1 ຂ່າວຄາວ 12:1 - ພຣະຄຳພີສັກສິ

¹ ດາວິດ​ໄດ້​ອາໄສ​ຢູ່​ເມືອງ​ຊິກລັກ ບ່ອນ​ທີ່​ເພິ່ນ​ໄດ້​ໄປ​ຊ່ອນ​ຕົວ​ຢູ່​ຈາກ​ກະສັດ​ໂຊນ​ລູກຊາຍ​ຂອງ​ກີເຊ. ໃນ​ທີ່ນັ້ນ​ໄດ້​ມີ​ທະຫານ​ຜູ້​ເກັ່ງກ້າ​ສາມາດ​ໃນ​ຫລາຍໆ​ດ້ານ​ທີ່​ໄວ້​ໃຈ​ໄດ້;

1 ຂ່າວຄາວ 12:1 Jak'a apnaqawi uñst'ayäwi

2 ຊາມູເອນ 1:1

ຫລັງຈາກ​ກະສັດ​ໂຊນ​ໄດ້​ຕາຍໄປ​ແລ້ວ ດາວິດ​ກໍໄດ້​ກັບຄືນ​ມາ​ຈາກ​ການ​ຮົບ​ຊະນະ​ພວກ​ອາມາເຫຼັກ ເພິ່ນ​ໄດ້​ຢູ່​ໃນ​ເມືອງ​ຊິກລັກ​ເປັນ​ເວລາ​ສອງ​ວັນ.

2 ຊາມູເອນ 2:3

ນອກຈາກນີ້ ຍັງ​ມີ​ທະຫານ​ແລະ​ຄອບຄົວ​ຂອງ​ພວກເຂົາ​ໄປ​ນຳ​ດາວິດ​ດ້ວຍ ແລະ​ພວກເຂົາ​ກໍໄດ້​ຕັ້ງ​ຫຼັກແຫຼ່ງ​ຢູ່​ຕາມ​ຖິ່ນ​ອ້ອມແອ້ມ​ເມືອງ​ເຮັບໂຣນ.

2 ຊາມູເອນ 4:10

ມີ​ຜູ້ນຳຂ່າວ​ໄດ້​ມາ​ຫາ​ເຮົາ​ທີ່​ເມືອງ​ຊິກລັກ ແລະ​ບອກ​ເຮົາ​ເຖິງ​ການ​ຕາຍ​ຂອງ​ກະສັດ​ໂຊນ ໂດຍ​ຄິດ​ວ່າ​ຕົນ​ນຳ​ເອົາ​ຂ່າວ​ດີ​ມາ​ບອກ, ແຕ່​ເຮົາ​ໄດ້​ຈັບ​ເອົາ​ຜູ້ນັ້ນ​ໄປ​ຂ້າ​ເສຍ. ນີ້​ແຫຼະ ຄື​ບຳເໜັດ​ທີ່​ເຮົາ​ໃຫ້​ລາວ​ສຳລັບ​ຂ່າວ​ດີ​ນັ້ນ.

1 ຂ່າວຄາວ 11:10

ຕໍ່ໄປນີ້​ແມ່ນ​ລາຍຊື່​ທະຫານ​ຜູ້​ທີ່​ມີ​ຊື່ສຽງ​ຂອງ​ກະສັດ​ດາວິດ. ໂດຍ​ຮ່ວມ​ກັບ​ປະຊາຊົນ​ອິດສະຣາເອນ​ສ່ວນ​ອື່ນໆ ທະຫານ​ເຫຼົ່ານີ້​ໄດ້​ຊ່ວຍ​ດາວິດ​ໃຫ້​ໄດ້​ຂຶ້ນ​ເປັນ​ກະສັດ ຕາມ​ຖ້ອຍຄຳ​ທີ່​ພຣະເຈົ້າຢາເວ​ໄດ້​ສັນຍາໄວ້​ໂດຍ​ຊາວ​ອິດສະຣາເອນ; ແລະ​ພວກເຂົາ​ຍັງ​ໄດ້​ຊ່ວຍ​ຮັກສາ​ໃຫ້​ອານາຈັກ​ຂອງ​ເພິ່ນ​ໝັ້ນຄົງ​ດ້ວຍ.

1 ຂ່າວຄາວ 11:19

ແລະ​ທັງ​ເວົ້າ​ວ່າ, “ເຮົາ​ບໍ່​ອາດ​ຈະ​ດື່ມ​ນໍ້າ​ນີ້​ໄດ້​ດອກ ມັນ​ເທົ່າ​ກັບ​ດື່ມ​ເລືອດ​ຂອງ​ຄົນ​ເຫຼົ່ານີ້​ທີ່​ໄດ້​ສ່ຽງ​ຊີວິດ​ຂອງ​ພວກເຂົາ!” ສະນັ້ນ ເພິ່ນ​ຈຶ່ງ​ປະຕິເສດ​ທີ່​ຈະ​ດື່ມ. ອັນ​ນີ້​ແມ່ນ​ວິລະກຳ​ຂອງ​ຈອມສາມ​ທະຫານເອກ.

1 ຂ່າວຄາວ 11:47

ເອລີເອນ, ໂອເບັດ ແລະ​ຢາອາສີເອນ ຊາວ​ໂຊບາ.

1 ຂ່າວຄາວ 8:33

ເນຣະ​ເປັນ​ພໍ່​ຂອງ​ກີເຊ ແລະ​ກີເຊ​ເປັນ​ພໍ່​ຂອງ​ກະສັດ​ໂຊນ. ກະສັດ​ໂຊນ​ມີ​ລູກຊາຍ​ສີ່​ຄົນ​ດັ່ງນີ້: ໂຢນາທານ, ມັນກີຊູອາ, ອາບີນາດາບ ແລະ​ເອຊະບາອານ.

1 ຂ່າວຄາວ 9:39

ເນຣະ​ເປັນ​ພໍ່​ຂອງ​ກີເຊ ແລະ​ກີເຊ​ເປັນ​ພໍ່​ຂອງ​ໂຊນ. ໂຊນ​ມີ​ລູກຊາຍ​ສີ່​ຄົນ ດັ່ງນີ້: ໂຢນາທານ, ມັນກີຊູອາ, ອາບີນາດາບ ແລະ​ເອຊະບາອານ.