1 ຂ່າວຄາວ 14:2 - ພຣະຄຳພີສັກສິ

² ສະນັ້ນ ກະສັດ​ດາວິດ​ຈຶ່ງ​ຮູ້​ວ່າ ພຣະເຈົ້າຢາເວ​ໄດ້​ຕັ້ງ​ເພິ່ນ​ໃຫ້​ເປັນ​ກະສັດ​ຂອງ​ຊາດ​ອິດສະຣາເອນ ແລະ​ເຮັດ​ໃຫ້​ອານາຈັກ​ຂອງ​ເພິ່ນ​ຈະເລີນ​ຮຸ່ງເຮືອງ ເພື່ອ​ເຫັນ​ແກ່​ປະຊາຊົນ​ທັງຫລາຍ.

1 ຂ່າວຄາວ 14:2 Jak'a apnaqawi uñst'ayäwi

2 ຊາມູເອນ 7:16

ເຈົ້າ​ຈະ​ມີ​ເຊື້ອສາຍ​ຢູ່​ເລື້ອຍໆ ແລະ​ເຮົາ​ຈະ​ໃຫ້​ອານາຈັກ​ຂອງ​ເຈົ້າ​ຄົງ​ຢູ່​ຕະຫລອດໄປ. ເຊື້ອວົງ​ຂອງ​ເຈົ້າ​ຈະ​ດຳລົງ​ສືບໆໄປ​ໂດຍ​ບໍ່​ສິ້ນສຸດ​ຈັກເທື່ອ.”’

2 ຊາມູເອນ 7:8

ດັ່ງນັ້ນ ຈົ່ງ​ບອກ​ດາວິດ​ຜູ້ຮັບໃຊ້​ຂອງເຮົາ​ວ່າ, ‘ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ບອກ​ລາວ​ວ່າ, ເຈົ້າ​ເປັນ​ຄົນ​ລ້ຽງແກະ​ຕາມ​ທົ່ງນາ ແລະ​ເຮົາ​ໄດ້​ເອົາ​ເຈົ້າ​ມາ​ເປັນ​ຜູ້ປົກຄອງ​ຊາວ​ອິດສະຣາເອນ​ປະຊາຊົນ​ຂອງເຮົາ.

1 ກະສັດ 10:9

ສັນລະເສີນ​ພຣະເຈົ້າຢາເວ ພຣະເຈົ້າ​ຂອງທ່ານ ພຣະອົງ​ໄດ້​ສຳແດງ​ໃຫ້​ເຫັນ​ວ່າ​ພຣະອົງ​ພໍໃຈ​ນຳ​ທ່ານ​ຫລາຍ​ທີ່ສຸດ ຈຶ່ງ​ແຕ່ງຕັ້ງ​ທ່ານ​ໃຫ້​ເປັນ​ກະສັດ​ແຫ່ງ​ຊາດ​ອິດສະຣາເອນ. ເພາະ​ຄວາມຮັກ​ຂອງ​ພຣະເຈົ້າຢາເວ​ສຳລັບ​ຊາດ​ອິດສະຣາເອນ​ມີ​ຕະຫລອດໄປ ພຣະອົງ​ຈຶ່ງ​ໄດ້​ແຕ່ງຕັ້ງ​ທ່ານ​ໃຫ້​ເປັນ​ກະສັດ​ຂອງ​ພວກເຂົາ ເພື່ອ​ທ່ານ​ຈະ​ຮັກສາ​ກົດບັນຍັດ​ແລະ​ຄວາມ​ຍຸດຕິທຳ​ໄວ້.”

1 ຂ່າວຄາວ 14:1

ກະສັດ​ຮີຣາມ​ແຫ່ງ​ຕີເຣ​ໄດ້​ສົ່ງ​ຄະນະທູດ​ການຄ້າ​ມາ​ພົບ​ກະສັດ​ດາວິດ. ເພິ່ນ​ໄດ້​ຈັດ​ຫາ​ໄມ້​ສົນສີດາ ແລະ​ຊ່າງ​ກໍ່ ຊ່າງ​ໄມ້​ມາ​ເພື່ອ​ສ້າງ​ວັງ​ໃຫ້​ກະສັດ​ດາວິດ.

1 ຂ່າວຄາວ 14:3

ໃນ​ນະຄອນ​ເຢຣູຊາເລັມ​ນີ້​ເອງ ທີ່​ກະສັດ​ດາວິດ​ໄດ້​ມີ​ເມຍ​ຕື່ມ​ອີກ​ຫລາຍ​ຄົນ ແລະ​ໄດ້​ມີ​ລູກຊາຍ​ກັບ​ລູກສາວ​ຕື່ມ​ອີກ​ຫລາຍ​ຄົນ.

1 ຂ່າວຄາວ 17:17

ແຕ່​ບັດນີ້ ພຣະອົງ​ຊໍ້າ​ຍັງ​ຈະ​ເຮັດ​ຫລາຍ​ໄປ​ກວ່າ​ນັ້ນ​ອີກ; ຂ້າແດ່​ພຣະເຈົ້າ ພຣະອົງ​ໄດ້​ສັນຍາ​ໄວ້​ກັບ​ເຊື້ອສາຍ​ຂອງ​ຂ້ານ້ອຍ​ໃນ​ພາຍ​ຄັ້ງໜ້າ ຂ້າແດ່​ພຣະເຈົ້າຢາເວ ພຣະເຈົ້າ​ເອີຍ ພຣະອົງ​ໄດ້​ເຮັດ​ກັບ​ຂ້ານ້ອຍ ດັ່ງ​ເຮັດ​ກັບ​ບຸລຸດ​ຜູ້​ຍິ່ງໃຫຍ່​ຄົນ​ໜຶ່ງ.

2 ຂ່າວຄາວ 2:10

ຂ້າພະເຈົ້າ​ຈະ​ເປັນ​ຝ່າຍ​ສົ່ງ​ສະບຽງ​ອາຫານ​ໃຫ້​ຄົນ​ຕັດໄມ້​ຂອງທ່ານ ມີ​ດັ່ງນີ້: ເຂົ້າບາເລ​ສອງພັນ​ໂຕນ, ເຂົ້າເດືອຍ​ສອງພັນ​ໂຕນ, ເຫຼົ້າ​ອະງຸ່ນ​ສີ່ຮ້ອຍ​ພັນ​ລິດ ແລະ​ນໍ້າມັນ​ໝາກກອກເທດ​ສີ່ຮ້ອຍ​ພັນ​ລິດ.”

2 ຂ່າວຄາວ 2:11

ກະສັດ​ຮີຣາມ​ໄດ້​ສົ່ງ​ສານ​ຕອບ​ກະສັດ​ໂຊໂລໂມນ​ວ່າ, “ເພາະ​ພຣະເຈົ້າຢາເວ​ຮັກ​ປະຊາຊົນ​ຂອງ​ພຣະອົງ ຈຶ່ງ​ໄດ້​ໃຫ້​ທ່ານ​ຂຶ້ນ​ເປັນ​ກະສັດ​ຂອງ​ພວກເຂົາ.

ເອສະເທີ 4:14

ໃນ​ເວລາ​ຢ່າງ​ນີ້​ຖ້າ​ເຈົ້າ​ມິດງຽບ​ຢູ່ ສະຫວັນ​ຈະ​ຊ່ວຍເຫລືອ​ພວກ​ຢິວ ແລະ​ພວກເຂົາ​ຈະ​ຖືກ​ຊ່ວຍ​ໃຫ້​ພົ້ນ ຝ່າຍ​ເຈົ້າ​ຈະ​ຕາຍ ແລະ​ຄອບຄົວ​ຂອງ​ພໍ່​ເຈົ້າ​ກໍ​ຈະ​ເຖິງ​ຈຸດຈົບ. ບາງທີ​ການ​ທີ່​ເຈົ້າ​ໄດ້​ເປັນ​ຣາຊີນີ​ກໍ​ເພື່ອ​ໃນ​ຍາມ​ຄັບຂັນ​ເຊັ່ນນີ້ແຫລະ ໃຜ​ຈະ​ຮູ້​ໄດ້?”

ດານີເອນ 2:30

ເລື່ອງ​ເລິກລັບ​ນີ້​ຖືກ​ເປີດເຜີຍ​ໃຫ້​ຂ້ານ້ອຍ​ຮູ້ ບໍ່ແມ່ນ​ຍ້ອນ​ຂ້ານ້ອຍ​ເປັນ​ຄົນສະຫລາດ​ກວ່າ​ຄົນອື່ນ​ດອກ, ແຕ່​ເພື່ອ​ໃຫ້​ພະຣາຊາ​ຮູ້​ຄວາມໝາຍ​ຂອງ​ຄວາມຝັນ​ນັ້ນ ແລະ​ເຂົ້າໃຈ​ສິ່ງ​ທີ່​ລົບກວນ​ຈິດໃຈ​ທ່ານ.

ຈົດບັນຊີ 24:7

ພວກເຂົາ​ຈະ​ໄດ້​ຮັບ ນໍ້າ​ຝົນ​ຢ່າງ​ອຸດົມສົມບູນ​ຫລາຍ ແລະ​ປູກ​ພືດພັນ​ໃນ​ນາ ທີ່​ມີ​ນໍ້າ​ຢ່າງດີ​ລໍ່ລ້ຽງ. ກະສັດ​ຂອງ​ພວກເຂົາ​ນັ້ນ ຈະ​ຍິ່ງໃຫຍ່​ກວ່າ​ເຈົ້າ​ອາກາ ແລະ​ອຳນາດ​ການ​ປົກຄອງ ຈະ​ຂະຫຍາຍ​ຢ່າງ​ໄກກວ້າງ.

ພຣະບັນຍັດສອງ 28:1

“ຖ້າ​ພວກເຈົ້າ​ເຊື່ອຟັງ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ແລະ​ປະຕິບັດ​ຢ່າງ​ສັດຊື່​ຕາມ​ພຣະ​ຄຳສັ່ງ​ທຸກ​ຂໍ້ ທີ່​ຂ້າພະເຈົ້າ​ກຳລັງ​ໃຫ້​ພວກເຈົ້າ​ວັນນີ້; ພຣະອົງ​ຈະ​ບັນດານ​ໃຫ້​ພວກເຈົ້າ​ເປັນ​ໃຫຍ່​ກວ່າ​ຊົນຊາດ​ອື່ນໆ​ເທິງ​ແຜ່ນດິນ​ໂລກ.