1 ຂ່າວຄາວ 26:13 - ພຣະຄຳພີສັກສິ

¹³ ແຕ່ລະ​ຄອບຄົວ​ຈະ​ໃຊ້​ສະຫລາກ​ເອົາ ວ່າ​ຕົນ​ຈະ​ຮັບຜິດຊອບ​ປະຕູ​ດ້ານ​ໃດ ໂດຍ​ບໍ່ຄຳນືງ​ເຖິງ​ວ່າ​ຄອບຄົວ​ມີ​ຄົນ​ຫລາຍ ຫລື​ຄົນໜ້ອຍ.

1 ຂ່າວຄາວ 26:13 Jak'a apnaqawi uñst'ayäwi

1 ຂ່າວຄາວ 24:31

ຫົວໜ້າ​ຂອງ​ແຕ່ລະ​ຄອບຄົວ ແລະ​ນ້ອງຊາຍ​ຂອງ​ພວກເຂົາ​ກໍ​ເໝືອນກັນ ໄດ້​ໃຊ້​ສະຫລາກ​ເລືອກ​ເອົາ​ໜ້າທີ່ ຊຶ່ງ​ໄດ້​ຖືກ​ມອບໝາຍ​ໃຫ້ ເໝືອນກັນ​ກັບ​ຍາດຕິພີ່ນ້ອງ​ຂອງ​ພວກເຂົາ​ຄື​ບັນດາ​ປະໂຣຫິດ ທີ່​ສືບ​ເຊື້ອສາຍ​ມາ​ຈາກ​ອາໂຣນ​ໄດ້​ປະຕິບັດ​ຕໍ່ໜ້າ​ກະສັດ​ດາວິດ, ຊາດົກ, ອາຮີເມເຫຼັກ ແລະ​ບັນດາ​ຫົວໜ້າ​ຄອບຄົວ​ຂອງ​ປະໂຣຫິດ​ແລະ​ຂອງ​ຊາວ​ເລວີ ຕ່າງ​ກໍໄດ້​ຮູ້​ເຫັນ​ເປັນ​ພະຍານ​ນຳ.

1 ຂ່າວຄາວ 24:5

ໃນ​ເມື່ອ​ທັງ​ເຊື້ອສາຍ​ຂອງ​ເອເລອາຊາ ແລະ​ອີທາມາ ມີ​ເຈົ້າໜ້າທີ່​ໃນ​ພຣະວິຫານ ແລະ​ຜູ້ນຳ​ທາງ​ດ້ານ​ຈິດວິນຍານ​ໃນ​ທ່າມກາງ​ພວກເຂົາ. ດັ່ງນັ້ນ ການ​ມອບໝາຍ​ໜ້າທີ່​ຈຶ່ງ​ໃຊ້​ສະຫລາກ.

1 ຂ່າວຄາວ 25:8

ພວກເຂົາ​ໃຊ້​ສະຫລາກ ບໍ່​ວ່າ​ສຳລັບ​ຜູ້ໜຸ່ມ​ຫລື​ຜູ້ແກ່ ບໍ່​ວ່າ​ສຳລັບ​ຜູ້​ທີ່​ຊຳນານ​ຫລື​ເລີ່ມຕົ້ນ​ໃໝ່​ກໍຕາມ ເພື່ອ​ຮັບ​ໜ້າທີ່​ມອບໝາຍ.

1 ຂ່າວຄາວ 26:12

ຄົນ​ເຝົ້າຍາມ​ໃນ​ວິຫານ​ຂອງ​ພຣະເຈົ້າຢາເວ​ໄດ້​ຖືກ​ແບ່ງ​ອອກ​ເປັນ​ໝວດ​ຕາມ​ຄອບຄົວ ແລະ​ພວກເຂົາ​ໄດ້​ຖືກ​ມອບໝາຍ​ໜ້າທີ່​ໃນ​ພຣະວິຫານ​ດັ່ງ​ຄົນເລວີ​ອື່ນໆ.

1 ຂ່າວຄາວ 26:14

ເຊເລມີຢາ ຮັບ​ສະຫລາກ​ຖືກ​ປະຕູ​ດ້ານ​ຕາເວັນອອກ ແລະ​ເຊກາຣີຢາ​ລູກຊາຍ​ຂອງ​ເພິ່ນ ຜູ້​ໃຫ້​ຄຳ​ປຶກສາ​ທີ່​ດີ​ຕະຫລອດ​ມາ ກໍໄດ້​ຮັບ​ສະຫລາກ​ຖືກ​ປະຕູ​ດ້ານ​ເໜືອ.