1 ຂ່າວຄາວ 21:1 - ພຣະຄຳພີສັກສິ

¹ ມານຊາຕານ​ຢາກ​ນຳ​ຄວາມ​ເດືອດຮ້ອນ​ມາ​ສູ່​ປະຊາຊົນ​ອິດສະຣາເອນ. ດັ່ງນັ້ນ ມັນ​ຈຶ່ງ​ໄດ້​ເຮັດ​ໃຫ້​ກະສັດ​ດາວິດ​ຕັດສິນໃຈ​ນັບ​ຈຳນວນ​ປະຊາຊົນ.

1 ຂ່າວຄາວ 21:1 Jak'a apnaqawi uñst'ayäwi

1 ຂ່າວຄາວ 20:8

ຄົນ​ທັງ​ສາມ​ນີ້​ສືບ​ເຊື້ອສາຍ​ມາ​ຈາກ​ຄົນ​ຮ່າງໃຫຍ່​ທີ່​ເມືອງກາດ. ກະສັດ​ດາວິດ ແລະ​ທະຫານ​ຂອງ​ເພິ່ນ​ໄດ້​ຂ້າ​ຄົນ​ເຫຼົ່ານີ້.

1 ຂ່າວຄາວ 27:24

ໂຢອາບ ລູກຊາຍ​ຂອງ​ນາງ​ເຊຣູອີຢາ​ໄດ້​ລົງມື​ຈົດ​ຊື່​ປະຊາຊົນ ແຕ່​ເພິ່ນ​ເຮັດ​ບໍ່​ສຳເລັດ. ພຣະເຈົ້າ​ໄດ້​ລົງໂທດ​ຊາດ​ອິດສະຣາເອນ ຍ້ອນ​ການ​ຈົດ​ຊື່​ຈຳນວນ​ປະຊາຊົນ​ນີ້; ດັ່ງນັ້ນ ຕົວ​ເລກ​ອັນ​ແທ້ຈິງ​ຈຶ່ງ​ບໍ່ໄດ້​ຖືກ​ບັນທຶກ​ໄວ້​ໃນ​ເອກະສານ​ທາງການ​ຂອງ​ກະສັດ​ດາວິດ.

1 ຂ່າວຄາວ 7:40

ຄົນ​ທັງໝົດ​ເຫຼົ່ານີ້​ແມ່ນ​ເຊື້ອສາຍ​ຂອງ​ອາເຊ. ພວກເຂົາ​ທັງໝົດ​ເປັນ​ຫົວໜ້າ​ຄອບຄົວ ທັງ​ເປັນ​ນັກຮົບ​ທີ່​ເກັ່ງກ້າ​ແລະ​ເປັນ​ຜູ້ນຳ​ທີ່​ສຳຄັນ. ຈຳນວນ​ຊາຍ​ສະກັນ​ໃນ​ເຊື້ອສາຍ​ຂອງ​ອາເຊ​ທີ່​ເປັນ​ທະຫານ​ໄດ້​ມີ​ຊາວຫົກພັນ​ຄົນ.

ພຣະທຳ​ໂຢບ 2:1

ເມື່ອ​ເຖິງ​ວັນ​ທີ່​ບັນດາ​ເທວະດາ​ຂອງ​ພຣະເຈົ້າ​ເຂົ້າ​ມາ​ຢູ່​ຊ້ອງໜ້າ​ພຣະເຈົ້າຢາເວ​ອີກ ມານຊາຕານ​ກໍ​ຢູ່​ໃນ​ທີ່ນັ້ນ​ທ່າມກາງ​ພວກ​ເທວະດາ.

ອົບພະຍົບ 30:12

“ເມື່ອ​ເຈົ້າ​ຈົດ​ທະບຽນ​ສຳມະໂນຄົວ​ປະຊາຊົນ​ອິດສະຣາເອນ ຈົ່ງ​ໃຫ້​ຊາຍ​ແຕ່ລະຄົນ​ຈ່າຍ​ຄ່າ​ຊີວິດ​ຂອງຕົນ​ແກ່​ພຣະເຈົ້າຢາເວ ເພື່ອ​ວ່າ​ໄພ​ອັນຕະລາຍ​ຈະ​ບໍ່​ມາ​ຖືກ​ພວກເຂົາ ໃນ​ຂະນະທີ່​ມີ​ການ​ຈົດ​ທະບຽນ​ນັ້ນ.

ເຊກາຣີຢາ 3:1

ໃນ​ນິມິດ​ຢ່າງ​ອື່ນ​ອີກ ພຣະອົງ​ໄດ້​ສຳແດງ​ໃຫ້​ຂ້າພະເຈົ້າ​ເຫັນ​ມະຫາ​ປະໂຣຫິດ​ເຢຊູອາ ເພິ່ນ​ກຳລັງ​ຢືນ​ຢູ່​ຕໍ່ໜ້າ​ເທວະດາ​ຂອງ​ພຣະເຈົ້າຢາເວ. ໃນ​ທີ່ນັ້ນ ຢູ່​ຂ້າງ​ຂອງ​ເຢຊູອາ​ກໍ​ມີ​ມານຊາຕານ ຢືນ​ຢູ່​ດ້ວຍ​ພ້ອມ​ທີ່​ຈະ​ກ່າວຟ້ອງ​ເພິ່ນ.

ມັດທາຍ 4:3

ແລ້ວ​ຜູ້ລໍ້ລວງ​ກໍ​ມາ​ຫາ​ພຣະອົງ ແລະ​ເວົ້າ​ວ່າ, “ຖ້າ​ທ່ານ​ເປັນ​ພຣະບຸດ​ຂອງ​ພຣະເຈົ້າ ຈົ່ງ​ສັ່ງ​ກ້ອນຫີນ​ເຫຼົ່ານີ້​ໃຫ້​ເປັນ​ອາຫານ​ແມ.”

ລູກາ 11:53

ເມື່ອ​ພຣະເຢຊູເຈົ້າ​ຈາກ​ທີ່​ນັ້ນ​ໄປ​ແລ້ວ ພວກ​ທຳມະຈານ​ກັບ​ພວກ​ຟາຣີຊາຍ ກໍ​ເລີ່ມຕົ້ນ​ໂຈມຕີ​ຕໍ່ຕ້ານ​ພຣະອົງ​ຢ່າງ​ໜັກ ແລະ​ຖາມ​ພຣະອົງ​ເຖິງ​ຫລາຍສິ່ງ​ຫລາຍຢ່າງ,

ລູກາ 22:31

ແລ້ວ​ພຣະເຢຊູເຈົ້າ​ກໍ​ຊົງ​ກ່າວ​ວ່າ, “ຊີໂມນ ຊີໂມນ​ເອີຍ ເບິ່ງແມ! ມານຊາຕານ​ໄດ້​ຂໍ​ອະນຸຍາດ​ທົດລອງ​ພວກເຈົ້າ ເພື່ອ​ຈະ​ຝັດ​ຮ່ອນ​ພວກເຈົ້າ​ເໝືອນ​ຝັດ​ເຂົ້າ​ເປືອກ.

ໂຢຮັນ 13:2

ເມື່ອ​ພຣະເຢຊູເຈົ້າ​ກັບ​ພວກ​ສາວົກ​ຂອງ​ພຣະອົງ ກຳລັງ​ຮ່ວມ​ຮັບປະທານ​ອາຫານ​ຢູ່​ນັ້ນ ມານຮ້າຍ​ໄດ້​ເຂົ້າ​ສິງ​ຢູ່​ໃນ​ໃຈ​ຂອງ​ຢູດາ​ອິດສະກາຣີອົດ ລູກຊາຍ​ຂອງ​ຊີໂມນ ໃຫ້​ມີ​ຄວາມ​ຄິດ​ທໍລະຍົດ​ຕໍ່​ພຣະເຢຊູເຈົ້າ.

ກິດຈະການ 5:3

ດັ່ງນັ້ນ ເປໂຕ​ຈຶ່ງ​ຖາມ​ລາວ​ວ່າ, “ອານາເນຍ​ເອີຍ ດ້ວຍເຫດໃດ​ໃຈ​ຂອງ​ເຈົ້າ​ຈຶ່ງ​ເຕັມ​ໄປ​ດ້ວຍ​ມານຊາຕານ, ເຈົ້າ​ຈຶ່ງ​ຕົວະ​ຕໍ່​ພຣະວິນຍານ​ບໍຣິສຸດເຈົ້າ ໂດຍ​ເອົາ​ເງິນ​ສ່ວນ​ໜຶ່ງ ຊຶ່ງ​ເປັນ​ຄ່າ​ຂາຍ​ທີ່ດິນ​ນັ້ນ​ມ້ຽນ​ໄວ້?

ເຮັບເຣີ 10:24

ຈົ່ງ​ຫ່ວງໃຍ​ຊຶ່ງກັນແລະກັນ ຈົ່ງ​ໜູນ​ນໍ້າໃຈ​ຊຶ່ງກັນແລະກັນ​ໃຫ້​ມີ​ຄວາມຮັກ ແລະ​ໃຫ້​ເຮັດ​ຄຸນງາມ​ຄວາມດີ.

ຢາໂກໂບ 1:13

ເມື່ອ​ຜູ້ໃດ​ຖືກ​ລໍ້ລວງ​ໃຫ້​ຫລົງ ຢ່າ​ໃຫ້​ຜູ້ນັ້ນ​ເວົ້າ​ວ່າ, “ພຣະເຈົ້າ​ຊົງ​ລໍ້ລວງ​ຂ້າພະເຈົ້າ​ໃຫ້​ຫລົງ” ເພາະວ່າ ຄວາມຊົ່ວ​ຈະ​ມາ​ລໍ້ລວງ​ພຣະເຈົ້າ​ໃຫ້​ຫລົງ​ບໍ່ໄດ້ ແລະ​ພຣະອົງ​ເອງ​ກໍ​ບໍ່​ຊົງ​ລໍ້ລວງ​ຜູ້ໃດ​ໃຫ້​ຫລົງ​ຈັກເທື່ອ.

ພຣະນິມິດ 12:10

ແລ້ວ​ຂ້າພະເຈົ້າ​ໄດ້ຍິນ​ສຽງດັງ​ມາ​ຈາກ​ສະຫວັນ​ວ່າ, “ບັດນີ້​ຄວາມ​ລອດພົ້ນ ຣິດເດດ ແລະ​ຣາຊອານາຈັກ​ແຫ່ງ​ພຣະເຈົ້າ​ຂອງ​ເຮົາ​ທັງຫລາຍ ກັບ​ທັງ​ຣິດອຳນາດ​ພຣະຄຣິດ​ຂອງ​ພຣະອົງ​ໄດ້​ມາ​ເຖິງ​ແລ້ວ ເພາະວ່າ​ຜູ້​ທີ່​ກ່າວໂທດ​ພວກ​ພີ່ນ້ອງ​ຂອງເຮົາ ຕໍ່​ພຣະພັກ​ພຣະເຈົ້າ​ຂອງເຮົາ ທັງ​ກາງເວັນ​ແລະ​ກາງຄືນ​ນັ້ນ ກໍໄດ້​ຖືກ​ຖິ້ມ​ລົງ​ເສຍ​ແລ້ວ.