1 ຂ່າວຄາວ 13:11 - ພຣະຄຳພີສັກສິ

¹¹ ແລະ​ກະສັດ​ດາວິດ​ກໍ​ໃຈຮ້າຍ ຍ້ອນ​ພຣະເຈົ້າຢາເວ​ໄດ້​ລົງໂທດ​ອຸດຊາ​ເຖິງ​ຕາຍ. ສະນັ້ນ ບ່ອນ​ນີ້​ຈຶ່ງ​ເອີ້ນ​ວ່າ ເປເຣັດອຸດຊາ ມາ​ຈົນເຖິງ​ເທົ່າ​ທຸກ​ວັນນີ້.

1 ຂ່າວຄາວ 13:11 Jak'a apnaqawi uñst'ayäwi

ປະຖົມມະການ 32:32

ດ້ວຍເຫດນີ້ ຊາວ​ອິດສະຣາເອນ​ຈຶ່ງ​ບໍ່​ກິນ​ຊີ້ນ​ເອັນ​ທີ່​ຕໍ່​ກັບ​ແອວ ເພາະ​ແມ່ນ​ບ່ອນ​ທີ່​ພຣະເຈົ້າ​ໄດ້​ຕີ.

2 ຊາມູເອນ 6:7

ໃນ​ທັນໃດນັ້ນ ພຣະເຈົ້າຢາເວ​ກໍ​ໂກດຮ້າຍ​ອຸດຊາ ແລະ​ຂ້າ​ລາວ ເພາະ​ລາວ​ບໍ່​ຢ້ານຢຳ​ພຣະອົງ. ອຸດຊາ​ຕາຍ​ໃກ້​ກັບ​ຫີບ​ຂອງ​ພຣະເຈົ້າ​ຢູ່​ທີ່​ນັ້ນ.

2 ຊາມູເອນ 6:9

ໃນ​ວັນນັ້ນ​ກະສັດ​ດາວິດ​ກໍ​ເກີດ​ຢ້ານກົວ​ພຣະເຈົ້າຢາເວ ແລະ​ກ່າວ​ວ່າ, “ເຮົາ​ຈະ​ນຳ​ເອົາ​ຫີບ​ຂອງ​ພຣະເຈົ້າຢາເວ​ນີ້​ໄປ​ໄດ້​ຢ່າງ​ໃດ?”

1 ຂ່າວຄາວ 13:10

ໃນ​ທັນໃດນັ້ນ ພຣະເຈົ້າຢາເວ​ກໍ​ໂກດຮ້າຍ​ອຸດຊາ ແລະ​ເຮັດ​ໃຫ້​ລາວ​ຕາຍ ເພາະ​ລາວ​ແຕະຕ້ອງ​ຫີບ​ນັ້ນ. ລາວ​ໄດ້​ສິ້ນໃຈ​ຕາຍ​ຢູ່​ທີ່​ນັ້ນ​ຕໍ່ໜ້າ​ພຣະເຈົ້າ

1 ຂ່າວຄາວ 13:12

ແລ້ວ​ກະສັດ​ດາວິດ​ກໍ​ຢ້ານກົວ​ພຣະເຈົ້າ​ຈຶ່ງ​ຖາມ​ວ່າ, “ບັດນີ້ ເຮົາ​ຈະ​ເອົາ​ຫີບ​ພັນທະສັນຍາ​ຂອງ​ພຣະເຈົ້າ​ໄປ​ນຳ​ເຮົາ​ໄດ້​ຢ່າງໃດ?”

1 ຂ່າວຄາວ 15:13

ຍ້ອນ​ພວກເຈົ້າ​ບໍ່ໄດ້​ໄປ​ທີ່​ນັ້ນ​ເທື່ອ​ທຳອິດ ເພື່ອ​ຫາມ​ຫີບ​ພັນທະສັນຍາ; ພຣະເຈົ້າຢາເວ ພຣະເຈົ້າ​ຂອງ​ພວກເຮົາ​ຈຶ່ງ​ໄດ້​ລົງໂທດ​ພວກເຮົາ ເພາະ​ບໍ່ໄດ້​ນະມັດສະການ​ພຣະອົງ​ຕາມ​ທີ່​ສົມຄວນ.”

ອົບພະຍົບ 19:22

ແມ່ນແຕ່​ພວກ​ປະໂຣຫິດ​ທີ່​ເຂົ້າ​ມາ​ໃກ້​ພຣະເຈົ້າຢາເວ​ກໍດີ ຕ້ອງ​ຊຳລະ​ຕົນ ຫລື​ຈະ​ໃຫ້​ພຣະເຈົ້າຢາເວ​ລົງໂທດ​ພວກເຂົາ.”

ໂຢນາ 4:4

ແຕ່​ພຣະເຈົ້າຢາເວ​ຕອບ​ວ່າ, “ເຈົ້າ​ມີ​ສິດ​ຫຍັງ​ທີ່​ຈະ​ໂກດຮ້າຍ?”

ໂຢນາ 4:9

ແຕ່​ພຣະເຈົ້າ​ໄດ້ກ່າວ​ຕໍ່​ໂຢນາ​ວ່າ, “ເຈົ້າ​ມີ​ສິດ​ຫຍັງ​ທີ່​ຈະ​ໂກດຮ້າຍ​ໃຫ້​ຕົ້ນໄມ້​ນີ້?” ໂຢນາ​ຕອບ​ພຣະເຈົ້າ​ວ່າ, “ຂ້ານ້ອຍ​ມີ​ສິດ​ທຸກຢ່າງ​ທີ່​ຈະ​ໂກດຮ້າຍ ໂກດຮ້າຍ​ຈົນ​ຂ້ານ້ອຍ​ຕາຍໄປ.”

ພຣະບັນຍັດສອງ 34:6

ພຣະອົງ​ໄດ້​ຝັງ​ເພິ່ນ​ໄວ້​ໃນ​ຮ່ອມພູ​ແຫ່ງໜຶ່ງ ທີ່​ດິນແດນ​ໂມອາບ ຊຶ່ງ​ກົງກັນຂ້າມ​ກັບ​ເມືອງ​ເບັດ​ເປອໍ, ແຕ່​ຈົນເຖິງ​ປັດຈຸບັນ​ນີ້​ຍັງ​ບໍ່ມີ​ໃຜ​ຮູ້​ຄັກແນ່​ວ່າ ຊາກສົບ​ຂອງ​ໂມເຊ​ນັ້ນ​ໄດ້​ຖືກ​ຝັງ​ຢູ່​ບ່ອນໃດ.

ໂຢຊວຍ 4:9

ແລ້ວ​ໂຢຊວຍ​ກໍ​ຍັງ​ໄດ້​ຕັ້ງ​ຫີນ​ອື່ນ​ອີກ​ສິບສອງ​ກ້ອນ ໄວ້​ທີ່​ກາງ​ແມ່ນໍ້າ​ຈໍແດນ ໃນ​ບ່ອນ​ທີ່​ພວກ​ປະໂຣຫິດ​ຫາມ​ຫີບ​ພັນທະສັນຍາ​ຢືນ​ຢູ່​ນັ້ນ. (ຫີນ​ນັ້ນ​ຍັງ​ມີ​ຢູ່​ຈົນເຖິງ​ທຸກ​ວັນນີ້.)