1 ຂ່າວຄາວ 9:2 - ພຣະຄຳພີສັກສິ

² ພວກ​ທຳອິດ​ທີ່​ກັບຄືນ​ມາ​ສູ່​ທີ່ດິນ​ຂອງຕົນ​ຕາມ​ເມືອງ​ຕ່າງໆ ມີ​ທັງ​ຊາວ​ອິດສະຣາເອນ​ຄົນ​ທຳມະດາ, ປະໂຣຫິດ, ຊາວ​ເລວີ ແລະ​ຄົນ​ຮັບໃຊ້​ໃນ​ພຣະວິຫານ​ຮວມ​ຢູ່​ດ້ວຍ.

1 ຂ່າວຄາວ 9:2 Jak'a apnaqawi uñst'ayäwi

ເອຊະຣາ 2:1

ມີ​ພວກ​ທີ່​ເປັນ​ຊະເລີຍ​ໃນ​ຕ່າງຖິ່ນ​ຫລາຍ​ຄົນ​ໄດ້​ອອກ​ຈາກ​ແຂວງ​ບາບີໂລນ ແລະ​ກັບຄືນ​ສູ່​ນະຄອນ​ເຢຣູຊາເລັມ​ແລະ​ຢູດາຍ; ແຕ່ລະຄົນ​ໄດ້​ກັບຄືນ​ສູ່​ບ້ານເກີດ​ເມືອງນອນ​ຂອງ​ໃຜ​ລາວ. ຄອບຄົວ​ຂອງ​ພວກເຂົາ​ໄດ້​ເປັນ​ຊະເລີຍ​ແລະ​ອາໄສ​ຢູ່​ໃນ​ບາບີໂລນ ຕັ້ງແຕ່​ສະໄໝ​ທີ່​ກະສັດ​ເນບູ​ກາດເນັດຊາ​ໄດ້​ຈັບ​ພວກເຂົາ​ໄປ​ທີ່​ນັ້ນ.

ເອຊະຣາ 2:43

ຕະກຸນ​ຕ່າງໆ​ຂອງ​ຄົນ​ເຮັດ​ວຽກ​ປະຈຳ​ພຣະວິຫານ ທີ່​ໄດ້​ກັບຄືນ​ມາ​ຈາກ​ການ​ເປັນ​ຊະເລີຍ​ໃນ​ຕ່າງຖິ່ນ ມີ​ດັ່ງນີ້: ຊີຮາ, ຮາສູຟາ, ຕັບບາອົດ,

ເອຊະຣາ 2:58

ຈຳນວນ​ເຊື້ອສາຍ​ທັງໝົດ​ຂອງ​ຄົນ​ເຮັດ​ວຽກ​ໃນ​ພຣະວິຫານ ແລະ​ຄົນ​ຮັບໃຊ້​ຂອງ​ກະສັດ​ໂຊໂລໂມນ ທີ່​ໄດ້​ກັບຄືນ​ມາ​ຈາກ​ການ​ເປັນ​ຊະເລີຍ​ໃນ​ຕ່າງຖິ່ນ ມີ​ທັງໝົດ 392 ຄົນ.

ເອຊະຣາ 2:70

ບັນດາ​ປະໂຣຫິດ​ຊາວ​ເລວີ​ແລະ​ປະຊາຊົນ​ບາງ​ພວກ ກໍໄດ້​ຕັ້ງ​ຖິ່ນຖານ​ຢູ່​ໃນ ຫລື​ຢູ່​ໃກ້​ນະຄອນ​ເຢຣູຊາເລັມ; ພວກ​ນັກດົນຕຼີ, ພວກ​ເຝົ້າຍາມ​ພຣະວິຫານ ແລະ​ພວກ​ເຮັດ​ວຽກ​ປະຈຳ​ພຣະວິຫານ​ກໍ​ຕັ້ງ​ຖິ່ນຖານ​ຢູ່​ໃນ​ເມືອງ; ແລະ​ຊາວ​ອິດສະຣາເອນ​ທີ່​ຍັງເຫລືອ ກໍໄດ້​ຕັ້ງ​ຖິ່ນຖານ​ຢູ່​ໃນ​ເມືອງ​ທີ່​ພວກ​ບັນພະບຸລຸດ​ຂອງ​ພວກຕົນ​ເຄີຍ​ອາໄສ​ຢູ່.

ເອຊະຣາ 8:20

ນອກຈາກ​ຄົນ​ເຫຼົ່ານີ້​ແລ້ວ ກໍ​ຍັງ​ມີ​ຄົນງານ​ປະຈຳ​ພຣະວິຫານ​ອີກ​ສອງຮ້ອຍ​ຊາວ​ຄົນ ຊຶ່ງ​ບັນພະບຸລຸດ​ເປັນ​ພວກ​ທີ່​ກະສັດ​ດາວິດ​ແລະ​ພວກ​ຂ້າຣາຊການ​ຂອງ​ເພິ່ນ ໄດ້​ແຕ່ງຕັ້ງ​ໃຫ້​ເປັນ​ຜູ້​ຊ່ວຍເຫລືອ​ຊາວ​ເລວີ. ຄົນ​ພວກ​ນີ້​ທັງໝົດ​ມີ​ຊື່​ຈົດ​ໄວ້​ແລ້ວ.

ເນເຫມີຢາ 10:29

ຂໍ​ຮ່ວມ​ກັບ​ບັນດາ​ຜູ້ນຳ​ຂອງ​ພວກ​ຂ້ານ້ອຍ​ໃນ​ທີ່​ນີ້ ພາຍໃຕ້​ຄຳສາບແຊ່ງ​ອັນ​ມີ​ໂທດ​ຮ້າຍແຮງ ຖ້າ​ພວກ​ຂ້ານ້ອຍ​ຝ່າຝືນ​ຂໍ້​ຕົກລົງ​ນີ້ ຂໍ​ສາບານ​ວ່າ​ພວກ​ຂ້ານ້ອຍ​ຈະ​ດຳເນີນ​ຊີວິດ​ຕາມ​ກົດບັນຍັດ ຊຶ່ງ​ພຣະເຈົ້າ​ໄດ້​ມອບ​ໃຫ້​ຜ່ານ​ທາງ​ໂມເຊ ຜູ້ຮັບໃຊ້​ຂອງ​ພຣະເຈົ້າ; ວ່າ​ພວກ​ຂ້ານ້ອຍ​ຈະ​ກະທຳ​ຕາມ​ສິ່ງ​ທັງໝົດ​ທີ່​ອົງພຣະ​ຜູ້​ເປັນເຈົ້າ ພຣະເຈົ້າ​ຂອງ​ພວກ​ຂ້ານ້ອຍ​ໄດ້​ສັ່ງ; ແລະ​ວ່າ​ພວກ​ຂ້ານ້ອຍ​ຈະ​ຢຶດຖື​ກົດບັນຍັດ ແລະ​ຂໍ້​ກຳນົດ​ຕ່າງໆ​ຂອງ​ພຣະອົງ.

ເນເຫມີຢາ 11:1

ພວກຜູ້ນຳ​ໄດ້​ຕັ້ງ​ຖິ່ນຖານ​ຢູ່​ໃນ​ນະຄອນ​ເຢຣູຊາເລັມ ສ່ວນ​ປະຊາຊົນ​ທີ່​ເຫຼືອ​ນັ້ນ​ພາກັນ​ໃຊ້​ສະຫລາກ ເພື່ອ​ເລືອກ​ເອົາ​ຄອບຄົວ​ໜຶ່ງ​ໃນ​ແຕ່ລະສິບ​ຄອບຄົວ​ໄປ​ຢູ່​ໃນ​ນະຄອນ​ເຢຣູຊາເລັມ ເມືອງ​ສັກສິດ; ສ່ວນ​ເກົ້າ​ຄອບຄົວ​ນັ້ນ ຕ້ອງ​ໄປ​ອາໄສ​ຢູ່​ໃນ​ເມືອງ​ໃຫຍ່​ແລະ​ເມືອງນ້ອຍ​ອື່ນໆ.

ເນເຫມີຢາ 7:60

ຈຳນວນ​ທັງໝົດ​ຂອງ​ເຊື້ອສາຍ​ຂອງ​ຄົນ​ເຮັດ​ວຽກ​ໃນ​ພຣະວິຫານ ແລະ​ຄົນ​ຮັບໃຊ້​ຂອງ​ກະສັດ​ໂຊໂລໂມນ​ທີ່​ໄດ້​ກັບຄືນ​ມາ​ຈາກ​ການ​ເປັນ​ຊະເລີຍ​ໃນ​ຕ່າງຖິ່ນ​ມີ​ທັງໝົດ 392 ຄົນ.

ເນເຫມີຢາ 7:73

ບັນດາ​ປະໂຣຫິດ​ຊາວ​ເລວີ, ຄົນເຝົ້າຍາມ​ພຣະວິຫານ, ນັກດົນຕຼີ ແລະ​ຄົນ​ທຳມະດາ​ຫລາຍ​ຄົນ ຄື​ປະຊາຊົນ​ອິດສະຣາເອນ​ທັງໝົດ ໄດ້​ມາ​ຕັ້ງ​ຖິ່ນຖານ​ຢູ່​ຕາມ​ບ້ານ ແລະ​ເມືອງ​ຕ່າງໆ​ຂອງ​ຢູດາຍ.