1 ຂ່າວຄາວ 23:1 - ພຣະຄຳພີສັກສິ

¹ ເມື່ອ​ກະສັດ​ດາວິດ​ໄດ້​ແກ່ຊະຣາ​ຫລາຍ​ແລ້ວ ເພິ່ນ​ໄດ້​ແຕ່ງຕັ້ງ​ໂຊໂລໂມນ​ລູກຊາຍ​ຂອງ​ເພິ່ນ​ໃຫ້​ຂຶ້ນ​ເປັນ​ກະສັດ​ຂອງ​ຊາດ​ອິດສະຣາເອນ​ແທນ​ເພິ່ນ.

1 ຂ່າວຄາວ 23:1 Jak'a apnaqawi uñst'ayäwi

ປະຖົມມະການ 25:8

ຈາກ​ນັ້ນ ອັບຣາຮາມ​ກໍ​ໄດ້​ສິ້ນ​ລົມ​ຫາຍໃຈ ແລະ​ໄດ້​ຕາຍ​ໄປ​ໃນ​ຂະນະ​ທີ່​ມີ​ອາຍຸ​ສູງ ເປັນ​ຜູ້​ເຖົ້າ​ທີ່​ມີ​ອາຍຸ​ໝັ້ນຍືນ ແລະ​ໄດ້​ຖືກ​ຮວບຮວມ​ໄວ້​ກັບ​ຄົນ​ທັງຫລາຍ​ຂອງ​ຕົນ.

ປະຖົມມະການ 35:29

ເພິ່ນ​ໄດ້​ຕາຍໄປ​ເມື່ອ​ອາຍຸ​ສູງ​ຫລາຍ; ຢາໂຄບ ແລະ​ເອຊາວ​ລູກຊາຍ​ຂອງ​ເພິ່ນ​ເອງ ເປັນ​ຜູ້​ຝັງສົບ​ເພິ່ນ​ໄວ້.

1 ກະສັດ 1:1

ມາບັດນີ້ ກະສັດ​ດາວິດ​ກໍ​ເຖົ້າແກ່​ຊະຣາ​ຫລາຍ​ແລ້ວ ເຖິງ​ແມ່ນ​ວ່າ ພວກ​ຄົນ​ຮັບໃຊ້​ຫົ່ມ​ຜ້າ​ໃຫ້​ເພິ່ນ​ຫລາຍ​ຜືນ​ກໍ​ຍັງ​ບໍ່​ອົບອຸ່ນ.

1 ກະສັດ 1:27

ທ່ານ​ເຫັນ​ດີ​ນຳ​ສິ່ງ​ທັງໝົດ​ນີ້ ແລະ​ບໍ່​ບອກ​ແມ່ນແຕ່​ບັນດາ​ຂ້າຣາຊການ​ຂອງທ່ານ​ໃຫ້​ຮູ້ຈັກ​ນຳ​ວ່າ ແມ່ນ​ຜູ້ໃດ​ຈະ​ຂຶ້ນ​ເປັນ​ກະສັດ​ປົກຄອງ​ສືບແທນ​ທ່ານ ມັນ​ຈະ​ເປັນ​ໄປ​ໄດ້​ບໍ?”

1 ກະສັດ 1:30

ວ່າ​ວັນ​ນີ້ ເຮົາ​ຂໍ​ສາບານ​ຕໍ່​ເຈົ້າ ໂດຍ​ພຣະເຈົ້າຢາເວ ພຣະເຈົ້າ​ແຫ່ງ​ຊາດ​ອິດສະຣາເອນ ໂຊໂລໂມນ​ລູກຊາຍ​ຂອງ​ເຈົ້າ​ຈະ​ຂຶ້ນ​ເປັນ​ກະສັດ​ປົກຄອງ​ສືບແທນ​ເຮົາ ແລະ​ຈະ​ນັ່ງ​ບັນລັງ​ຂອງເຮົາ​ແທນເຮົາ.”

1 ກະສັດ 2:12

ກະສັດ​ໂຊໂລໂມນ​ຂຶ້ນ​ເປັນ​ກະສັດ​ສືບແທນ​ກະສັດ​ດາວິດ​ພໍ່​ຂອງຕົນ ແລະ​ອຳນາດ​ໃນ​ຕຳແໜ່ງ​ກະສັດ​ຂອງ​ເພິ່ນ​ກໍ​ດຳລົງ​ຢູ່​ຢ່າງ​ໝັ້ນຄົງ.

1 ຂ່າວຄາວ 23:2

ກະສັດ​ດາວິດ​ໄດ້​ເອີ້ນ​ຜູ້ນຳ​ຊາດ​ອິດສະຣາເອນ​ທັງໝົດ​ປະໂຣຫິດ​ທຸກຄົນ ແລະ​ພວກເລວີ​ທັງໝົດ​ມາ​ປະຊຸມ​ກັນ.

1 ຂ່າວຄາວ 28:5

ພຣະເຈົ້າຢາເວ​ໄດ້​ໃຫ້​ຂ້າພະເຈົ້າ​ມີ​ລູກຊາຍ​ຫລາຍ​ຄົນ ແລະ​ໃນ​ພວກ​ລູກຊາຍ​ທັງໝົດ​ຂອງ​ຂ້າພະເຈົ້າ​ນັ້ນ ພຣະອົງ​ກໍໄດ້​ເລືອກເອົາ​ໂຊໂລໂມນ​ໃຫ້​ຂຶ້ນ​ເປັນ​ຜູ້ປົກຄອງ​ຊາດ​ອິດສະຣາເອນ ອານາຈັກ​ຂອງ​ພຣະເຈົ້າຢາເວ.

1 ຂ່າວຄາວ 29:28

ເພິ່ນ​ໄດ້​ຕາຍໄປ​ເມື່ອ​ເຖົ້າແກ່​ຊະຣາ​ຫລາຍ​ແລ້ວ ທັງ​ຮັ່ງມີ ແລະ​ໄດ້​ຮັບ​ຄວາມ​ເຄົາຣົບ​ນັບຖື​ຢ່າງສູງ. ໂຊໂລໂມນ​ລູກຊາຍ​ຂອງ​ເພິ່ນ​ໄດ້​ຂຶ້ນ​ເປັນ​ກະສັດ​ແທນ.

ພຣະທຳ​ໂຢບ 5:26

ເໝືອນ​ດັ່ງ​ເຂົ້າ​ສຸກ​ແລ້ວ ລໍ​ເຖິງ​ລະດູ​ກ່ຽວ ເຈົ້າ​ຈະ​ມີ​ອາຍຸ​ຍືນໝັ້ນ​ຈົນ​ແກ່ຊະຣາ.