1 ຂ່າວຄາວ 20:5 - ພຣະຄຳພີສັກສິ

⁵ ໃນ​ການ​ສູ້ຮົບ​ກັບ​ຊາວ​ຟີລິດສະຕິນ​ຄັ້ງ​ໜຶ່ງ​ອີກ ເອນຮານານ​ລູກຊາຍ​ຂອງ​ຢາອີ​ໄດ້​ຂ້າ​ລາຮະມີ​ນ້ອງຊາຍ​ຂອງ​ໂກລີອາດ​ຊາວ​ເມືອງກາດ ຜູ້​ທີ່​ມີ​ຫອກ​ເທົ່າ​ກັບ​ໄມ້​ກຳພັ້ນ​ຫູກ.

1 ຂ່າວຄາວ 20:5 Jak'a apnaqawi uñst'ayäwi

2 ຊາມູເອນ 21:19

ການ​ສູ້ຮົບ​ກັບ​ພວກ​ຟີລິດສະຕິນ​ມີ​ຂຶ້ນ​ອີກ​ທີ່​ເມືອງ​ໂກບ ຊຶ່ງ​ໃນ​ເທື່ອ​ນີ້​ເອນຮານານ​ລູກຊາຍ​ຂອງ​ຢາອີ ຈາກ​ເມືອງ​ເບັດເລເຮັມ​ໄດ້​ຂ້າ​ໂກລີອາດ​ຊາວ​ກາດ ຜູ້​ທີ່​ຖື​ຫອກ​ເທົ່າ​ກັບ​ໄມ້​ກຳພັ້ນ​ຫູກ.

1 ຂ່າວຄາວ 11:23

ລາວ​ໄດ້​ຂ້າ​ຊາວ​ເອຢິບ​ຄົນ​ໜຶ່ງ ສູງ​ປະມານ​ສອງ​ແມັດ​ເຄິ່ງ ທີ່​ຖື​ຫອກ​ເທົ່າ​ກັບ​ໄມ້​ກຳພັ້ນ​ຫູກ. ເບນາອີຢາ​ໄດ້​ໃຊ້​ໄມ້ຄ້ອນ​ສູ້ຮົບ ເພື່ອ​ຍາດ​ເອົາ​ຫອກ​ຈາກ​ມື​ຂອງ​ຄົນ​ເອຢິບ ແລະ​ໃຊ້​ຫອກ​ນັ້ນ​ຂ້າ​ຄົນ​ເອຢິບ​ຜູ້​ນັ້ນ.

1 ຂ່າວຄາວ 20:6

ຕໍ່ມາ ໄດ້​ມີ​ເສິກ​ເກີດຂຶ້ນ​ອີກ​ຄັ້ງ​ໜຶ່ງ​ທີ່​ເມືອງກາດ. ໃນ​ຄັ້ງ​ນີ້ ໄດ້​ມີ​ຄົນ​ຮ່າງໃຫຍ່​ຜູ້ໜຶ່ງ​ມີ​ນິ້ວມື ແລະ​ນິ້ວຕີນ​ເບື້ອງ​ລະ​ຫົກ​ນິ້ວ. ລາວ​ສືບ​ເຊື້ອສາຍ​ມາ​ຈາກ​ຄົນ​ຮ່າງໃຫຍ່​ແຕ່​ສະໄໝ​ບູຮານ.

1 ຊາມູເອນ 17:4

ຍັງ​ມີ​ຊາຍ​ຈາກ​ເມືອງກາດ​ຄົນ​ໜຶ່ງ​ຊື່​ວ່າ ໂກລີອາດ; ລາວ​ໄດ້​ອອກ​ຈາກ​ຄ້າຍ​ຂອງ​ພວກ​ຟີລິດສະຕິນ​ມາ​ທ້າທາຍ​ພວກ​ອິດສະຣາເອນ. ລາວ​ເປັນ​ຄົນ​ສູງ​ໃຫຍ່​ເກືອບ​ເຖິງ​ສາມ​ແມັດ.

1 ຊາມູເອນ 17:7

ຄັນ​ຫອກ​ຂອງ​ລາວ​ເທົ່າກັບ​ໄມ້​ກຳພັ້ນ​ຫູກ ແລະ​ປາຍ​ຫອກ​ທີ່​ເປັນ​ເຫຼັກ​ກໍ​ໜັກ​ປະມານ​ເຈັດ​ກິໂລກຼາມ. ມີ​ທະຫານ​ຄົນ​ໜຶ່ງ​ຍ່າງ​ອອກ​ໜ້າ​ຖື​ໂລ້​ຕ້ານທານ​ໃຫ້​ລາວ.

1 ຊາມູເອນ 21:9

ອາຮີເມເຫຼັກ​ຕອບ​ວ່າ, “ມີ ແມ່ນ​ດາບ​ຂອງ​ໂກລີອາດ​ຄົນ​ຟີລິດສະຕິນ ຜູ້​ທີ່​ທ່ານ​ໄດ້​ຂ້າ​ໃນ​ຮ່ອມພູ​ເອລາ​ນັ້ນ. ມັນ​ຢູ່​ທາງ​ຫລັງ​ຂອງ​ເອໂຟດ ແລະ​ມີ​ຜ້າ​ພັນ​ໄວ້. ມັນ​ເປັນ​ອາວຸດ​ຢ່າງ​ດຽວ​ເທົ່ານັ້ນ​ທີ່​ມີ​ຢູ່​ໃນ​ທີ່​ນີ້ ຖ້າ​ທ່ານ​ຢາກ​ໄດ້​ກໍ​ເຊີນ​ເອົາ​ໄປ​ໂລດ.” ດາວິດ​ເວົ້າ​ວ່າ, “ຈົ່ງ​ເອົາ​ໃຫ້​ຂ້າພະເຈົ້າ​ເຖີດ ບໍ່ມີ​ດາບ​ດວງ​ໃດ​ຈະ​ດີ​ໄປ​ກວ່າ​ດາບ​ດວງ​ນີ້.”

1 ຊາມູເອນ 22:10

ອາຮີເມເຫຼັກ​ໄດ້​ຖາມ​ພຣະເຈົ້າຢາເວ​ໃຫ້​ລາວ​ວ່າ ລາວ​ຄວນ​ຈະ​ເຮັດ​ຢ່າງໃດ. ນອກຈາກ​ນັ້ນ ເພິ່ນ​ຍັງ​ເອົາ​ອາຫານ​ແລະ​ດາບ​ຂອງ​ໂກລີອາດ ຊາວ​ຟີລິດສະຕິນ​ໃຫ້​ລາວ​ດ້ວຍ.”