1 ຂ່າວຄາວ 5:2 - ພຣະຄຳພີສັກສິ

² ແຕ່​ຢ່າງໃດ​ກໍດີ ແມ່ນ​ເຜົ່າຢູດາ​ທີ່​ໄດ້​ເຂັ້ມແຂງ​ທີ່ສຸດ ແລະ​ໃຫ້​ຜູ້ປົກຄອງ​ຄົນ​ໜຶ່ງ​ສືບ​ມາ​ຈາກ​ເຜົ່າ​ນີ້​ແກ່​ເຜົ່າ​ທັງໝົດ.)

1 ຂ່າວຄາວ 5:2 Jak'a apnaqawi uñst'ayäwi

ປະຖົມມະການ 25:31

ຢາໂຄບ​ຕອບ​ວ່າ, “ຂ້ອຍ​ຈະ​ໃຫ້​ກິນ ຖ້າ​ເຈົ້າ​ຂາຍ​ສິດ​ອ້າຍກົກ​ໃຫ້​ຂ້ອຍ.”

ປະຖົມມະການ 35:23

ລູກຊາຍ​ທີ່​ເກີດ​ຈາກ​ນາງ​ເລອາ ມີ​ດັ່ງນີ້: ຣູເບັນ​ຜູ້​ເປັນ​ອ້າຍກົກ, ຊີເມໂອນ, ເລວີ, ຢູດາ, ອິດຊາຄາ ແລະ​ເຊບູໂລນ.

ປະຖົມມະການ 48:5

ຢາໂຄບ​ກ່າວ​ຕໍ່ໄປ​ວ່າ, “ໂຢເຊັບ​ເອີຍ ລູກຊາຍ​ຂອງ​ເຈົ້າ​ສອງ​ຄົນ​ທີ່​ໄດ້​ເກີດ​ຢູ່​ໃນ​ປະເທດ​ເອຢິບ ກ່ອນ​ພໍ່​ມາ​ຢູ່​ນີ້​ເປັນ​ລູກ​ຂອງ​ພໍ່. ເອຟຣາອິມ​ແລະ​ມານາເຊ​ກໍ​ເທົ່າໆ​ກັບ​ຣູເບັນ​ແລະ​ຊີເມໂອນ.

ປະຖົມມະການ 49:26

ຄື​ອວຍພອນ​ໃຫ້​ມີ​ເຂົ້າ​ແລະ​ມາລາ​ງາມ​ສະຫງ່າ ພອນ​ຈາກ​ພູຜາ​ແຕ່​ກ່ອນກີ້ ທັງ​ພູ​ນ້ອຍ​ທັງຫຼາຍ ສືບໄປ ຂໍ​ໃຫ້​ໂຢເຊັບ​ໄດ້​ເປັນ​ຜູ້​ຮັບ​ພອນ​ນີ້ ໃຫ້​ພອນ​ນັ້ນ​ປະດັບ​ທີ່​ເທິງ​ຫົວ​ຂອງ​ລາວ​ໄວ້. ທີ່​ໜ້າຜາກ​ຂອງ​ຜູ້​ທີ່​ຖືກ​ຕັ້ງ​ໄວ້​ສະເພາະ ຈາກ​ບັນດາ​ຍາດຕິພີ່ນ້ອງ​ຂອງຕົນ​ນັ້ນ.

2 ຊາມູເອນ 8:15

ກະສັດ​ດາວິດ​ໄດ້​ປົກຄອງ​ທົ່ວ​ທັງ​ຊາດ​ອິດສະຣາເອນ. ເພິ່ນ​ປະຕິບັດ​ຕໍ່​ປະຊາຊົນ​ຂອງຕົນ​ຢ່າງ​ຍຸດຕິທຳ ແລະ​ຢ່າງ​ສັດຊື່.

1 ຂ່າວຄາວ 28:4

ພຣະເຈົ້າຢາເວ ພຣະເຈົ້າ​ແຫ່ງ​ຊາດ​ອິດສະຣາເອນ​ໄດ້​ເລືອກ​ຂ້າພະເຈົ້າ ແລະ​ເຊື້ອສາຍ​ຂອງ​ຂ້າພະເຈົ້າ​ໃຫ້​ປົກຄອງ​ຊາດ​ອິດສະຣາເອນ​ຕະຫລອດໄປ. ພຣະອົງ​ໄດ້​ເລືອກເອົາ​ເຜົ່າຢູດາ​ໃຫ້​ເປັນ​ຫົວໜ້າ​ນຳພາ ແລະ​ຈາກ​ເຜົ່າຢູດາ ພຣະອົງ​ໄດ້​ເລືອກເອົາ​ຄອບຄົວ​ຂອງ​ຂ້າພະເຈົ້າ. ຈາກ​ພີ່ນ້ອງ​ທັງໝົດ​ໃນ​ຄອບຄົວ​ຂອງ​ຂ້າພະເຈົ້າ ພຣະອົງ​ພໍໃຈ​ນຳ​ຂ້າພະເຈົ້າ ແລະ​ແຕ່ງຕັ້ງ​ຂ້າພະເຈົ້າ​ໃຫ້​ຂຶ້ນ​ເປັນ​ກະສັດ​ປົກຄອງ​ທົ່ວ​ທັງໝົດ​ຊາດ​ອິດສະຣາເອນ.

ເພງ^ສັນລະເສີນ 108:8

ກີເລອາດ​ເປັນ​ຂອງເຮົາ​ແລະ​ມານາເຊ​ກໍ​ຄືກັນ ເອຟຣາອິມ​ຄື​ໝວກ ແລະ​ຢູດາ​ຄື​ຕະບອງ​ຄອງ​ອຳນາດ.

ມີກາ 5:2

ອົງພຣະ​ຜູ້​ເປັນເຈົ້າ​ກ່າວ​ວ່າ, “ເບັດເລເຮັມ​ເອຟຣາທາ​ເອີຍ ເຈົ້າ​ເປັນ​ເມືອງ​ໜຶ່ງ​ທີ່​ນ້ອຍ​ທີ່ສຸດ ໃນ​ເມືອງ​ທັງຫລາຍ​ຂອງ​ຢູດາຍ ແຕ່​ເຮົາ​ຈະ​ໃຫ້​ມີ​ຜູ້ປົກຄອງ​ຄົນ​ໜຶ່ງ ອອກ​ມາ​ຈາກ​ເຈົ້າ​ສຳລັບ​ຊາດ​ອິດສະຣາເອນ ຊຶ່ງ​ໜໍ່ແນວ​ເຊື້ອສາຍ​ສືບມາ​ຈາກ​ສະໄໝ​ເດີມ.”

ຈົດບັນຊີ 2:3

ທາງດ້ານ​ຕາເວັນອອກ ໃຫ້​ເຜົ່າ​ທີ່​ຢູ່​ພາຍໃຕ້​ທຸງໄຊ​ປະຈຳ​ກອງພົນ​ຢູດາ ຕັ້ງ​ຄ້າຍພັກ​ເປັນ​ໝວດ​ໝູ່​ຕ່າງໆ ຢູ່​ພາຍໃຕ້​ການນຳພາ​ຂອງ​ຫົວໜ້າ​ຂອງ​ພວກເຂົາ​ດັ່ງ​ຕໍ່ໄປນີ້: ເຜົ່າ ຫົວໜ້າ ຈຳນວນ ຢູດາ ນາໂຊນ ລູກຊາຍ​ຂອງ​ອຳມີນາດາບ 74.600 ຄົນ ອິດຊາຄາ ເນທາເນນ ລູກຊາຍ​ຂອງ​ຊູອາ 54.400 ຄົນ ເຊບູໂລນ ເອລີອາບ ລູກຊາຍ​ຂອງ​ເຮໂລນ 57.400 ຄົນ ລວມ: 186.400 ຄົນ ໃຫ້​ກອງພົນ​ຂອງ​ຢູດາ​ຍົກ​ອອກ​ໜ້າ​ກ່ອນ.

ຈົດບັນຊີ 7:12

ພວກເຂົາ​ນຳ​ຂອງ​ມາ​ຖວາຍ​ເປັນ​ລຳດັບ​ກັນ​ດັ່ງນີ້: ມື້ ເຜົ່າ ຜູ້ນຳ ທີ 1 ຢູດາ ນາໂຊນ ລູກຊາຍ​ຂອງ​ອຳມີນາດາບ ທີ 2 ອິດຊາຄາ ເນທາເນນ ລູກຊາຍ​ຂອງ​ຊູອາ ທີ 3 ເຊບູໂລນ ເອລີອາບ ລູກຊາຍ​ຂອງ​ເຮໂລນ ທີ 4 ຣູເບັນ ເອລີຊູ ລູກຊາຍ​ຂອງ​ເຊເດອູເຣ ທີ 5 ຊີເມໂອນ ເຊລູມີເອນ ລູກຊາຍ​ຂອງ​ຊູຣິດຊັດດາຍ ທີ 6 ກາດ ເອລີອາສັບ ລູກຊາຍ​ຂອງ​ດູເອນ ທີ 7 ເອຟຣາອິມ ເອລີຊາມາ ລູກຊາຍ​ຂອງ​ອາມມີຮຸດ ທີ 8 ມານາເຊ ກາມາລີເອນ ລູກຊາຍ​ຂອງ​ເປດາຊູ ທີ 9 ເບັນຢາມິນ ອາບີດານ ລູກຊາຍ​ຂອງ​ກີເດໂອນີ ທີ 10 ດານ ອາຮີເອເຊ ລູກຊາຍ​ຂອງ​ອຳມີຊັດດາຍ ທີ 11 ອາເຊ ປາກີເອນ ລູກຊາຍ​ຂອງ​ອົກກະຣັນ ທີ 12 ເນັບທາລີ ອາຮີຣາ ລູກຊາຍ​ຂອງ​ເອນັນ. ຫົວໜ້າ​ແຕ່ລະຄົນ​ໄດ້​ນຳ​ເຄື່ອງ​ຖວາຍ​ຢ່າງ​ດຽວກັນ​ມາ​ດັ່ງນີ້: ຊາມ​ເງິນ​ໜຶ່ງ​ໃບ ໜັກ 1.500 ກຼາມ, ອ່າງ​ເງິນ​ໃບ​ໜຶ່ງ ໜັກ 800 ກຼາມ ໂດຍ​ໄດ້​ຄິດໄລ່​ຕາມ​ອັດຕາຊັ່ງ​ຂອງ​ສຳນັກ​ນະມັດສະການ, ຊາມ​ແລະ​ອ່າງ​ທັງສອງ​ໃບ​ເຕັມ​ດ້ວຍ​ແປ້ງ ປົນ​ກັບ​ນໍ້າມັນ​ໝາກກອກເທດ ຕາມ​ລະບຽບ​ການ​ຖວາຍ​ພືດຜົນ​ເປັນເມັດ; ຈານ​ຄຳ​ໜຶ່ງ​ໃບ, ໜັກ 110 ກຼາມ, ໃສ່​ເຄື່ອງຫອມ​ມາ​ພ້ອມ; ງົວເຖິກ​ໜຸ່ມ​ໂຕໜຶ່ງ, ແກະເຖິກ​ໂຕໜຶ່ງ, ລູກແກະເຖິກ ອາຍຸ​ໜຶ່ງ​ປີ​ໂຕໜຶ່ງ​ສຳລັບ​ເຜົາບູຊາ; ແບ້ເຖິກ​ໂຕໜຶ່ງ​ສຳລັບ​ຖວາຍບູຊາ​ລຶບລ້າງ​ບາບ; ງົວເຖິກ​ສອງ​ໂຕ, ແກະເຖິກ ຫ້າ​ໂຕ, ແບ້ເຖິກ​ຫ້າ​ໂຕ ແລະ​ລູກແກະເຖິກ​ຫ້າ​ໂຕ ອາຍຸ​ໜຶ່ງ​ປີ ສຳລັບ​ຖວາຍ​ເພື່ອ​ຄວາມ​ສາມັກຄີທຳ.

ມັດທາຍ 2:6

‘ເບັດເລເຮັມ​ໃນ​ດິນແດນ​ຢູດາຍ​ເອີຍ, ເຈົ້າ​ກໍ​ບໍ່ແມ່ນ​ຜູ້​ເລັກນ້ອຍ​ທີ່ສຸດ ໃນ​ບັນດາ​ເມືອງ​ໃຫຍ່ໆ​ຂອງ​ຢູດາຍ ເພາະ​ຜູ້ນຳ​ຄົນ​ໜຶ່ງ​ຈະ​ມາ​ຈາກ​ເຈົ້າ ຜູ້​ທີ່​ຈະ​ມາ​ປົກຄອງ​ປະຊາຊົນ​ຂອງເຮົາ ຄື ຊາວ​ອິດສະຣາເອນ.”’

ໂຣມ 8:29

ດ້ວຍວ່າ, ຄົນ​ທັງຫລາຍ​ທີ່​ພຣະອົງ​ໄດ້​ຊົງ​ສັງເກດ​ຮູ້​ລ່ວງໜ້າ​ແລ້ວ​ນັ້ນ ພຣະອົງ​ກໍໄດ້​ຊົງ​ກຳນົດ​ໄວ້​ກ່ອນ ເພື່ອ​ໃຫ້​ເປັນ​ຕາມ​ແບບ​ລັກສະນະ​ແຫ່ງ​ພຣະບຸດ​ຂອງ​ພຣະອົງ ເພື່ອ​ພຣະບຸດ​ນັ້ນ​ຈະ​ໄດ້​ເປັນ​ບຸດ​ກົກ​ໃນ​ທ່າມກາງ​ພວກ​ນ້ອງ​ຫລາຍ​ຄົນ.

ພຣະບັນຍັດສອງ 21:17

ລາວ​ຕ້ອງ​ແບ່ງ​ມໍຣະດົກ​ສອງ​ເທົ່າ​ໃຫ້​ລູກຊາຍ​ຄົນ​ກົກ ເຖິງ​ແມ່ນ​ວ່າ​ລາວ​ບໍ່ແມ່ນ​ລູກຊາຍ​ຂອງ​ເມຍ​ທີ່​ຕົນ​ຮັກ​ກໍຕາມ. ຊາຍ​ຜູ້ໜຶ່ງ​ຕ້ອງ​ຮັບ​ຮູ້​ສິດທິ​ຂອງ​ລູກຊາຍກົກ​ຂອງຕົນ ແລະ​ແບ່ງ​ມໍຣະດົກ​ທີ່​ຖືກ​ຕາມ​ກົດໝາຍ​ທີ່​ລາວ​ສົມຄວນ​ຈະ​ໄດ້​ຮັບ​ໃຫ້​ແກ່​ລາວ.”

ພຣະບັນຍັດສອງ 33:17

ໂຢເຊັບ​ມີ​ກຳລັງ​ກ້າ​ຄື​ງົວກະທີງ​ເຖິກ​ໂຕໜຶ່ງ ຈຶ່ງ​ເກັ່ງກ້າ​ຕໍ່ສູ້ ເພາະ​ຮູ້​ວ່າ​ຕົນ​ມີ​ເຂົາ​ຕ້ານທານ; ເຂົາ​ຂອງ​ລາວ​ນັ້ນ​ມີ​ມານາເຊ​ຫລາຍ​ພັນ​ຄົນ​ຊ່ວຍ ແລະ​ຂອງ​ເອຟຣາອິມ​ເປັນ​ໝື່ນໆ​ຊຶ່ງ​ເປັນ​ກຳລັງ. ດ້ວຍ​ກຳລັງ​ເຫຼົ່ານັ້ນ​ລາວ​ຈຶ່ງ​ໄລ່​ຫລາຍ​ຊົນຊາດ​ໜີ ແລະ​ດັນ​ພວກເຂົາ​ອອກ​ໄປ​ຈົນ​ສຸດ​ແຜ່ນດິນ​ໂລກ.”

ເຮັບເຣີ 7:14

ເພາະ​ປາກົດ​ແຈ້ງ​ແລ້ວ​ວ່າ ອົງພຣະ​ຜູ້​ເປັນເຈົ້າ​ຂອງ​ເຮົາ​ທັງຫລາຍ ໄດ້​ຊົງ​ສືບ​ເຊື້ອສາຍ​ມາ​ຈາກ​ຕະກຸນ​ຢູດາ ແຕ່​ເມື່ອ​ໂມເຊ​ໄດ້​ກ່າວ​ເຖິງ​ປະໂຣຫິດ ກໍ​ບໍ່ໄດ້​ກ່າວ​ເຖິງ​ຕະກຸນ​ນີ້.

ໂຢຊວຍ 14:6

ມື້ໜຶ່ງ ມີ​ບາງຄົນ​ຈາກ​ເຜົ່າ​ຢູດາ​ໄດ້​ມາ​ຫາ​ໂຢຊວຍ​ທີ່​ເມືອງ​ກິນການ. ກາເລັບ ລູກຊາຍ​ຂອງ​ເຢຟຸນເນ​ຊາວ​ເກນິດ ແມ່ນ​ຜູ້ໜຶ່ງ​ໃນ​ຈຳນວນ​ພວກ​ນີ້. ລາວ​ໄດ້​ກ່າວ​ແກ່​ໂຢຊວຍ​ວ່າ, “ທ່ານ​ກໍ​ຮູ້​ເຖິງ​ເລື່ອງ​ທີ່​ພຣະເຈົ້າຢາເວ​ໄດ້​ກ່າວ​ທີ່​ກາເດັດ​ບາກເນອາ ເລື່ອງ​ຂອງທ່ານ​ແລະ​ຂ້າພະເຈົ້າ​ແກ່​ໂມເຊ​ຄົນ​ຂອງ​ພຣະເຈົ້າ.

ພຣະນິມິດ 5:5

ແລ້ວ​ມີ​ທ່ານ​ຜູ້ໜຶ່ງ​ໃນ​ພວກ​ອາວຸໂສ​ນັ້ນ ບອກ​ຂ້າພະເຈົ້າ​ວ່າ, “ຢ່າ​ຮ້ອງໄຫ້​ເລີຍ ເບິ່ງແມ! ສິງ​ຈາກ​ເຜົ່າ​ຢູດາ ໜໍ່ແໜງ​ແຫ່ງ​ເຊື້ອສາຍ​ຂອງ​ດາວິດ ເປັນ​ຜູ້​ມີ​ໄຊຊະນະ​ແລ້ວ ຈຶ່ງ​ສາມາດ​ແກະ​ຕາປະທັບ​ທັງ​ເຈັດ ແລະ​ມາຍ​ໜັງສື​ມ້ວນ​ນັ້ນ​ອອກ​ໄດ້.”

ພວກ^ຜູ້ປົກຄອງ 1:2

ພຣະເຈົ້າຢາເວ​ຕອບ​ວ່າ, “ຈົ່ງ​ໃຫ້​ເຜົ່າຢູດາ​ໄປ​ກ່ອນ ເພາະ​ເຮົາ​ຈະ​ໃຫ້​ພວກເຂົາ​ເປັນ​ຜູ້​ຄອບຄອງ​ດິນແດນ​ນັ້ນ.”

1 ຊາມູເອນ 16:1

ພຣະເຈົ້າຢາເວ​ໄດ້​ກ່າວ​ຕໍ່​ຊາມູເອນ​ວ່າ, “ເຈົ້າ​ຍັງ​ຈະ​ໂສກເສົ້າ​ເສຍໃຈ​ນຳ​ໂຊນ​ອີກ​ດົນ​ປານໃດ? ເຮົາ​ໄດ້​ປົດ​ລາວ​ອອກ​ຈາກ​ຕຳແໜ່ງ​ກະສັດ​ແລ້ວ, ແຕ່​ບັດນີ້ ຈົ່ງ​ຖື​ນໍ້າມັນ​ສັກສິດ​ໄປ​ທີ່​ເມືອງ​ເບັດເລເຮັມ ແລະ​ຫາ​ຊາຍ​ຄົນ​ໜຶ່ງ​ທີ່​ຊື່​ວ່າ ເຢຊີ ເພາະ​ເຮົາ​ໄດ້​ເລືອກ​ເອົາ​ລູກຊາຍ​ຂອງ​ລາວ​ຄົນ​ໜຶ່ງ​ໃຫ້​ເປັນ​ກະສັດ.”

1 ຊາມູເອນ 16:10

ເຢຊີ​ໄດ້​ນຳ​ລູກຊາຍ​ທັງ​ເຈັດ​ຄົນ​ຂອງຕົນ​ມາ​ຫາ ຊາມູເອນ​ໂດຍ​ວິທີ​ນີ້, ແຕ່​ຊາມູເອນ​ໄດ້​ກ່າວ​ແກ່​ເຢຊີ​ວ່າ, “ບໍ່ແມ່ນ ພຣະເຈົ້າຢາເວ​ບໍ່ໄດ້​ເລືອກ​ເອົາ​ຜູ້ໃດ​ຈັກ​ຄົນ​ໃນ​ຄົນ​ເຫຼົ່ານີ້.”

1 ຊາມູເອນ 16:12

ດັ່ງນັ້ນ ເຢຊີ​ຈຶ່ງ​ໄດ້ສົ່ງ​ຄົນ​ໄປ​ນຳ​ເອົາ​ດາວິດ. ລາວ​ເປັນ​ຄົນ​ຜິວ​ສົດໃສ, ເປັນ​ຊາຍໜຸ່ມ​ທີ່​ມີ​ສຸຂະພາບ​ດີ ແລະ​ຕາ​ກໍ​ເປັນ​ແວວ​ແຈ່ມໃສ​ງາມດີ. ພຣະເຈົ້າຢາເວ​ກ່າວ​ວ່າ, “ແມ່ນ​ຄົນ​ນີ້​ແຫຼະ ຈົ່ງ​ເອົາ​ນໍ້າມັນ​ສັກສິດ​ຫົດສົງ​ລາວ.”