Psalms 78:8 - Holy Bible Nigerian Pidgin English

⁸ Dem nor go bi like dia grand-grand papa wey sturbon; pipol wey nor gri obey, listin or give dia heart to God.

Psalms 78:8 Jak'a apnaqawi uñst'ayäwi

Psalms 78:37

Dia heart nor dey loyal to God and dem nor gri keep en kovenant.

Exodus 32:9

Den God sey, “I don si how dis pipol sturbon and nor dey hear word.

Ezekiel 20:18

Instead, I warn di yong pipol wey dey with dem sey: ‘Make una nor follow di laws wey una papa dem make or follow wetin dem dey do or serve di juju wey dem dey serve.

2 Kings 17:14

But una nor gri listin, instead una dey show strong head like dia grand-grand papa wey nor trust di Oga dia God.

Deutronomi 31:27

bikos I know as una sturbon rish. True-true, as I stay among una kon rish today, una still dey disobey God; so how una sturbones go kon bi wen I don die?

Acts 7:51

“Si how una sturbon! Just as una grand-grand papa dem bi, na so una still bi too, bikos una don make una heart strong to disobey God!

Ezekiel 20:8

But dem rijet mi and nor gri listin to mi. Dem nor gri trowey dia juju or stop to woship Egypt gods and naw, I dey ready to make dem feel as my vexnashon strong rish.

2 Kronikles 30:7

Make una nor bi like una papa wey nor dey obey dia grand-grand papa God wey make am vex distroy dem and una know evritin.

Deutronomi 9:24

Una don dey sin against di Oga una God rite from di first day wey I know una!

Deutronomi 9:13

God still sey, “I don si sey dis pipol sturbon well-well!

Exodus 33:5

God tell Moses, “Make yu tell Israel pipol sey, ‘Una too sturbon. So, if I go with una, I fit vex distroy una. Naw make una remove all una gold and fine klot, even doh I still dey tink wetin I go do with una.’ ”

Exodus 33:3

Una dey go di land where milk and honey full. But I nor go dey with una, bikos una bi sturbon pipol and if I travel with una, I fit go distroy una for road.”

Acts 11:23

Wen e rish der kon si how God don bless di pipol, e happy well-well kon enkourage dem sey make dem kontinue to woship God with all dia heart.

Isaya 30:9

Bikos dis pipol sturbon and dey lie well-well; dem bi shidren wey nor gri obey God law.

Psalms 106:7

Awa grand-grand papa dem nor tank Yu for all wetin Yu do for dem for Egypt. Dem kwik forget all di good-good tins wey God do for dem. True-true, dem go against God kommand, afta dem cross di Red Sea.

Psalms 68:6

God dey find place put pipol wey don run komot from dia house bikos of war, E dey free prisonas kon make dem prosper. But pipol wey dey sin, dey stay for desert forever.

Job 11:13

But for yu Job! Make yor heart dey rite before yu koll God.

2 Kronikles 30:19

evribody wey won follow God wey bi en grand-grand papa God, even doh dem nor dey klean as dem rite am for di temple law.”

2 Kronikles 20:33

But e nor still skata all di place where dem for dey serve juju and di pipol nor use all dia mind serve dia grand-grand papa God.

2 Kronikles 19:3

But yu don still do some good tins before. Yu remove Asherah juju from di town and yu really won follow God.”

2 Kronikles 12:14

E sin against God bikos e nor gri serve am with en whole heart.

Deutronomi 4:4

But all of una wey dey faithful to God still dey alive till today.

Exodus 34:9

kon sey, “My Oga God, if I really dey good for yor eye, make Yu go with us, bikos wi bi sturbon pipol; make Yu forgive us awa evil and sin kon take us as yor pipol.”

Joshua 22:15

Dem kon go Gilead land go meet Reuben tribe, Gad tribe and half of Manasseh tribe kon tell dem:

1 Samuel 8:8

Since I take dem komot Egypt kon rish today, na so dem dey rijet mi. Dem rijet mi kon dey serve difren gods. Na di same tin dem dey do to yu naw.

Psalms 78:40

Dem sin against am many times for di wildaness kon make am vex for dat dry dirty land.

Psalms 78:56

But Israel pipol still dey test and sin against di Most High God and dem nor gri obey en laws.