1 ຂ່າວຄາວ 23:4 - ພຣະຄຳພີສັກສິ

⁴ ກະສັດ​ມອບໝາຍ​ຊາວສີ່​ພັນ​ຄົນ ໃຫ້​ບໍລິຫານ​ວຽກງານ​ໃນ​ວິຫານ​ຂອງ​ພຣະເຈົ້າຢາເວ; ຫົກພັນ​ຄົນ ໃຫ້​ຮັກສາ​ທະບຽນ​ແລະ​ຕັດສິນ​ຂໍ້​ໂຕ້ແຍ້ງ​ຕ່າງໆ;

1 ຂ່າວຄາວ 23:4 Jak'a apnaqawi uñst'ayäwi

1 ຂ່າວຄາວ 6:48

ຝ່າຍ​ພວກ​ພີ່ນ້ອງ​ຊາວ​ເລວີ​ຂອງ​ພວກເຂົາ​ກໍໄດ້​ຖືກ​ມອບໝາຍ ໃຫ້​ຮັບໃຊ້​ໜ້າທີ່​ທັງໝົດ​ໃນ​ຫໍເຕັນ​ສັກສິດ​ແຫ່ງ​ວິຫານ​ຂອງ​ພຣະເຈົ້າ.

2 ຂ່າວຄາວ 19:8

ໃນ​ນະຄອນ​ເຢຣູຊາເລັມ ເຢໂຮຊາຟັດ​ໄດ້​ແຕ່ງຕັ້ງ​ຊາວ​ເລວີ, ພວກ​ປະໂຣຫິດ ແລະ​ຊາວ​ເມືອງ​ຊັ້ນ​ຜູ້ນຳ​ບາງຄົນ ໃຫ້​ເປັນ​ຜູ້​ຕັດສິນ​ຄວາມ ໃນ​ກໍລະນີ​ທີ່​ກ່ຽວຂ້ອງ​ກັບ​ການ​ຝ່າຝືນ​ກົດບັນຍັດ​ຂອງ​ພຣະເຈົ້າຢາເວ ຫລື​ການ​ຂັດແຍ່ງ​ທາງດ້ານ​ກົດໝາຍ​ລະຫວ່າງ​ປະຊາຊົນ​ໃນ​ເມືອງ.

2 ຂ່າວຄາວ 23:18

ເຢໂຮຍອາດາ​ໄດ້​ຕັ້ງ​ພວກ​ປະໂຣຫິດ​ແລະ​ຊາວ​ເລວີ​ໃຫ້​ດູແລ​ວຽກງານ​ໃນ​ວິຫານ​ຂອງ​ພຣະເຈົ້າຢາເວ. ພວກເຂົາ​ໄດ້​ຮັບ​ມອບໝາຍ​ໃຫ້​ເຮັດ​ຕາມ​ຄຳສັ່ງ​ທີ່​ກະສັດ​ດາວິດ​ໄດ້​ຈັດຕັ້ງ​ໄວ້ ໂດຍ​ໃຫ້​ເຜົາ​ເຄື່ອງ​ບູຊາ​ຖວາຍ​ແກ່​ພຣະເຈົ້າຢາເວ​ຕາມ​ກົດບັນຍັດ​ຂອງ​ໂມເຊ. ນອກຈາກນີ້​ແລ້ວ ພວກເຂົາ​ຍັງ​ເປັນ​ຜູ້​ຮັບຜິດຊອບ​ຝ່າຍ​ດົນຕຼີ​ແລະ​ພິທີ​ສະຫລອງ.

2 ຂ່າວຄາວ 34:13

ຊາວ​ເລວີ​ຄົນອື່ນໆ​ແມ່ນ​ຮັບຜິດຊອບ​ຂົນ​ສົ່ງ​ວັດສະດຸ​ກໍ່ສ້າງ ແລະ​ຄວບຄຸມ​ຄົນງານ​ໃນ​ຂະແໜງ​ວຽກ​ຕ່າງໆ​ທີ່​ພວກເຂົາ​ສັງກັດ​ຢູ່; ສ່ວນ​ຄົນອື່ນ​ນັ້ນ​ເປັນ​ຜູ້​ຮັກສາ​ເອກະສານ​ຫລື​ເຮັດ​ໜ້າທີ່​ເຝົ້າຍາມ.

ເນເຫມີຢາ 11:22

ຜູ້ດູແລ​ຂອງ​ຊາວ​ເລວີ​ທີ່​ໄດ້​ອາໄສ​ຢູ່​ໃນ​ນະຄອນ​ເຢຣູຊາເລັມ​ແມ່ນ​ອຸດຊີ. ລາວ​ເປັນ​ລູກຊາຍ​ຂອງ​ບານີ ແລະ​ຫລານຊາຍ​ຂອງ​ຮາຊາບີຢາ. ບັນພະບຸລຸດ​ຂອງ​ລາວ​ມີ​ດັ່ງນີ້: ມັດຕານີຢາ ແລະ​ມີກາ ຄົນ​ໃນ​ຕະກຸນ​ຂອງ​ອາສັບ​ທີ່​ຮັບຜິດຊອບ​ຝ່າຍ​ດົນຕຼີ​ສຳລັບ​ພິທີ​ນະມັດສະການ​ຕ່າງໆ​ໃນ​ພຣະວິຫານ.

ເນເຫມີຢາ 11:9

ໂຢເອນ​ລູກຊາຍ​ຂອງ​ຊີກະຣີ ເປັນ​ຜູ້ນຳ​ຂອງ​ພວກເຂົາ ແລະ​ຢູດາ​ລູກຊາຍ​ຂອງ​ຮັດເສນູຢາ ເປັນ​ຮອງ​ຜູ້ປົກຄອງ​ເມືອງ.

ເອເຊກຽນ 44:24

ເມື່ອ​ມີ​ການ​ຖົກຖຽງ​ກັນ​ເກີດຂຶ້ນ ບັນດາ​ປະໂຣຫິດ​ຕ້ອງ​ຕັດສິນ​ຄະດີ​ນັ້ນ​ຕາມ​ກົດບັນຍັດ​ຕ່າງໆ​ຂອງເຮົາ. ພວກເຂົາ​ຕ້ອງ​ຮັກສາ​ເທດສະການ​ຕ່າງໆ​ທາງ​ສາສະໜາ ຕາມ​ກົດ​ແລະ​ຂໍ້​ລະບຽບ​ຕ່າງໆ​ຂອງເຮົາ ແລະ​ທັງ​ໃຫ້​ພວກເຂົາ​ຮັກສາ​ວັນ​ຊະບາໂຕ​ເປັນ​ວັນ​ບໍຣິສຸດ​ອີກ​ດ້ວຍ.

ມາລາກີ 2:7

ແມ່ນ​ໜ້າທີ່​ຂອງ​ປະໂຣຫິດ​ທີ່​ຈະ​ສັ່ງສອນ​ຄົນອື່ນ​ໃຫ້​ຮູ້ຈັກ​ພຣະເຈົ້າ. ປະຊາຊົນ​ຄວນ​ໄປ​ຫາ​ພວກເຂົາ ເພື່ອ​ຮຽນຮູ້​ຄວາມປະສົງ​ຂອງເຮົາ ເພາະ​ພວກເຂົາ​ເປັນ​ຜູ້​ແຈ້ງຂ່າວ​ຂອງ​ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່.

ກິດຈະການ 20:28

ທ່ານ​ທັງຫລາຍ ຈົ່ງ​ລະວັງ​ຕົວເອງ​ໃຫ້​ດີ ແລະ​ເຝົ້າ​ຮັກສາ​ຝູງແກະ ທີ່​ພຣະວິນຍານ​ບໍຣິສຸດເຈົ້າ​ໄດ້​ມອບ​ໄວ້​ໃຫ້​ພວກທ່ານ​ເປັນ​ຜູ້​ດູແລ, ຈົ່ງ​ບຳລຸງ​ລ້ຽງ​ຄຣິສຕະຈັກ​ຂອງ​ພຣະເຈົ້າ ທີ່​ພຣະອົງ​ເປັນ​ເຈົ້າ​ຂອງ ໂດຍ​ພຣະບຸດ​ໄດ້​ຊົງ​ໄຖ່​ມາ​ດ້ວຍ​ພຣະ​ໂລຫິດ​ຂອງ​ພຣະອົງ​ເອງ.

ພຣະບັນຍັດສອງ 16:18

“ຈົ່ງ​ແຕ່ງຕັ້ງ​ບັນດາ​ຜູ້​ຕັດສິນຄວາມ ແລະ​ເຈົ້າໜ້າທີ່​ອື່ນໆ​ໃນ​ເມືອງ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໄດ້​ມອບ​ໃຫ້. ຄົນ​ເຫຼົ່ານັ້ນ​ຕ້ອງ​ຕັດສິນ​ຄະດີ​ຂອງ​ປະຊາຊົນ​ຢ່າງ​ທ່ຽງທຳ.