1 ຂ່າວຄາວ 23:5 - ພຣະຄຳພີສັກສິ

⁵ ສີ່ພັນ​ຄົນ ໃຫ້​ເຮັດ​ໜ້າທີ່​ເຝົ້າຍາມ​ປະຕູ ແລະ​ອີກ​ສີ່ພັນ​ຄົນ ສຳລັບ​ສັນລະເສີນ​ພຣະເຈົ້າຢາເວ​ໂດຍ​ໃຊ້​ເຄື່ອງ​ດົນຕຼີ ທີ່​ກະສັດ​ດາວິດ​ໄດ້​ຈັດຫາ​ໄວ້​ສຳລັບ​ສັນລະເສີນ​ໂດຍ​ສະເພາະ.

1 ຂ່າວຄາວ 23:5 Jak'a apnaqawi uñst'ayäwi

1 ກະສັດ 10:12

ກະສັດ​ໂຊໂລໂມນ​ໄດ້​ໃຊ້​ໄມ້​ນີ້​ເຮັດ​ຮາວ​ໃນ​ວິຫານ​ຂອງ​ພຣະເຈົ້າຢາເວ ແລະ​ຣາຊວັງ ແລະ​ເຮັດ​ພິນນ້ອຍ ແລະ​ພິນໃຫຍ່​ໃຫ້​ພວກ​ນັກດົນຕຼີ. ໄມ້​ນີ້​ແມ່ນ​ໄມ້​ຈັນ​ຊັ້ນ​ດີທີ່ສຸດ​ທີ່​ສົ່ງ​ເຂົ້າ​ໄປ​ໃນ​ອິດສະຣາເອນ ແລະ​ບໍ່ມີ​ຜູ້ໃດ​ໄດ້​ເຫັນ​ໄມ້​ຈັນ​ຢ່າງ​ນີ້​ອີກ​ເລີຍ.)

2 ກະສັດ 7:10

ສະນັ້ນ ພວກເຂົາ​ຈຶ່ງ​ອອກ​ໄປ​ຈາກ​ຄ້າຍ​ຂອງ​ຊາວ​ຊີເຣຍ ກັບຄືນ​ໄປ​ນະຄອນ​ຊາມາເຣຍ ແລະ​ຮ້ອງ​ບອກ​ທະຫານ​ຍາມ​ປະຕູ​ວ່າ, “ພວກຂ້ອຍ​ໄດ້​ໄປ​ທີ່​ຄ້າຍ​ທະຫານ​ຊີເຣຍ, ແຕ່​ບໍ່​ເຫັນ​ມີ​ໃຜ ແລະ​ບໍ່ໄດ້ຍິນ​ສຽງ​ໃຜ​ເລີຍ ມ້າ​ແລະ​ລໍ​ກໍ​ຍັງ​ຜູກ​ໄວ້​ຢູ່ ແລະ​ຜ້າເຕັນ​ກໍ​ຢູ່​ໃນ​ສະພາບ​ເດີມ.”

1 ຂ່າວຄາວ 16:38

ໂອເບັດເອໂດມ ລູກຊາຍ​ເຢດູທູນ ແລະ​ຫົກສິບແປດ​ຄົນ​ໃນ​ຕະກຸນ​ຂອງ​ລາວ ເປັນ​ຜູ້​ຊ່ວຍ. ໂຮສາ​ແລະ​ໂອເບັດເອໂດມ​ເປັນ​ຜູ້​ເຝົ້າຍາມ​ປະຕູ​ເຂົ້າ.

1 ຂ່າວຄາວ 16:4

ກະສັດ​ດາວິດ​ໄດ້​ແຕ່ງຕັ້ງ​ຊາວ​ເລວີ​ບາງຄົນ​ເປັນ​ຜູ້ນຳ​ໃນ​ການ​ນະມັດສະການ​ຕໍ່ໜ້າ​ຫີບ​ຂອງ​ພຣະເຈົ້າຢາເວ ໂດຍ​ຮ້ອງເພງ​ໂມທະນາ​ຂອບ​ພຣະຄຸນ ແລະ​ສັນລະເສີນ​ພຣະເຈົ້າຢາເວ ພຣະເຈົ້າ​ແຫ່ງ​ຊາດ​ອິດສະຣາເອນ.

1 ຂ່າວຄາວ 23:30

ແລະ​ພວກເຂົາ​ຈະຕ້ອງ​ຢືນ​ຮັບໃຊ້​ເພື່ອ​ໂມທະນາ​ຂອບພຣະຄຸນ​ແລະ​ຍ້ອງຍໍ​ສັນລະເສີນ​ພຣະເຈົ້າຢາເວ​ທຸກໆເຊົ້າ​ແລະ​ທຸກໆແລງ

1 ຂ່າວຄາວ 9:33

ຊາວ​ເລວີ​ບາງ​ຄອບຄົວ​ຮັບຜິດຊອບ​ດົນຕຼີ​ໃນ​ພຣະວິຫານ. ຫົວໜ້າ​ຄອບຄົວ​ເຫຼົ່ານີ້​ໄດ້​ຢູ່​ໃນ​ຕຶກ​ອື່ນໆ​ຂອງ​ພຣະວິຫານ ແລະ​ໄດ້​ຖືກ​ຍົກເວັ້ນ​ຈາກ​ໜ້າທີ່​ອື່ນໆ ຍ້ອນ​ພວກເຂົາ​ຮັບຜິດຊອບ​ເຮັດ​ວຽກ​ທັງເວັນ​ແລະ​ທັງຄືນ.

2 ຂ່າວຄາວ 20:28

ເມື່ອ​ມາ​ຮອດ​ໃນ​ເມືອງ ພວກເຂົາ​ກໍ​ຍ່າງ​ມຸ່ງໜ້າ​ສູ່​ວິຫານ​ຂອງ​ພຣະເຈົ້າຢາເວ ພ້ອມ​ທັງ​ດີດພິນ​ແລະ​ເປົ່າແກ​ດັງ​ກ້ອງສະໜັ່ນ.

2 ຂ່າວຄາວ 34:13

ຊາວ​ເລວີ​ຄົນອື່ນໆ​ແມ່ນ​ຮັບຜິດຊອບ​ຂົນ​ສົ່ງ​ວັດສະດຸ​ກໍ່ສ້າງ ແລະ​ຄວບຄຸມ​ຄົນງານ​ໃນ​ຂະແໜງ​ວຽກ​ຕ່າງໆ​ທີ່​ພວກເຂົາ​ສັງກັດ​ຢູ່; ສ່ວນ​ຄົນອື່ນ​ນັ້ນ​ເປັນ​ຜູ້​ຮັກສາ​ເອກະສານ​ຫລື​ເຮັດ​ໜ້າທີ່​ເຝົ້າຍາມ.

2 ຂ່າວຄາວ 35:15

ຕາມ​ຄຳສັ່ງ​ຂອງ​ກະສັດ​ດາວິດ ນັກດົນຕຼີ​ຊາວ​ເລວີ​ໃນ​ຕະກຸນ​ອາສັບ ຕ່າງ​ກໍ​ເຂົ້າ​ປະຈຳ​ທີ່​ຂອງຕົນ ມີ​ດັ່ງນີ້: ອາສັບ, ເຮມານ ແລະ​ເຢດູທູນ ຜູ້ທຳນວາຍ​ປະຈຳ​ກະສັດ. ຜູ້ເຝົ້າຍາມ​ປະຕູ​ພຣະວິຫານ​ກໍ​ບໍ່ໄດ້​ປະລະ​ໜ້າທີ່​ຂອງຕົນ ເພາະ​ຊາວ​ເລວີ​ຄົນອື່ນໆ​ໄດ້​ຈັດຕຽມ​ປັດສະຄາ​ເພື່ອ​ພວກ​ຕົນ.

2 ຂ່າວຄາວ 8:14

ເພື່ອ​ປະຕິບັດ​ຕາມ​ກົດລະບຽບ​ທີ່​ກະສັດ​ດາວິດ​ພໍ່​ຂອງ​ເພິ່ນ​ໄດ້​ວາງ​ໄວ້ ເພິ່ນ​ໄດ້​ຈັດ​ວຽກ​ປະຈຳວັນ​ໃຫ້​ແກ່​ພວກ​ປະໂຣຫິດ ແລະ​ພວກເລວີ​ທີ່​ເປັນ​ຜູ້​ຊ່ວຍ​ຮ້ອງເພງ​ແລະ​ເຮັດ​ວຽກ​ໃຫ້​ພວກ​ປະໂຣຫິດ. ເພິ່ນ​ຍັງ​ໄດ້​ຈັດຕັ້ງ​ໃຫ້​ມີ​ທະຫານ​ເຝົ້າຍາມ​ພຣະວິຫານ​ເປັນ​ໝວດໆ ເພື່ອ​ເຮັດ​ໜ້າທີ່​ປະຈຳວັນ ຢູ່​ຕາມ​ແຕ່ລະ​ປະຕູ​ເຂົ້າ​ພຣະວິຫານ ຕາມ​ຂໍ້ຄຳສັ່ງ​ຂອງ​ກະສັດ​ດາວິດ​ຄົນ​ຂອງ​ພຣະເຈົ້າ.

ເນເຫມີຢາ 7:73

ບັນດາ​ປະໂຣຫິດ​ຊາວ​ເລວີ, ຄົນເຝົ້າຍາມ​ພຣະວິຫານ, ນັກດົນຕຼີ ແລະ​ຄົນ​ທຳມະດາ​ຫລາຍ​ຄົນ ຄື​ປະຊາຊົນ​ອິດສະຣາເອນ​ທັງໝົດ ໄດ້​ມາ​ຕັ້ງ​ຖິ່ນຖານ​ຢູ່​ຕາມ​ບ້ານ ແລະ​ເມືອງ​ຕ່າງໆ​ຂອງ​ຢູດາຍ.

ເພງ^ສັນລະເສີນ 87:7

ພວກເຂົາ​ຕ່າງ​ກໍ​ຈະ​ຟ້ອນ ແລະ​ຮ້ອງລຳ​ທຳເພງ​ວ່າ, “ບໍ່ເກີດ​ແຫ່ງ​ພຣະພອນ​ທັງສິ້ນ​ກໍ​ຢູ່​ໃນ​ພູເຂົາ​ຊີໂອນ.”

ເອຊາຢາ 64:10

ເມືອງ​ອັນ​ສັກສິດ​ຂອງ​ພຣະອົງ​ກໍ​ເປັນ​ດັ່ງ​ຖິ່ນ​ແຫ້ງແລ້ງ​ກັນດານ; ນະຄອນ​ເຢຣູຊາເລັມ​ຮົກຮ້າງ​ເພພັງ

ອາໂມດ 6:5

ພວກເຈົ້າ​ມັກ​ແຕ່ງ​ເພງ​ດັ່ງ​ດາວິດ​ໄດ້​ແຕ່ງ ແລະ​ມັກ​ດີດ​ກິດຕາ​ບັນເລງ​ເພງ​ນັ້ນ​ໄປ​ພ້ອມ.