1 ຂ່າວຄາວ 5:1 - ພຣະຄຳພີສັກສິ

¹ ບຸກຄົນ​ເຫຼົ່ານີ້​ແມ່ນ​ເຊື້ອສາຍ​ຂອງ​ຣູເບັນ​ຜູ້​ເປັນ​ລູກຊາຍກົກ​ຂອງ​ຢາໂຄບ. (ຍ້ອນ​ຣູເບັນ​ໄດ້​ລັກ​ນອນ​ນຳ​ເມຍນ້ອຍ​ຄົນ​ໜຶ່ງ​ຂອງ​ພໍ່​ຕົນ ລາວ​ຈຶ່ງ​ໄດ້​ສູນເສຍ​ສິດ​ການ​ເປັນ​ອ້າຍ​ກົກ ແລະ​ສິດ​ນັ້ນ​ໄດ້​ຖືກ​ມອບໝາຍ​ໃຫ້​ແກ່​ໂຢເຊັບ.

1 ຂ່າວຄາວ 5:1 Jak'a apnaqawi uñst'ayäwi

ປະຖົມມະການ 25:23

ພຣະເຈົ້າຢາເວ​ຕອບ​ນາງ​ວ່າ, “ມີ​ສອງ​ຊົນຊາດ​ທີ່​ຢູ່​ພາຍ​ໃນ​ເຈົ້າ; ເປັນ​ສອງ​ຊົນເຜົ່າ​ທີ່​ຈະ​ເກີດ​ມາ​ຕໍ່ສູ້​ກັນ. ສ່ວນ​ຜູ້ໜຶ່ງ​ນັ້ນ​ຈະ​ແຂງແຮງ​ລື່ນ​ກວ່າ; ຜູ້​ອ້າຍ​ຈະ​ຮັບໃຊ້​ຜູ້​ເປັນ​ນ້ອງ​ຂອງຕົນ.”

ປະຖົມມະການ 25:31

ຢາໂຄບ​ຕອບ​ວ່າ, “ຂ້ອຍ​ຈະ​ໃຫ້​ກິນ ຖ້າ​ເຈົ້າ​ຂາຍ​ສິດ​ອ້າຍກົກ​ໃຫ້​ຂ້ອຍ.”

ປະຖົມມະການ 29:32

ນາງ​ເລອາ​ໄດ້​ຕັ້ງ​ທ້ອງ​ແລະ​ເກີດ​ລູກຊາຍ​ຜູ້ໜຶ່ງ. ນາງ​ເວົ້າ​ວ່າ, “ພຣະເຈົ້າຢາເວ​ໄດ້​ເຫັນ​ຄວາມ​ທຸກ​ລຳບາກ​ໃຈ​ຂອງຂ້ອຍ ແລະ​ບັດນີ້ ຜົວ​ຄົງ​ຈະ​ຮັກ​ຂ້ອຍ.” ດັ່ງນັ້ນ ນາງ​ຈຶ່ງ​ຕັ້ງ​ຊື່​ໃຫ້​ເດັກ​ນັ້ນ​ວ່າ ຣູເບັນ.

ປະຖົມມະການ 35:22

ເມື່ອ​ຢາໂຄບ​ໄດ້​ອາໄສ​ຢູ່​ໃນ​ດິນແດນ​ນັ້ນ ຣູເບັນ​ໄດ້​ລັກ​ນອນ​ນຳ​ນາງ​ບິນຮາ ເມຍນ້ອຍ​ຄົນ​ໜຶ່ງ​ຂອງ​ພໍ່​ຕົນ; ເມື່ອ​ຢາໂຄບ​ຮູ້​ເລື່ອງ​ນີ້ ເພິ່ນ​ກໍ​ຮ້າຍ​ຫຼາຍ. ຢາໂຄບ​ມີ​ລູກຊາຍ​ສິບສອງ​ຄົນ.

ປະຖົມມະການ 46:8

ເຊື້ອສາຍ​ຂອງ​ຢາໂຄບ​ທີ່​ໄປ​ປະເທດ​ເອຢິບ​ກັບ​ເພິ່ນ​ມີ​ຣູເບັນ​ລູກຊາຍ​ກົກ​ຂອງ​ເພິ່ນ

ປະຖົມມະການ 48:5

ຢາໂຄບ​ກ່າວ​ຕໍ່ໄປ​ວ່າ, “ໂຢເຊັບ​ເອີຍ ລູກຊາຍ​ຂອງ​ເຈົ້າ​ສອງ​ຄົນ​ທີ່​ໄດ້​ເກີດ​ຢູ່​ໃນ​ປະເທດ​ເອຢິບ ກ່ອນ​ພໍ່​ມາ​ຢູ່​ນີ້​ເປັນ​ລູກ​ຂອງ​ພໍ່. ເອຟຣາອິມ​ແລະ​ມານາເຊ​ກໍ​ເທົ່າໆ​ກັບ​ຣູເບັນ​ແລະ​ຊີເມໂອນ.

1 ຂ່າວຄາວ 2:1

ຢາໂຄບ​ມີ​ລູກຊາຍ​ສິບສອງ​ຄົນ ດັ່ງນີ້: ຣູເບັນ, ຊີເມໂອນ, ເລວີ, ຢູດາ, ອິດຊາຄາ, ເຊບູໂລນ,

1 ຂ່າວຄາວ 26:10

ໂຮສາ ຈາກ​ຕະກຸນ​ເມຣາຣີ ມີ​ລູກຊາຍ​ສີ່​ຄົນ​ດັ່ງນີ້: ຊີມຣີ (ພໍ່​ຂອງ​ລາວ​ໄດ້​ຕັ້ງ​ລາວ​ໃຫ້​ເປັນ​ຫົວໜ້າ ເຖິງ​ແມ່ນ​ວ່າ​ບໍ່ແມ່ນ​ອ້າຍກົກ​ກໍຕາມ),

ອົບພະຍົບ 6:14

ຣູເບັນ​ຜູ້​ເປັນ​ລູກຊາຍກົກ​ຂອງ​ຢາໂຄບ​ມີ​ລູກຊາຍ​ສີ່​ຄົນ ດັ່ງນີ້: ຮານົກ, ປານລູ, ເຮຊະໂຣນ ແລະ​ການໝີ; ພວກເຂົາ​ໄດ້​ເປັນ​ບັນພະບຸລຸດ​ຂອງ​ເຜົ່າ​ຕ່າງໆ ທີ່​ໄດ້​ໃສ່​ຊື່​ຂອງ​ພວກເຂົາ.

ລະບຽບ^ພວກເລວີ 18:8

ຢ່າ​ເຮັດ​ໃຫ້​ພໍ່​ຂອງຕົນ​ຕ້ອງ​ອັບອາຍຂາຍໜ້າ ໂດຍ​ສົມສູ່​ກັບ​ເມຍ​ຄົນອື່ນໆ​ຂອງ​ເພິ່ນ.

ລະບຽບ^ພວກເລວີ 20:11

ຊາຍ​ຄົນ​ໜຶ່ງ​ທີ່​ສົມສູ່​ກັບ​ເມຍນ້ອຍ​ຄົນ​ໜຶ່ງ​ຂອງ​ພໍ່​ຕົນ ກໍ​ເຮັດ​ໃຫ້​ພໍ່​ຕົນ​ໄດ້​ຮັບ​ຄວາມ​ເສື່ອມເສຍ ແລະ​ອັບອາຍຂາຍໜ້າ; ຊາຍ​ຍິງ​ທັງສອງ​ຄົນ​ນັ້ນ​ຈະ​ຕ້ອງ​ຖືກ​ໂທດ​ເຖິງ​ຕາຍ. ພວກເຂົາ​ຮັບຜິດຊອບ​ຕໍ່​ການ​ຕາຍ​ຂອງ​ພວກເຂົາ​ເອງ.

ຈົດບັນຊີ 1:5

ຕໍ່ໄປນີ້​ແມ່ນ​ລາຍຊື່​ບຸກຄົນ ຄື​ບັນດາ​ຜູ້ນຳ​ຢູ່​ໃນ​ເຜົ່າ​ຂອງ​ພວກເຂົາ ຜູ້​ທີ່​ໄດ້​ຖືກ​ຄັດເລືອກ​ຈາກ​ຊຸມຊົນ ໃຫ້​ຊ່ວຍເຫລືອ​ໃນ​ວຽກງານ​ການ​ຈົດ​ຈຳນວນພົນ​ໃນ​ຄັ້ງ​ນີ້: ຊື່​ເຜົ່າ ຜູ້​ທີ່​ເປັນ​ຫົວໜ້າ​ຕະກຸນ ຣູເບັນ ເອລີຊູ ລູກຊາຍ​ຂອງ​ເຊເດອູເຣ ຊີເມໂອນ ເຊລູມີເອນ ລູກຊາຍ​ຂອງ​ຊູຣິດຊັດດາຍ ຢູດາ ນາໂຊນ ລູກຊາຍ​ຂອງ​ອຳມີນາດາບ ອິດຊາຄາ ເນທາເນນ ລູກຊາຍ​ຂອງ​ຊູອາ ເຊບູໂລນ ເອລີອາບ ລູກຊາຍ​ຂອງ​ເຮໂລນ ເອຟຣາອິມ ເອລີຊາມາ ລູກຊາຍ​ຂອງ​ອາມມີຮຸດ ມານາເຊ ກາມາລີເອນ ລູກຊາຍ​ຂອງ​ເປດາຊູ ເບັນຢາມິນ ອາບີດານ ລູກຊາຍ​ຂອງ​ກີເດໂອນີ ດານ ອາຮີເອເຊ ລູກຊາຍ​ຂອງ​ອຳມີຊັດດາຍ ອາເຊ ປາກີເອນ ລູກຊາຍ​ຂອງ​ອົກກະຣັນ ກາດ ເອລີອາສັບ ລູກຊາຍ​ຂອງ​ດູເອນ ເນັບທາລີ ອາຮີຣາ ລູກຊາຍ​ຂອງ​ເອນັນ

ຈົດບັນຊີ 16:1

ໂກຣາ ລູກຊາຍ​ຂອງ​ອີຊະຮາ ຊາວ​ເລວີ​ຢູ່​ໃນ​ຕະກຸນ​ໂກຮາດ ກໍ​ໄດ້​ຍົກຍໍ​ຕົວຂຶ້ນ​ກະບົດ​ຕໍ່​ໂມເຊ. ສະມາຊິກ​ໃນ​ເຜົ່າ​ຣູເບັນ​ສາມ​ຄົນ​ຄື: ດາທານ, ອາບີຣາມ ລູກຊາຍ​ຂອງ​ເອລີອາບ ແລະ​ອອນ​ລູກຊາຍ​ຂອງ​ເປເລັດ

ຈົດບັນຊີ 26:5

ເຜົ່າ​ຣູເບັນ (ຣູເບັນ​ເປັນ​ລູກຊາຍກົກ​ຂອງ​ຢາໂຄບ) ປະກອບ​ດ້ວຍ​ຕະກຸນ​ຂອງ​ຮານົກ, ປານລູ,

1 ໂກຣິນໂທ 5:1

ມີ​ຂ່າວ​ເລົ່າລື​ກັນ​ທົ່ວ​ໄປ​ວ່າ ໃນ​ທ່າມກາງ​ພວກເຈົ້າ​ນັ້ນ, ມີ​ການ​ຜິດ​ຊາຍຍິງ​ອັນ​ໜັກໜ່ວງ​ຫລາຍ ແມ່ນແຕ່​ໃນ​ພວກ​ຕ່າງຊາດ ກໍ​ບໍ່ເຄີຍ​ມີ​ເລີຍ ຄື​ມີ​ຊາຍ​ຄົນ​ໜຶ່ງ​ໄດ້​ເອົາ​ແມ່ນ້າ​ຂອງຕົນ​ມາ​ເປັນ​ເມຍ

ພຣະບັນຍັດສອງ 21:17

ລາວ​ຕ້ອງ​ແບ່ງ​ມໍຣະດົກ​ສອງ​ເທົ່າ​ໃຫ້​ລູກຊາຍ​ຄົນ​ກົກ ເຖິງ​ແມ່ນ​ວ່າ​ລາວ​ບໍ່ແມ່ນ​ລູກຊາຍ​ຂອງ​ເມຍ​ທີ່​ຕົນ​ຮັກ​ກໍຕາມ. ຊາຍ​ຜູ້ໜຶ່ງ​ຕ້ອງ​ຮັບ​ຮູ້​ສິດທິ​ຂອງ​ລູກຊາຍກົກ​ຂອງຕົນ ແລະ​ແບ່ງ​ມໍຣະດົກ​ທີ່​ຖືກ​ຕາມ​ກົດໝາຍ​ທີ່​ລາວ​ສົມຄວນ​ຈະ​ໄດ້​ຮັບ​ໃຫ້​ແກ່​ລາວ.”

ພຣະບັນຍັດສອງ 27:20

‘ຄຳສາບແຊ່ງ​ເປັນ​ຂອງ​ຜູ້ໃດ​ຜູ້ໜຶ່ງ ທີ່​ເຮັດ​ໃຫ້​ພໍ່​ຂອງຕົນ​ຕ້ອງ​ອັບອາຍ​ຂາຍໜ້າ ໂດຍ​ສົມສູ່​ກັບ​ເມຍ​ຄົນ​ໃດ​ຄົນ​ໜຶ່ງ​ຂອງ​ເພິ່ນ.’ ແລະ​ປະຊາຊົນ​ທັງໝົດ​ຈະ​ພ້ອມ​ກັນ​ຕອບ​ວ່າ, ‘ອາແມນ.’

ພຣະບັນຍັດສອງ 33:17

ໂຢເຊັບ​ມີ​ກຳລັງ​ກ້າ​ຄື​ງົວກະທີງ​ເຖິກ​ໂຕໜຶ່ງ ຈຶ່ງ​ເກັ່ງກ້າ​ຕໍ່ສູ້ ເພາະ​ຮູ້​ວ່າ​ຕົນ​ມີ​ເຂົາ​ຕ້ານທານ; ເຂົາ​ຂອງ​ລາວ​ນັ້ນ​ມີ​ມານາເຊ​ຫລາຍ​ພັນ​ຄົນ​ຊ່ວຍ ແລະ​ຂອງ​ເອຟຣາອິມ​ເປັນ​ໝື່ນໆ​ຊຶ່ງ​ເປັນ​ກຳລັງ. ດ້ວຍ​ກຳລັງ​ເຫຼົ່ານັ້ນ​ລາວ​ຈຶ່ງ​ໄລ່​ຫລາຍ​ຊົນຊາດ​ໜີ ແລະ​ດັນ​ພວກເຂົາ​ອອກ​ໄປ​ຈົນ​ສຸດ​ແຜ່ນດິນ​ໂລກ.”

ໂກໂລຊາຍ 1:15

ພຣະອົງ​ຊົງ​ເປັນ​ແບບ​ລັກສະນະ​ຂອງ​ພຣະເຈົ້າ​ຜູ້ ຊຶ່ງ​ຕາ​ເຫັນ​ບໍ່ໄດ້ ຊົງ​ເປັນ​ບຸດ​ກົກ​ເໜືອ​ສາລະພັດ​ທີ່​ຊົງ​ເນຣະມິດ​ສ້າງ​ຂຶ້ນ​ນັ້ນ.

ໂຢຊວຍ 14:6

ມື້ໜຶ່ງ ມີ​ບາງຄົນ​ຈາກ​ເຜົ່າ​ຢູດາ​ໄດ້​ມາ​ຫາ​ໂຢຊວຍ​ທີ່​ເມືອງ​ກິນການ. ກາເລັບ ລູກຊາຍ​ຂອງ​ເຢຟຸນເນ​ຊາວ​ເກນິດ ແມ່ນ​ຜູ້ໜຶ່ງ​ໃນ​ຈຳນວນ​ພວກ​ນີ້. ລາວ​ໄດ້​ກ່າວ​ແກ່​ໂຢຊວຍ​ວ່າ, “ທ່ານ​ກໍ​ຮູ້​ເຖິງ​ເລື່ອງ​ທີ່​ພຣະເຈົ້າຢາເວ​ໄດ້​ກ່າວ​ທີ່​ກາເດັດ​ບາກເນອາ ເລື່ອງ​ຂອງທ່ານ​ແລະ​ຂ້າພະເຈົ້າ​ແກ່​ໂມເຊ​ຄົນ​ຂອງ​ພຣະເຈົ້າ.