Psalms 94:8 - Holy Bible Nigerian Pidgin English

⁸ But una wey bi fool, make una tink again! Wen una go really get sense to undastand?

Psalms 94:8 Jak'a apnaqawi uñst'ayäwi

Psalms 92:6

Who nor get sense nor go fit know wetin Yu dey do and na only fools nor go undastand sey:

Titus 3:3

Before naw, wi dey bihave like fool; wi nor dey obey; wi dey deceive pipol; wi bi savant to tins wey dey sweet us; wi dey do bad tins and dey jealous odas; pipol hate us and wi hate dem too.

Psalms 49:10

Wi know sey even wise pipol must die; both fools and doz wey dey spiritual still dey die too and na odas go kollect evritin plus di money wey dem get.

Romans 3:11

Nobody dey wey wise or undastand God.

Proverbs 12:1

Pesin wey dey happy wen dem korrect am, get wisdom, but anybody wey dey vex wen dem korrect am, nor get sense.

Deutronomi 32:29

How I wish sey dem get sense and fit undastand dis tins or know wetin go happen to dem.

Jeremaya 10:8

Evribody for dis world na fool and dem nor get sense. Wetin dem fit learn from juju wey dem make from wood?

Isaya 27:11

Di pipol bi like trees branches wey don dry and skata for groun; wey wimen dey gada take do firewood. So, bikos di pipol nor undastand anytin, God wey kreate dem nor go sorry or pity for dem.

Proverbs 8:5

Una wey nor know anytin, make una get wisdom. Una wey nor wise at-all, make una try get sense.

Psalms 73:22

I bin dey do like fool wey sturbon. I know sey for yor present, I bin look like animal wey nor get sense.

Proverbs 1:22

Pipol wey nor get sense, na how long una won take bi fool? Na how long una won take wisdom do yeye? Una nor won learn at-all?