1 ໂກຣິນໂທ 10:3 - ພຣະຄຳພີສັກສິ

³ ທຸກຄົນ​ຕ່າງ​ກໍໄດ້​ກິນ​ອາຫານ​ທິບ​ຢ່າງ​ດຽວກັນ

ພຣະຄຳພີລາວສະບັບສະໄໝໃໝ່

³ ພວກເພິ່ນ​ໄດ້​ກິນ​ອາຫານ​ຝ່າຍ​ວິນຍານ​ຄືກັນ

1 ໂກຣິນໂທ 10:3 Jak'a apnaqawi uñst'ayäwi

ເນເຫມີຢາ 9:15

ເມື່ອ​ຫິວເຂົ້າ ຊົງ​ໃຫ້​ເຂົ້າ​ຕົກ​ຈາກ​ສະຫວັນ ເມື່ອ​ຫິວນໍ້າ ກໍ​ມີ​ນໍ້າ​ໄຫລ​ຈາກ​ໂງ່ນຫີນ​ໄດ້​ດື່ມ. ພຣະອົງ​ບອກ​ພວກເພິ່ນ​ໃຫ້​ເຂົ້າ​ຢຶດ​ດິນແດນ ບ່ອນ​ທີ່​ພຣະອົງ​ໄດ້​ສັນຍາ​ມອບ​ໃຫ້​ພວກເພິ່ນ.

ເນເຫມີຢາ 9:20

ດ້ວຍ​ຄຸນງາມ​ຄວາມດີ​ຂອງ​ພຣະອົງ​ນັ້ນ ພຣະອົງ​ຈຶ່ງ​ບອກ​ສິ່ງ​ທີ່​ພວກເພິ່ນ​ຄວນ​ກະທຳ; ພຣະອົງ​ໄດ້​ລ້ຽງດູ​ພວກເພິ່ນ​ດ້ວຍ​ມານາ ແລະ​ໃຫ້​ພວກເພິ່ນ​ໄດ້​ມີ​ນໍ້າ​ດື່ມ.

ເພງ^ສັນລະເສີນ 105:40

ພວກເພິ່ນ ຮຽກຮ້ອງ​ແລະ​ພຣະອົງ​ໄດ້​ສົ່ງ​ນົກ​ຂຸ້ມ​ມາ ພຣະອົງ​ປະທານ​ອາຫານ​ຈາກ​ສະຫວັນ​ໃຫ້​ພວກເພິ່ນ​ຢ່າງ​ອຸດົມສົມບູນ.

ອົບພະຍົບ 16:15

ເມື່ອ​ຊາວ​ອິດສະຣາເອນ​ເຫັນ ພວກເຂົາ​ບໍ່​ຮູ້​ວ່າ​ແມ່ນ​ຫຍັງ ຈຶ່ງ​ຖາມ​ກັນ​ວ່າ, “ອັນ​ນີ້​ແມ່ນ​ຫຍັງ?” ແລ້ວ​ໂມເຊ​ກໍ​ບອກ​ພວກເຂົາ​ວ່າ, “ອັນ​ນີ້​ແມ່ນ​ເຂົ້າຈີ່​ທີ່​ພຣະເຈົ້າຢາເວ​ໃຫ້​ພວກເຈົ້າ​ກິນ.

ອົບພະຍົບ 16:35

ຊາວ​ອິດສະຣາເອນ​ໄດ້​ກິນ​ມານາ​ເປັນ​ອາຫານ ເປັນ​ເວລາ​ສີ່ສິບ​ປີ ຈົນ​ພວກເຂົາ​ໄດ້​ເດີນທາງ​ໄປ​ຮອດ​ດິນແດນ​ການາອານ ບ່ອນ​ທີ່​ຕັ້ງ​ຫຼັກແຫຼ່ງ​ຢູ່. (

ອົບພະຍົບ 16:4

ແລ້ວ​ພຣະເຈົ້າຢາເວ​ກໍ​ບອກ​ໂມເຊ​ວ່າ, “ບັດນີ້ ເຮົາ​ຈະ​ບັນດານ​ໃຫ້​ເຂົ້າຈີ່​ຕົກລົງ​ມາ​ຈາກ​ສະຫວັນ ດັ່ງ​ຫ່າຝົນ​ໃຫ້​ພວກເຈົ້າ​ທຸກຄົນ​ໄດ້​ກິນ. ຈົ່ງ​ບອກ​ປະຊາຊົນ​ໄປ​ເກັບ​ເອົາ​ແຕ່ລະ​ວັນ ໃຫ້​ພໍດີ​ກິນ​ສຳລັບ​ວັນ​ໜຶ່ງ. ໂດຍ​ວິທີ​ນີ້​ເຮົາ​ຈຶ່ງ​ທົດສອບ​ເບິ່ງ​ໄດ້​ວ່າ ພວກເຂົາ​ຈະ​ເຮັດ​ຕາມ​ຂໍ້ຄຳສັ່ງ​ຂອງເຮົາ​ນັ້ນ​ຫລື​ບໍ່.

ພຣະບັນຍັດສອງ 8:3

ພຣະອົງ​ໄດ້​ເຮັດ​ໃຫ້​ພວກເຈົ້າ​ອຶດຫິວ ແລ້ວ​ພຣະອົງ​ກໍ​ໃຫ້​ພວກເຈົ້າ​ໄດ້​ກິນ​ມານາ ຄື​ອາຫານ​ທີ່​ພວກເຈົ້າ​ແລະ​ປູ່ຍ່າຕາຍາຍ​ຂອງ​ພວກເຈົ້າ​ບໍ່ເຄີຍ​ກິນ​ມາ​ກ່ອນ. ພຣະອົງ​ໄດ້​ເຮັດ​ເຊັ່ນນີ້​ເພື່ອ​ສອນ​ພວກເຈົ້າ​ວ່າ ມະນຸດ​ຈະ​ບໍ່ໄດ້​ລ້ຽງ​ຊີວິດ​ດ້ວຍ​ອາຫານ​ແຕ່​ຢ່າງ​ດຽວ ແຕ່​ດ້ວຍ​ທຸກ​ຖ້ອຍຄຳ​ທີ່​ອອກ​ມາ​ຈາກ​ປາກ​ຂອງ​ພຣະເຈົ້າຢາເວ.