1 ຂ່າວຄາວ 1:34 - ພຣະຄຳພີສັກສິ

³⁴ ອີຊາກ​ລູກຊາຍ​ຂອງ​ອັບຣາຮາມ​ມີ​ລູກຊາຍ​ສອງ​ຄົນ​ຊື່​ວ່າ ເອຊາວ​ແລະ​ຢາໂຄບ.

1 ຂ່າວຄາວ 1:34 Jak'a apnaqawi uñst'ayäwi

ປະຖົມມະການ 25:19

ຕໍ່ໄປນີ້​ແມ່ນ​ເລື່ອງ​ຂອງ​ອີຊາກ ລູກຊາຍ​ຂອງ​ອັບຣາຮາມ.

ປະຖົມມະການ 32:28

ຊາຍ​ນັ້ນ​ເວົ້າ​ວ່າ, “ຊື່​ຂອງ​ເຈົ້າ​ຈະ​ບໍ່ແມ່ນ​ຢາໂຄບ​ອີກ​ຕໍ່ໄປ. ເຈົ້າ​ໄດ້​ຕໍ່ສູ້​ກັບ​ພຣະເຈົ້າ ແລະ​ມະນຸດ ແລະ​ເຈົ້າ​ຊະນະ; ສະນັ້ນ ຊື່​ຂອງ​ເຈົ້າ​ຈະ​ແມ່ນ​ອິດສະຣາເອນ.”

ປະຖົມມະການ 32:29

ຢາໂຄບ​ຂໍຮ້ອງ​ວ່າ, “ບັດນີ້ ຈົ່ງ​ບອກ​ຊື່​ຂອງ​ເຈົ້າ​ໃຫ້​ຂ້ອຍ​ຮູ້​ແດ່.” ແຕ່​ຊາຍ​ຄົນ​ນັ້ນ​ຕອບ​ວ່າ, “ເຈົ້າ​ຢາກ​ຮູ້​ຊື່​ຂອງຂ້ອຍ​ເຮັດ​ຫຍັງ?” ແລ້ວ​ເພິ່ນ​ກໍໄດ້​ອວຍພອນ​ຢາໂຄບ.

1 ຂ່າວຄາວ 1:28

ອັບຣາຮາມ​ມີ​ລູກຊາຍ​ສອງ​ຄົນ​ຊື່​ວ່າ ອີຊາກ​ແລະ​ອິດຊະມາເອນ.

1 ຂ່າວຄາວ 1:33

ມີດີອານ​ມີ​ລູກຊາຍ​ຫ້າ​ຄົນ ດັ່ງນີ້: ເອຟາ, ເອເຟ, ຮານົກ, ອາບີດາ ແລະ​ເອນດາອາ, ທັງໝົດ​ນີ້​ແມ່ນ​ເຊື້ອສາຍ​ຂອງ​ເກຕູຣາ.

ລູກາ 3:34

ຢູດາ​ເປັນ​ລູກຊາຍ​ຂອງ​ຢາໂຄບ, ຢາໂຄບ​ເປັນ​ລູກຊາຍ​ຂອງ​ອີຊາກ, ອີຊາກ​ເປັນ​ລູກຊາຍ​ຂອງ​ອັບຣາຮາມ, ອັບຣາຮາມ​ເປັນ​ລູກຊາຍ​ຂອງ​ເຕຣາ, ເຕຣາ​ເປັນ​ລູກຊາຍ​ຂອງ​ນາໂຮ,

ກິດຈະການ 7:8

ແລ້ວ​ພຣະເຈົ້າ​ກໍ​ໃຫ້​ອັບຣາຮາມ​ເຮັດ​ພິທີຕັດ ເພື່ອ​ເປັນ​ເຄື່ອງໝາຍ​ແຫ່ງ​ພັນທະສັນຍາ. ດັ່ງນັ້ນ ອັບຣາຮາມ​ຜູ້​ເປັນ​ພໍ່ ຈຶ່ງ​ເຮັດ​ພິທີຕັດ​ໃຫ້​ອີຊາກ​ໃນ​ວັນ​ທີ​ແປດ ຫລັງຈາກ​ທີ່​ລາວ​ໄດ້​ເກີດ​ມາ ອີຊາກ​ໄດ້​ເຮັດ​ພິທີຕັດ​ໃຫ້​ຢາໂຄບ ແລະ​ຢາໂຄບ​ໄດ້​ເຮັດ​ພິທີຕັດ​ໃຫ້​ລູກຊາຍ​ສິບສອງ​ຄົນ​ຂອງຕົນ ຄື​ບັນພະບຸລຸດ​ແຫ່ງ​ເຊື້ອຊາດ​ຂອງ​ພວກເຮົາ.