົນອຸບາຍ​ທຸກຢ່າງ ການ​ໜ້າຊື່​ໃຈຄົດ ຄວາມ​ອິດສາ ແລະ​ຄຳ​ເວົ້າ​ນິນທາ​ທັງໝົດ.

1 ເປໂຕ 2:22

ພຣະອົງ​ບໍ່ໄດ້​ເຮັດ​ບາບ​ຈັກ​ປະການ ແລະ​ຄວາມ​ຕົວະ​ຈາກ​ປາກ​ຂອງ​ພຣະອົງ​ກໍ​ບໍ່ມີ.

ພຣະນິມິດ 14:5

ຈະ​ຫາ​ຄວາມ​ຕົວະ​ໃນ​ປາກ​ຂອງ​ພວກເຂົາ​ກໍ​ບໍ່​ພົບ ພວກເຂົາ​ບໍ່ມີ​ຈຸດ​ດ່າງ​ພອຍ​ແລ້ວ.