1 ຂ່າວຄາວ 27:1 - ພຣະຄຳພີສັກສິ1 ຕໍ່ໄປນີ້ແມ່ນລາຍຊື່ຂອງບັນດາຫົວໜ້າຄອບຄົວ ແລະບັນດາຫົວໜ້າຕະກຸນ ພ້ອມທັງບັນດາເຈົ້າໜ້າທີ່ອິດສະຣາເອນ ທີ່ໄດ້ບໍລິຫານວຽກງານຂອງຣາຊອານາຈັກ. ທຸກໆເດືອນໃນແຕ່ລະປີໃດ ໄດ້ມີໝວດຕ່າງໆຊາວສີ່ພັນຄົນ ປະຕິບັດໜ້າທີ່ພາຍໃຕ້ຜູ້ບັນຊາການປະຈຳເດືອນນັ້ນໆ. Uka jalj uñjjattʼäta |
1 ຂ່າວຄາວ 27:1
18 Jak'a apnaqawi uñst'ayäwi
ກະສັດດາວິດໄດ້ເລືອກເອົາບັນດາຫົວໜ້າຄອບຄົວທີ່ເກັ່ງກ້າຈາກພີ່ນ້ອງຂອງເຢຣິຢາ ສອງພັນເຈັດຮ້ອຍຄົນ ເພື່ອໃຫ້ເຮັດໜ້າທີ່ບໍລິຫານທາງດ້ານກິດຈະການຂອງພຣະເຈົ້າ ແລະດ້ານພົນລະເຮືອນທ່າມກາງຊາວອິດສະຣາເອນທີ່ທາງຝັ່ງຕາເວັນອອກຂອງແມ່ນໍ້າຈໍແດນ ເຊັ່ນ: ໃນເຂດແດນຕ່າງໆຂອງຣູເບັນ, ກາດ ແລະມານາເຊເຄິ່ງເຜົ່າຕາເວັນອອກ.
ລາຍຊື່ດັ່ງຕໍ່ລົງໄປນີ້ແມ່ນບັນດາຜູ້ບັນຊາການຂອງແຕ່ລະເດືອນ ມີດັ່ງນີ້: ເດືອນທີໜຶ່ງ: ຢາໂຊເບອາມ ລູກຊາຍຂອງຊັບດີເອນ (ລາວເປັນສະມາຊິກຂອງຕະກຸນເປເຣັດ ຊຶ່ງເປັນສ່ວນໜຶ່ງຂອງເຜົ່າຢູດາ) ເດືອນທີສອງ: ໂດດາຍ ເຊື້ອສາຍຄົນໜຶ່ງຂອງອາໂຮ (ມິກໂລດເປັນຜູ້ຮອງ) ເດືອນທີສາມ: ເບນາອີຢາ ລູກຊາຍຂອງປະໂຣຫິດເຢໂຮຍອາດາ; ລາວໄດ້ເປັນຫົວໜ້າຂອງ “ທະຫານເອກສາມສິບຄົນ” (ອຳມີຊາບັດ ຜູ້ເປັນລູກຊາຍຂອງເບນາອີຢາ ໄດ້ຂຶ້ນເປັນຜູ້ບັນຊາການຂອງໝວດນີ້ແທນພໍ່ຂອງຕົນ) ເດືອນທີສີ່: ອາສາເຮນ ນ້ອງຊາຍຂອງໂຢອາບ (ເຊບາດີຢາຜູ້ເປັນລູກຊາຍໄດ້ຂຶ້ນແທນລາວ) ເດືອນທີຫ້າ: ຊາມຮູດ ເຊື້ອສາຍຜູ້ໜຶ່ງຂອງອີຊະຣາ ເດືອນທີຫົກ: ອີຣາ ລູກຊາຍຂອງອິກເກັດ ຊາວເມືອງເຕກົວ ເດືອນທີເຈັດ: ເຮເລດ ຊາວເອຟຣາອິມ ຈາກເມືອງເປໂລນ ເດືອນທີແປດ: ສິບເບກາຍ ຊາວຮູຊາ (ລາວເປັນສະມາຊິກຄົນໜຶ່ງໃນຕະກຸນເຊຣາ ຊຶ່ງເປັນສ່ວນໜຶ່ງຂອງເຜົ່າຢູດາ) ເດືອນທີເກົ້າ: ອາບີເອເຊ ຊາວເມືອງອານາທົດໃນເຂດແດນຂອງເຜົ່າເບັນຢາມິນ ເດືອນທີສິບ: ມະຫາໄຣ ຊາວເມືອງເນໂຕຟາ ລາວເປັນສະມາຊິກຄົນໜຶ່ງຂອງຕະກຸນເຊຣາ ເດືອນທີສິບເອັດ: ເບນາອີຢາ ຊາວເມືອງປີຣາໂທນໃນເຂດແດນຂອງເຜົ່າເອຟຣາອິມ ເດືອນທີສິບສອງ: ເຮນດາອີ ຊາວເມືອງເນໂຕຟາ (ລາວເປັນເຊື້ອສາຍຜູ້ໜຶ່ງຂອງໂອດນີເອນ)
ກະສັດໄດ້ສັ່ງບັນດາຂ້າຣາຊການທັງໝົດໃນຊາດອິດສະຣາເອນ ໃຫ້ມາປະຊຸມກັນທີ່ນະຄອນເຢຣູຊາເລັມ. ດັ່ງນັ້ນ ຂ້າຣາຊການທັງໝົດຂອງເຜົ່າຕ່າງໆ, ບັນດາຂ້າຣາຊການຜູ້ທີ່ໄດ້ບໍລິຫານວຽກການຂອງອານາຈັກ ບັນດາຜູ້ນຳຂອງຕະກຸນຕ່າງໆ, ບັນດາເຈົ້າໜ້າທີ່ຜູ້ເບິ່ງແຍງຊັບສົມບັດ ແລະສັດຂອງກະສັດ ແລະຂອງບັນດາລູກຊາຍຂອງເພິ່ນ ຕະຫລອດທັງບັນດາຂ້າຣາຊການໃນວັງ, ພວກທະຫານທີ່ເກັ່ງກ້າ, ພວກນັກຮຽນຮູ້ ແລະບັນດາຜູ້ອາວຸໂສ ກໍໄດ້ມາເຕົ້າໂຮມກັນຢູ່ທີ່ນະຄອນເຢຣູຊາເລັມ.
ດັ່ງນັ້ນ ເພື່ອນຳພາພວກເຈົ້າ ຂ້າພະເຈົ້າຈຶ່ງໄດ້ແຕ່ງຕັ້ງບັນດາຜູ້ນຳ ທີ່ສະຫລຽວສະຫລາດແລະມີປະສົບການ ທີ່ພວກເຈົ້າໄດ້ເລືອກມາຈາກແຕ່ລະເຜົ່າຂອງພວກເຈົ້າ ແລະຂ້າພະເຈົ້າໄດ້ໃຫ້ພວກເຂົາເບິ່ງແຍງພວກເຈົ້າ. ຂ້າພະເຈົ້າໄດ້ໃຫ້ບາງຄົນຮັບຜິດຊອບພັນຄົນ, ບາງຄົນຮັບຜິດຊອບຮ້ອຍຄົນ, ບາງຄົນຮັບຜິດຊອບຫ້າສິບຄົນ ແລະບາງຄົນຮັບຜິດຊອບສິບຄົນ. ນອກຈາກນີ້ ຂ້າພະເຈົ້າໄດ້ແຕ່ງຕັ້ງເຈົ້າໜ້າທີ່ອື່ນໆຕາມເຜົ່າຕ່າງໆອີກດ້ວຍ.
Anuncios ukanaka