1 ຂ່າວຄາວ 24:6 - ພຣະຄຳພີສັກສິ

⁶ ເຊື້ອສາຍ​ຂອງ​ເອເລອາຊາ ແລະ​ຂອງ​ອີທາມາ​ໄດ້​ປ່ຽນຜຽນກັນ​ໃຊ້​ສະຫລາກ. ແລ້ວ​ພວກເຂົາ​ກໍ​ໄປ​ຈົດ​ຊື່​ນຳ​ເຊມາອີຢາ​ລູກຊາຍ​ຂອງ​ເນທາເນນ​ຜູ້​ເປັນ​ເລຂາທິການ​ຂອງ​ຊາວ​ເລວີ. ກະສັດ, ບັນດາ​ຂ້າຣາຊການ, ປະໂຣຫິດ​ຊາດົກ, ອາຮີເມເຫຼັກ​ຜູ້​ເປັນ​ລູກຊາຍ​ຂອງ​ອາບີອາທາ ແລະ​ບັນດາ​ຫົວໜ້າ​ຄອບຄົວ​ຂອງ​ປະໂຣຫິດ ແລະ​ຂອງ​ຊາວ​ເລວີ ທັງໝົດ​ຕ່າງ​ກໍ​ຮູ້​ເຫັນ​ເປັນ​ພະຍານ​ນຳ.

1 ຂ່າວຄາວ 24:6 Jak'a apnaqawi uñst'ayäwi

1 ກະສັດ 4:3

ເອລີໂຮເຣັບ​ແລະ​ອາຮີຢາ ລູກຊາຍ​ຂອງ​ຊີຊາ​ເປັນ​ເລຂາທິການ​ປະຈຳ​ຣາຊວັງ. ເຢໂຮຊາຟັດ ລູກຊາຍ​ຂອງ​ອາຮີລຸດ​ເປັນ​ຜູ້​ບັນທຶກ.

1 ຂ່າວຄາວ 18:16

ຊາດົກ​ລູກຊາຍ​ຂອງ​ອາຮີຕຸບ ແລະ​ອາຮີເມເຫຼັກ​ລູກຊາຍ​ຂອງ​ອາບີອາທາ ທັງສອງ​ຄົນ​ເປັນ​ປະໂຣຫິດ; ເສຣາອີຢາ ເປັນ​ເລຂາທິການ​ປະຈຳ​ຣາຊສຳນັກ;

1 ຂ່າວຄາວ 23:24

ຄົນ​ເຫຼົ່ານີ້​ເປັນ​ເຊື້ອສາຍ​ຂອງ​ເລວີ​ຕາມ​ຕະກຸນ ແລະ​ຄອບຄົວ​ທີ່​ທຸກຄົນ​ໄດ້​ຖືກ​ຈົດ​ຊື່​ໄວ້​ໃນ​ບັນຊີ​ຂອງ​ໃຜ​ລາວ. ແຕ່ລະຄົນ​ໃນ​ເຊື້ອສາຍ​ຂອງ​ລາວ​ທີ່​ມີ​ອາຍຸ​ຕັ້ງແຕ່​ຊາວ​ປີ​ຂຶ້ນ​ໄປ ກໍ​ມີ​ສ່ວນ​ໃນ​ວຽກງານ​ຮັບໃຊ້​ຢູ່​ໃນ​ວິຫານ​ຂອງ​ພຣະເຈົ້າຢາເວ.

1 ຂ່າວຄາວ 24:31

ຫົວໜ້າ​ຂອງ​ແຕ່ລະ​ຄອບຄົວ ແລະ​ນ້ອງຊາຍ​ຂອງ​ພວກເຂົາ​ກໍ​ເໝືອນກັນ ໄດ້​ໃຊ້​ສະຫລາກ​ເລືອກ​ເອົາ​ໜ້າທີ່ ຊຶ່ງ​ໄດ້​ຖືກ​ມອບໝາຍ​ໃຫ້ ເໝືອນກັນ​ກັບ​ຍາດຕິພີ່ນ້ອງ​ຂອງ​ພວກເຂົາ​ຄື​ບັນດາ​ປະໂຣຫິດ ທີ່​ສືບ​ເຊື້ອສາຍ​ມາ​ຈາກ​ອາໂຣນ​ໄດ້​ປະຕິບັດ​ຕໍ່ໜ້າ​ກະສັດ​ດາວິດ, ຊາດົກ, ອາຮີເມເຫຼັກ ແລະ​ບັນດາ​ຫົວໜ້າ​ຄອບຄົວ​ຂອງ​ປະໂຣຫິດ​ແລະ​ຂອງ​ຊາວ​ເລວີ ຕ່າງ​ກໍໄດ້​ຮູ້​ເຫັນ​ເປັນ​ພະຍານ​ນຳ.

1 ຂ່າວຄາວ 24:7

ຕໍ່ໄປ ແມ່ນ​ຊາວສີ່​ຄອບຄົວ​ທີ່​ໄດ້​ຖືກ​ມອບໝາຍ​ໜ້າທີ່​ໃຫ້​ຮັບຜິດຊອບ​ເປັນ​ລຳດັບ ດັ່ງນີ້: ທີໜຶ່ງ​ເຢໂຮຍອາຣິບ; ທີສອງ​ເຢດາອີຢາ; ທີສາມ​ຮາຣິມ; ທີສີ່​ເສໂອຣິມ; ທີຫ້າ​ມັນກີຢາ; ທີຫົກ​ມີຢາມິນ; ທີເຈັດ​ຮັກກົດ; ທີແປດ​ອາບີຢາ; ທີເກົ້າ​ເຢຊູອາ; ທີສິບ​ເຊການີຢາ; ທີສິບເອັດ​ເອລີອາຊິບ; ທີສິບສອງ​ຢາກິມ; ທີສິບສາມ​ຮຸບປາ; ທີສິບສີ່​ເຢເຊເບອັບ; ທີສິບຫ້າ​ບີນກາ; ທີສິບຫົກ​ອີມເມ; ທີສິບເຈັດ​ເຮຊີຣະ; ທີສິບແປດ​ຮັບປີເຊດ; ທີສິບເກົ້າ​ເປທາຮີຢາ; ທີຊາວ​ເຢເຮຊະເກນ; ທີຊາວເອັດ​ຢາກິນ; ທີຊາວສອງ​ກາມູນ; ທີຊາວສາມ​ເດລາອີຢາ; ທີຊາວສີ່​ມາອາຊີຢາ.

2 ຂ່າວຄາວ 34:13

ຊາວ​ເລວີ​ຄົນອື່ນໆ​ແມ່ນ​ຮັບຜິດຊອບ​ຂົນ​ສົ່ງ​ວັດສະດຸ​ກໍ່ສ້າງ ແລະ​ຄວບຄຸມ​ຄົນງານ​ໃນ​ຂະແໜງ​ວຽກ​ຕ່າງໆ​ທີ່​ພວກເຂົາ​ສັງກັດ​ຢູ່; ສ່ວນ​ຄົນອື່ນ​ນັ້ນ​ເປັນ​ຜູ້​ຮັກສາ​ເອກະສານ​ຫລື​ເຮັດ​ໜ້າທີ່​ເຝົ້າຍາມ.

ເອຊະຣາ 7:6

ເອຊະຣາ​ເປັນ​ຜູ້​ຮອບຮູ້​ດ້ານ​ກົດບັນຍັດ ຊຶ່ງ​ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ​ໄດ້​ມອບ​ໃຫ້​ໂມເຊ. ຍ້ອນ​ເອຊະຣາ​ເປັນ​ຜູ້​ມີ​ພຣະພອນ​ຂອງ​ພຣະເຈົ້າຢາເວ ພຣະເຈົ້າ​ຂອງເພິ່ນ ກະສັດ​ຈຶ່ງ​ໃຫ້​ທຸກສິ່ງ​ຕາມ​ທີ່​ລາວ​ຂໍຮ້ອງ. ໃນ​ຣາຊການ​ປີ​ທີ​ເຈັດ​ຂອງ​ກະສັດ​ອາກຕາເຊເຊັດ ເອຊະຣາ​ໄດ້​ເດີນທາງ​ຈາກ​ບາບີໂລນ​ມາ​ສູ່​ນະຄອນ​ເຢຣູຊາເລັມ ພ້ອມ​ທັງ​ຊາວ​ອິດສະຣາເອນ​ພວກ​ໜຶ່ງ ທີ່​ປະກອບ​ດ້ວຍ​ບັນດາ​ປະໂຣຫິດ​ຊາວ​ເລວີ, ພວກ​ນັກດົນຕຼີ​ປະຈຳ​ວິຫານ, ພວກ​ເຝົ້າຍາມ​ພຣະວິຫານ ແລະ​ພວກ​ຄົນງານ.

ເນເຫມີຢາ 8:1

ເມື່ອ​ເຖິງ​ເດືອນ​ທີ​ເຈັດ ປະຊາຊົນ​ອິດສະຣາເອນ​ກໍໄດ້​ຕັ້ງ​ຖິ່ນຖານ ຢູ່​ຕາມ​ບ້ານເກີດ​ເມືອງນອນ​ຂອງຕົນ​ໝົດ​ທຸກ​ຄົນ. ໃນ​ວັນ​ທີ​ໜຶ່ງ​ຂອງ​ເດືອນ​ນັ້ນ ພວກເຂົາ​ທັງໝົດ​ໄດ້​ມາ​ເຕົ້າໂຮມ​ກັນ​ຢູ່​ທີ່​ນະຄອນ​ເຢຣູຊາເລັມ ຄື​ທີ່​ສີ່ແຍກ​ກາງເມືອງ​ຢູ່​ຕໍ່ໜ້າ​ປະຕູນໍ້າ. ພວກເຂົາ​ຂໍຮ້ອງ​ເອຊະຣາ ຜູ້​ທີ່​ເປັນ​ປະໂຣຫິດ ແລະ​ເປັນ​ນັກຮຽນ​ຮູ້​ດ້ານ​ກົດບັນຍັດ ຊຶ່ງ​ພຣະເຈົ້າຢາເວ​ໄດ້​ມອບ​ໃຫ້​ແກ່​ປະຊາຊົນ​ອິດສະຣາເອນ​ຜ່ານ​ທາງ​ໂມເຊ ນຳ​ໜັງສື​ກົດບັນຍັດ​ອອກ​ມາ.

ມັດທາຍ 13:52

ດັ່ງນັ້ນ ພຣະອົງ​ຈຶ່ງ​ກ່າວ​ແກ່​ພວກເພິ່ນ​ວ່າ, “ດ້ວຍເຫດນັ້ນ​ທຳມະຈານ​ທຸກຄົນ ທີ່​ໄດ້​ຮຽນຮູ້​ເຖິງ​ຣາຊອານາຈັກ​ສະຫວັນ ກໍ​ເໝືອນ​ເຈົ້າ​ຂອງ​ເຮືອນ​ຜູ້ໜຶ່ງ​ທີ່​ເອົາ​ຂອງ​ໃໝ່ ແລະ​ຂອງ​ເກົ່າ​ອອກ​ມາ​ຈາກ​ສາງ​ຂອງຕົນ.”

ມັດທາຍ 8:19

ມີ​ທຳມະຈານ​ຜູ້ໜຶ່ງ​ມາ​ຫາ​ພຣະເຢຊູເຈົ້າ ແລະ​ເວົ້າ​ວ່າ, “ອາຈານ​ເຈົ້າ​ເອີຍ, ທ່ານ​ໄປ​ທີ່​ໃດ​ຂ້ານ້ອຍ​ກໍ​ຈະ​ໄປ​ທີ່​ນັ້ນ​ກັບ​ທ່ານ.”

ມາຣະໂກ 2:26

ໃນ​ສະໄໝ​ນັ້ນ ແມ່ນ​ອາບີອາທາ​ເປັນ​ມະຫາ​ປະໂຣຫິດ ດາວິດ​ໄດ້​ເຂົ້າ​ໄປ​ໃນ​ທີ່​ສະຖິດ​ຂອງ​ພຣະເຈົ້າ ແລະ​ກິນ​ເຂົ້າຈີ່​ທີ່​ໄດ້​ຖວາຍ​ແກ່​ພຣະເຈົ້າ ຊຶ່ງ​ຕາມ​ກົດບັນຍັດ​ແລ້ວ ມີ​ແຕ່​ປະໂຣຫິດ​ເທົ່ານັ້ນ ທີ່​ມີ​ສິດ​ກິນ​ເຂົ້າຈີ່​ນີ້​ໄດ້; ນອກ​ນັ້ນ​ຍັງ​ປັນ​ໃຫ້​ຄົນ​ຂອງຕົນ​ກິນ​ນຳ​ດ້ວຍ.”