Psalms 89:3 - Holy Bible Nigerian Pidgin English

³ God sey, “I don make kovenant with David, my savant wey I choose. I don promise am sey:

Psalms 89:3 Jak'a apnaqawi uñst'ayäwi

Psalms 132:11

God promise David di kind promise wey nor go shange sey: “I go put one among yor shidren for di throne.

Acts 2:30

Wi know sey en na profet, bikos God don promise am sey, naim pikin dem go always bi king for Israel.

Psalms 89:28

I go love and dey kind to am forever and my kovenant with am, nor go ever end.

1 Kings 8:16

‘From di time wey I bring my pipol kom out from Egypt, I neva choose any town among Israel land where dem go build temple put to woship mi, but I choose yu, David, so dat yu go rule my pipol.’ ”

2 Samuel 23:5

Na so God go take bless my shidren-shidren, bikos E don make kovenant wey go last forever with mi: agriment wey nor dey break and promise wey nor dey shange. Na wetin go give mi viktory bi dat and God go make am happen.

Hibru 7:21

but Jesus kon bi priest wen God sey, “I don swear and I nor go shange my mind sey yu go bi priest forever.”

Hosea 3:5

But di time dey kom wen Israel pipol go turn kom meet Oga God and one among David shidren-shidren, go bi dia king. Den dem go fear God and E go bless dem.

Isaya 55:3

My pipol, make una open una ear as una dey kom meet mi; make una kom meet mi and una go get life! I go give una kovenant wey go last forever kon give una di blessings wey I promise David.

2 Samuel 3:9

Make God ponish mi Abner, If I nor help David get wetin Oga God don promise am.

Matiu 3:17

Naim one vois from heaven kon sey, “Dis na My pikin wey I love and e dey make belle sweet mi.”

Jeremaya 30:9

Dem go serve mi wey bi di Oga dia God and na one of David shidren-shidren, go bi dia king.

Psalms 89:39

Yu don forget di kovenant wey Yu make with am kon trow en crown for dust.

Psalms 78:70

E choose David en savant, wen E koll am from where e for dey kare for sheep.

Isaya 42:1

God sey, “Na my savant wey I give pawa bi dis; di pesin wey I choose and I dey happy with am. I don put my Spirit inside am and e go judge di nashons well.

Psalms 89:19

Before-before, Yu tok thru vishon to pipol wey dey obey Yu. Yu sey, “I don choose sojas and I don selet one yong man from di pipol as king.

Judges 2:1

God angel komot from Gilgal go Bokim kon tell Israel pipol, “Na mi bring una kom out from Egypt kon put una for dis land wey I promise to give una grand-grand papa and I tok sey I nor go break my promise with una.