1 ຂ່າວຄາວ 20:3 - ພຣະຄຳພີສັກສິ

³ ເພິ່ນ​ໄດ້​ກວາດ​ເອົາ​ປະຊາຊົນ​ໃນ​ເມືອງ​ນັ້ນ​ມາ​ເຮັດ​ວຽກ​ເລື່ອຍ​ໄມ້, ຕັດ​ຫີນ ແລະ​ຕັດ​ໄມ້ ດັ່ງ​ທີ່​ໄດ້​ເຮັດ​ກັບ​ຊາວ​ອຳໂມນ​ໃນ​ເມືອງ​ຕ່າງໆ. ແລ້ວ​ເພິ່ນ​ກໍໄດ້​ຍົກທັບ​ກັບຄືນ​ສູ່​ນະຄອນ​ເຢຣູຊາເລັມ.

1 ຂ່າວຄາວ 20:3 Jak'a apnaqawi uñst'ayäwi

2 ຊາມູເອນ 12:31

ແລ້ວ​ເພິ່ນ​ກໍໄດ້​ເອົາ​ເລື່ອຍ, ຈົກ, ຂວານ, ໃຫ້​ຊາວ​ເມືອງ​ນີ້ ແລະ​ບັງຄັບ​ພວກເຂົາ​ເຮັດ​ດິນຈີ່​ໃຫ້​ເພິ່ນ. ເພິ່ນ​ໄດ້​ປະຕິບັດ​ເໝືອນກັນ​ນີ້​ຕໍ່​ຊາວ​ອຳໂມນ​ໃນ​ທຸກ​ຫົວເມືອງ. ແລ້ວ​ເພິ່ນ​ພ້ອມ​ທັງ​ທະຫານ​ຂອງ​ເພິ່ນ​ກໍ​ກັບຄືນ​ມາ​ນະຄອນ​ເຢຣູຊາເລັມ.

ອົບພະຍົບ 1:14

ຊາວ​ເອຢິບ​ໄດ້​ບັງຄັບ​ຊາວ​ອິດສະຣາເອນ ໃຫ້​ເຜົາ​ດິນຈີ່ ແລະ​ເຮັດ​ວຽກ​ກໍ່ສ້າງ ທັງ​ເຮັດ​ວຽກ​ໜັກ​ທຸກ​ຊະນິດ​ຢູ່​ຕາມ​ທົ່ງນາ ໂດຍ​ບໍ່ມີ​ຄວາມ​ເມດຕາປານີ​ແຕ່​ຢ່າງ​ໃດ​ເລີຍ.

ເຮັບເຣີ 11:37

ບາງຄົນ​ຖືກ​ແກວ່ງ​ຫີນ​ໃສ່, ຖືກ​ເລື່ອຍ​ເປັນ​ທ່ອນ, ຖືກ​ຂ້າ​ດ້ວຍ​ຄົມ​ດາບ, ໄດ້​ຫົ່ມ​ໜັງ​ແກະ​ແລະ​ໜັງ​ແບ້​ທຽວ​ໄປມາ, ລຳບາກ​ຍາກຈົນ, ຖືກ​ຂົ່ມເຫັງ ແລະ​ທົນທຸກ​ເວດທະນາ​ຫລາຍ​ປະການ.

ໂຢຊວຍ 9:23

ຍ້ອນ​ພວກເຈົ້າ​ໄດ້​ເຮັດ​ເຊັ່ນນີ້ ພວກເຈົ້າ​ຈຶ່ງ​ຖືກ​ສາບແຊ່ງ ຄົນ​ຂອງ​ພວກເຈົ້າ​ຈະ​ເປັນ​ຄົນ​ຮັບໃຊ້​ເລື້ອຍໄປ ພວກເຈົ້າ​ຈະ​ຕ້ອງ​ຕັດຟືນ​ແລະ​ຕັກນໍ້າ ສຳລັບ​ທີ່​ວິຫານ​ຂອງ​ພຣະເຈົ້າ​ຂອງ​ພວກເຮົາ.”