Zefanaya 1:18 - Holy Bible Nigerian Pidgin English

¹⁸ Una gold and silva nor go save una wen God go show as E dey vex rish. En jealousy bi like fire and di fire go distroy di world. Yes, na God make evribody for di world dey fear.

Zefanaya 1:18 Jak'a apnaqawi uñst'ayäwi

Zefanaya 3:8

So God sey, “Una must get patient as una dey wait for mi. For di day wen I go attack kon karry all una propaty, I don decide sey, I go gada nashons and kingdoms togeda kon pour my vexnashon on dem. Bikos my vexnashon go full di whole world.

Ezekiel 7:19

Dem go trowey dia gold and silva for di street like sey na dirty, bikos gold or silva nor go fit save dem wen God vexnashon go kom and dem nor go fit use am get wetin dem wont or chop am like food and na dis gold and silva make dem sin.

Proverbs 11:4

Wen God won judge yu, yor money and propaty nor go fit help yu, but na to obey God bi di only tin wey go fit save yor life.

Matiu 16:26

Wetin pesin go gain, if di whole world bi en own, but e luz en soul? Or wetin pesin go fit give take pay for en soul?

Jenesis 6:7

So Oga God sey, “I go distroy human being wey I kreate komot for dis eart; plus evritin, from human being go rish animals, join di ones wey dey creep for groun and di birds for di sky, bikos I dey vex sey I kreate dem.”

Zefanaya 1:15

Dat day, God go vex well-well and di wahala and pain nor go eazy at-all. Dat day go bi to skata and distroy; day wen evriwhere go dark well-well. Yes! Dat day go kom with tick kloud and darkness.

Zefanaya 1:11

All of una wey dey stay near di market, make una kry with pain, bikos I go distroy all doz wey dey sell and buy.

Ezekiel 16:38

I go distroy yu, bikos of yor ashawo life and doz wey yu kill. Den with my vexnashon, I go ponish yu till yu die.

Jeremaya 9:11

God sey, “I go pak dirty full Jerusalem and jackals go dey stay der, den I go turn Judah town to desert where nobody dey stay.”

Jeremaya 7:20

So, di Oga God sey, “I go pour my vexnashon for dis land. I go pour am put for both pipol and animals body and even di trees and food wey dem plant. My vexnashon go burn like fire and nobody go fit kwensh am.”

Isaya 1:24

Naw, make una listin to wetin Israel God wey get pawa, dey tok, “I go fight against my enemies kon pay dem back for wetin dem do.

Psalms 78:58

Dem dey make God vex as dem dey build shrine for oda gods; dem really make God jealous with dia juju.

1 Kings 14:22

Judah pipol sin well-well and dem kon make God vex pass as E vex for dia grand-grand papa.

Deutronomi 31:17

For dat time, I go vex for dem well-well kon leave and hide my face from dem until dia enemies kill dem finish. Many wahala and trobol go ovakom dem and dem go sey, ‘Dis wahala don finish us, bikos God no dey with us again.’

Proverbs 18:11

Rish pipol dey tink sey di propaty wey dem get go protet dem like strong high wall wey dey round di town.

Psalms 79:5

My God, na how long Yu go dey vex with us? Na forever? Na how long yor vexnashon go dey burn like fire?

Job 21:30

Di day wey God go vex ponish pipol, na di wiked ones E go sorry for.

1 Korintians 10:22

Abi wi dey try to make Christ vex? Wi strong pass God?

Jeremaya 7:34

For Judah town and Jerusalem street, I go make sure sey nobody dey shaut or happy with joy sey pesin dey marry. Dis na bikos di whole land dey empty and dirty don full der.”

Ezekiel 7:5

Dis na wetin God wey get pawa tok: “Israel pipol, I go ponish una well-well.

Ezekiel 7:11

Wahala don turn swod wey go ponish wiked pipol. Nor of dia tins go remain: dia money, propaty, happiness and glory, all of dem go vanish.

Ezekiel 23:25

Bikos I dey vex for yu, I go let dem ponish yu as dem dey vex. Dem go kut yor nose and ear komot and dem go kill yor shidren. Yes! Dem go take yor shidren from yor hand kon burn dem alive.

Zefanaya 2:2

Make una gada before judgement go start; before una time to turn from sin kom meet God go pass, just like wen breeze blow leaf trowey. Make una do di rite tin naw, before God vexnashon go fall on-top una and before en judgement go start.

Job 3:15

I for dey rest with prince wey get gold and wey silva full dia palis.

Isaya 10:3

Naw, wetin una go do wen God won judge una? Wen God bring wahala from far kountry kom meet una, na who una won run go meet make e help una? Where una go hide una propaty and money put?

Isaya 10:17

Den God, wey bi Israel lite, go bi like fire. God wey dey holy go bi fire and E go use one day take burn Assyria king and en pipol.