1 ຂ່າວຄາວ 13:7 - ພຣະຄຳພີສັກສິ

⁷ ພວກເຂົາ​ໄດ້​ນຳ​ຫີບ​ພັນທະສັນຍາ​ຂອງ​ພຣະເຈົ້າ​ອອກ​ຈາກ​ເຮືອນ​ຂອງ​ອາບີນາດາບ ມາ​ວາງ​ໄວ້​ທີ່​ເທິງ​ກວຽນ​ໃໝ່​ລຳ​ໜຶ່ງ ຂະນະທີ່​ອຸດຊາ​ແລະ​ອາຮີໂອ​ໄດ້ຂັບ​ກວຽນ​ໄປ,

1 ຂ່າວຄາວ 13:7 Jak'a apnaqawi uñst'ayäwi

2 ຊາມູເອນ 6:3

ພວກເຂົາ​ໄດ້​ນຳ​ເອົາ​ຫີບ​ຂອງ​ພຣະເຈົ້າ​ນັ້ນ​ອອກ​ມາ​ຈາກ​ເຮືອນ​ຂອງ​ອາບີນາດາບ​ທີ່​ເທິງ​ເນີນພູ ແລະ​ບັນຈຸ​ໃສ່​ລໍ້​ທີ່​ເຮັດ​ໃໝ່ໆ. ອຸດຊາ​ແລະ​ອາຮີໂອ​ລູກຊາຍ​ຂອງ​ອາບີນາດາບ​ເປັນ​ຄົນ​ຂັບ​ລໍ້​ໄປ

2 ຊາມູເອນ 6:4

ໂດຍ​ແມ່ນ​ອາຮີໂອ​ເປັນ​ຜູ້​ຍ່າງ​ອອກ​ໜ້າ.

1 ຂ່າວຄາວ 15:13

ຍ້ອນ​ພວກເຈົ້າ​ບໍ່ໄດ້​ໄປ​ທີ່​ນັ້ນ​ເທື່ອ​ທຳອິດ ເພື່ອ​ຫາມ​ຫີບ​ພັນທະສັນຍາ; ພຣະເຈົ້າຢາເວ ພຣະເຈົ້າ​ຂອງ​ພວກເຮົາ​ຈຶ່ງ​ໄດ້​ລົງໂທດ​ພວກເຮົາ ເພາະ​ບໍ່ໄດ້​ນະມັດສະການ​ພຣະອົງ​ຕາມ​ທີ່​ສົມຄວນ.”

1 ຂ່າວຄາວ 15:2

ແລ້ວ​ເພິ່ນ​ກໍ​ກ່າວ​ວ່າ, “ໃຫ້​ພວກ​ເລວີ​ເທົ່ານັ້ນ​ຫາມ​ຫີບ​ຂອງ​ພຣະເຈົ້າ ເພາະ​ພວກເຂົາ​ແມ່ນ​ພວກດຽວ​ທີ່​ພຣະເຈົ້າຢາເວ​ໄດ້​ເລືອກໄວ້​ເພື່ອ​ຫາມ​ຫີບ​ຂອງ​ພຣະເຈົ້າຢາເວ ແລະ​ຮັບໃຊ້​ພຣະອົງ​ຕະຫລອດໄປ.”

ຈົດບັນຊີ 4:15

ເມື່ອ​ເຖິງ​ເວລາ​ຍົກຍ້າຍ​ຄ້າຍພັກ ໃຫ້​ຄົນ​ໃນ​ຕະກຸນ​ໂກຮາດ​ຫາມ​ເຄື່ອງ​ອັນ​ບໍຣິສຸດ​ເຫຼົ່ານີ້​ໄປ ຫລັງຈາກ​ອາໂຣນ​ແລະ​ພວກ​ລູກຊາຍ​ຂອງ​ລາວ​ໄດ້​ປົກຄຸມ​ຫຸ້ມຫໍ່​ແລ້ວ. ຄົນ​ໃນ​ຕະກຸນ​ໂກຮາດ​ບໍ່​ຕ້ອງ​ແຕະຕ້ອງ​ເຄື່ອງໃຊ້​ອັນ​ບໍຣິສຸດ​ນີ້​ເດັດຂາດ ຖ້າ​ແຕະຕ້ອງ ພວກເຂົາ​ຈະ​ຕ້ອງ​ຕາຍ. ເມື່ອ​ຍົກຍ້າຍ​ຫໍເຕັນ​ບ່ອນ​ຊຸມນຸມ​ເທື່ອໃດ ຄົນ​ໃນ​ຕະກຸນ​ໂກຮາດ​ຈະ​ຕ້ອງ​ຮັບ​ໜ້າທີ່​ດັ່ງ​ກ່າວ​ນີ້​ທຸກ​ຄັ້ງ.

1 ຊາມູເອນ 6:7

ດັ່ງນັ້ນ ຈົ່ງ​ຈັດຕຽມ​ເອົາ​ກວຽນ​ຄັນ​ໃໝ່ໆ​ລຳ​ໜຶ່ງ​ມາ ພ້ອມ​ທັງ​ງົວແມ່​ສອງ​ໂຕ​ທີ່​ຍັງ​ບໍ່ທັນ​ທຽມແອກ; ໃຫ້​ເອົາ​ງົວແມ່​ນັ້ນ​ທຽມແອກ​ແລະ​ໄລ່​ລູກ​ມັນ​ເຂົ້າ​ຄອກ.