1 ຂ່າວຄາວ 11:16 - ພຣະຄຳພີສັກສິ

¹⁶ ໃນ​ເວລາ​ນັ້ນ ກະສັດ​ດາວິດ​ໄດ້​ພັກ​ຢູ່​ໃນ​ປ້ອມ​ປ້ອງກັນ​ທີ່​ເທິງ​ເນີນພູ ແລະ​ພວກ​ຟີລິດສະຕິນ​ໝວດ​ໜຶ່ງ​ຢຶດເອົາ​ເມືອງ​ເບັດເລເຮັມ​ໄດ້.

1 ຂ່າວຄາວ 11:16 Jak'a apnaqawi uñst'ayäwi

2 ຊາມູເອນ 5:17

ເມື່ອ​ພວກ​ຟີລິດສະຕິນ​ໄດ້ຍິນ​ຂ່າວ​ວ່າ, ດາວິດ​ໄດ້​ຮັບ​ແຕ່ງຕັ້ງ​ໃຫ້​ເປັນ​ກະສັດ​ແຫ່ງ​ຊາດ​ອິດສະຣາເອນ​ແລ້ວ ພວກເຂົາ​ຈຶ່ງ​ຍົກທັບ​ມາ​ເພື່ອ​ຈະ​ຈັບ​ເອົາ​ເພິ່ນ. ພໍ​ກະສັດ​ດາວິດ​ໄດ້​ຍິນ​ຂ່າວ​ນີ້ ເພິ່ນ​ຈຶ່ງ​ລົງ​ໄປ​ຢູ່​ໃນ​ປ້ອມ​ປ້ອງກັນ​ເມືອງ.

1 ຂ່າວຄາວ 11:17

ກະສັດ​ດາວິດ​ຄິດຮອດ​ບ້ານ​ຈຶ່ງ​ເວົ້າ​ວ່າ, “ຜູ້ໃດ​ໜໍ​ຈະ​ໄປ​ເອົາ​ນໍ້າ​ຈາກ​ສ້າງ​ທີ່​ປະຕູ​ເມືອງ​ເບັດເລເຮັມ​ມາ​ໃຫ້​ເຮົາ​ດື່ມ!”

ເພງ^ສັນລະເສີນ 142:1

ຂ້ານ້ອຍ​ຮ້ອງຫາ​ພຣະເຈົ້າຢາເວ ດ້ວຍ​ສຽງ​ຄໍ່າຄວນ ແລະ​ພາວັນນາ​ອະທິຖານ​ຂໍ​ພຣະເຈົ້າຢາເວ ດ້ວຍ​ສຽງ​ປາກ​ຂອງ​ຂ້ານ້ອຍ.

1 ຊາມູເອນ 10:5

ຕໍ່ຈາກນັ້ນ ເຈົ້າ​ຈະ​ໄປ​ເຖິງ​ເນີນພູ​ຂອງ​ພຣະເຈົ້າ​ທີ່​ເມືອງ​ກີເບອາ ບ່ອນ​ທີ່​ພວກ​ຟີລິດສະຕິນ​ຕັ້ງ​ຄ້າຍ​ຢູ່. ທີ່​ທາງ​ເຂົ້າ​ປະຕູ​ເມືອງ ເຈົ້າ​ຈະ​ພົບ​ຜູ້ທຳນວາຍ​ກຸ່ມ​ໜຶ່ງ​ທີ່​ກຳລັງ​ດີດພິນ, ຕີ​ກອງ ແລະ​ເປົ່າ​ຂຸ່ຍ ພວມ​ລົງ​ມາ​ແຕ່​ເນີນພູ​ບ່ອນ​ມີ​ແທ່ນບູຊາ. ພວກເຂົາ​ຈະ​ຟ້ອນ​ແລະ​ຮ້ອງ​ໂຮ​ດ້ວຍ​ສຽງດັງ.

1 ຊາມູເອນ 13:23

ພວກ​ຟີລິດສະຕິນ​ໄດ້​ສົ່ງ​ທະຫານ​ໝວດ​ໜຶ່ງ ໄປ​ທີ່​ຊ່ອງແຄບ​ມິກມາດ​ເພື່ອ​ປ້ອງກັນ​ທີ່​ນັ້ນ​ໄວ້.

1 ຊາມູເອນ 13:4

ເມື່ອ​ຊາວ​ອິດສະຣາເອນ​ທັງໝົດ​ໄດ້ຍິນ​ຂ່າວ​ວ່າ, ກະສັດ​ໂຊນ​ໄດ້​ຂ້າ​ຜູ້​ບັນຊາການ​ທະຫານ​ຟີລິດສະຕິນ ແລະ​ຊາວ​ຟີລິດສະຕິນ​ກໍ​ກຽດຊັງ​ພວກຕົນ. ສະນັ້ນ ພວກເຂົາ​ຈຶ່ງ​ຕອບ​ສະໜອງ​ຄຳ​ຮຽກຮ້ອງ ເພື່ອ​ເຂົ້າ​ໄປ​ສົມທົບ​ກັບ​ກະສັດ​ໂຊນ​ທີ່​ເມືອງ​ກິນການ.

1 ຊາມູເອນ 22:1

ແລ້ວ​ດາວິດ​ກໍໄດ້​ອອກ​ຈາກ​ເມືອງກາດ​ໄປ​ຢູ່​ໃນ​ຖໍ້າ​ທີ່​ໃກ້​ກັບ​ເມືອງ​ອາດຸນລຳ. ເມື່ອ​ພວກອ້າຍ ແລະ​ພີ່ນ້ອງ​ທັງຫລາຍ​ໃນ​ຄອບຄົວ​ຂອງ​ພໍ່​ລາວ​ໄດ້ຍິນ​ວ່າ​ລາວ​ຢູ່​ທີ່​ນັ້ນ ພວກເຂົາ​ຈຶ່ງ​ພາກັນ​ໄປ​ສົມທົບ​ກຳລັງ​ກັບ​ລາວ.

1 ຊາມູເອນ 22:4

ແລ້ວ​ດາວິດ​ກໍໄດ້​ພາ​ພໍ່​ແມ່​ໄປ​ປະ​ໄວ້​ກັບ​ກະສັດ​ແຫ່ງ​ໂມອາບ. ພໍ່​ແມ່​ຂອງ​ດາວິດ​ໄດ້​ອາໄສ​ຢູ່​ໃນ​ທີ່ນັ້ນ ຕະຫລອດ​ຊົ່ວ​ເວລາ​ທີ່​ດາວິດ​ຍັງ​ລີ້ໄພ​ຢູ່​ໃນ​ຖໍ້າ.

1 ຊາມູເອນ 22:5

ແລ້ວ​ຜູ້ທຳນວາຍ​ທີ່​ຊື່​ວ່າ​ກາດ ກໍໄດ້​ມາ​ຫາ​ດາວິດ​ແລະ​ບອກ​ເພິ່ນ​ວ່າ, “ໃຫ້​ໜີໄປ​ຈາກ​ດິນແດນ​ຢູດາຍ​ນີ້​ສາ ຢ່າ​ຢູ່​ໃນ​ບ່ອນນີ້​ຕໍ່ໄປ.” ດັ່ງນັ້ນ ດາວິດ​ຈຶ່ງ​ໄດ້​ໜີໄປ​ຢູ່​ປ່າ​ເຮເຣັດ.

1 ຊາມູເອນ 23:25

ກະສັດ​ໂຊນ​ກັບ​ທະຫານ​ຂອງ​ເພິ່ນ​ໄດ້​ອອກ​ໄປ​ຊອກ​ຫາ​ດາວິດ ແຕ່​ເພິ່ນ​ຮູ້​ເລື່ອງ​ນີ້​ກ່ອນ ຈຶ່ງ​ໄດ້​ປົບ​ໜີໄປ​ທີ່​ເນີນພູ​ຫີນ ໃນ​ຖິ່ນ​ແຫ້ງແລ້ງ​ກັນດານ​ມາໂອນ ແລະ​ອາໄສ​ຢູ່​ໃນ​ທີ່ນັ້ນ. ເມື່ອ​ກະສັດ​ໂຊນ​ຮູ້​ຂ່າວ​ນີ້ ເພິ່ນ​ກໍ​ອອກ​ຕາມລ່າ​ດາວິດ.