Psalms 96:4 - Holy Bible Nigerian Pidgin English

⁴ God dey great! Make all praiz bi en own! E big pass all di oda gods.

Psalms 96:4 Jak'a apnaqawi uñst'ayäwi

Psalms 145:3

God dey great! Na only en wi suppose to dey praiz! Nobody fit measure as E big rish.

Psalms 18:3

I koll God wey get all di praiz and E save mi from my enemies.

Revelashon 15:4

Na who nor go fear and praiz yor name? Bikos na only yu dey holy. Pipol for evriwhere go kom woship yu, bikos dem dey si di good tins wey yu dey do.”

Psalms 95:3

Di Oga na great God! Na great King wey pass evry oda god.

Psalms 89:7

Even angels dey honor am wen dem gada togeda and E great pass evribody wey dey round en throne.

Psalms 66:3

Make una tell God, “Si as di tins wey Yu do dey great. Yu skata yor enemies with yor strong pawa!

Psalms 86:10

bikos Yu big well-well and dey do wonderful tins. Na only Yu bi God,

Psalms 48:1

Si as awa God great rish! Wi go praiz am for en own town wey dey on-top en holy mountin!

Luke 12:5

But make I tell una who una must fear: Make una fear di Pesin wey get pawa to trow una inside hell-fire afta E don kill una. Yes, I tell una true word, na-im una must fear!

Psalms 66:5

Make una kom si wetin God don do; di wonderful mirakles wey E do among en pipol!

Exodus 18:11

Naw, I know sey God big pass all di gods, bikos en pipol don dey save from Egypt pipol pawa; Egypt pipol wey wiked and like yanga well-well.”

Jeremaya 5:22

God sey, “Una nor suppose fear mi wey bi God? Why una nor dey shake with fear wen una si mi? Na mi make san as boundary for sea and dis san nor go let di sea flow pass where I sey make e flow rish. Di wave fit karry di sea up-and-down, but e nor go fit pass der. Di wave fit make nois, but dem nor go fit pass di boundary.

Psalms 76:7

No wonder dem dey fear Yu well-well! Na who fit stand for yor front wen Yu dey vex?

Nehemaya 9:5

Levi pipol: Jeshua, Kadmiel, Bani, Hashabneaya, Sherebaya, Hodaya, Shebanaya and Petahaya kon tell di pipol sey, “Make una stand praiz di Oga una God bikos E dey forever and ever!” Den dem pray sey, “Wi go praiz yor holy name! Make yor name high pass evry blessing and praiz!

1 Samuel 4:8

Dis one sirious well-well! Na who go save us from dis big-big gods? Dis na di gods wey kill Egypt pipol with difren diziz for di desert!

2 Kronikles 2:4

I dey ready to build one temple to honor di Oga my God and to dedikate am gi-am. I go burn betta incense for am; offa bread and burnt sakrifice evry morning and evening and for Sabat Day too. I go do di same tin for new moon festival and evry oda tin wey di Oga my God tok. Dis na wetin Israel pipol go dey do.

Psalms 150:2

Make wi praiz am for di big-big tins wey E dey do; make wi praiz am, bikos en greatness good pass evritin!

Daniel 2:47

Di king sey, “Na yor God big pass among all gods! Na-im bi God of all kings and E dey show pipol wetin dey sekret and na-im make yu fit tok all dis tins so!”