Psalms 7:9 - Holy Bible Nigerian Pidgin English

⁹ Make Yu stop di bad tins wey wiked pipol dey do kon defend doz wey dey good, bikos my God wey dey good, know wetin dey pipol mind and heart.

Psalms 7:9 Jak'a apnaqawi uñst'ayäwi

Jeremaya 11:20

So I pray to God: “My Oga God wey dey rule all of us; yor judgement na true and Yu dey si wetin pipol dey tink for dia heart. Make Yu fight dis pipol for mi, bikos my life dey yor hand.”

Jeremaya 17:10

Na mi wey bi God dey si and test human being heart. I dey trit each pesin akordin to how e dey live en life and wetin e dey do.

Jeremaya 20:12

My God wey dey mighty; Yu dey give korrect judgement to pipol and Yu know wetin dey dia heart and mind. So, make I si how Yu won take revensh my enemies, bikos I don put my problem for yor hand.

1 Kronikles 28:9

Den e tell Solomon, “My pikin, I kommand yu sey make yu know yor papa God and make yu use all yor mind and heart take serve am. E know all wetin wi dey tink and wetin wi wont. If yu go meet am, E go take yu, but if yu turn from am, E go abandon yu forever.

1 Samuel 16:7

But God tell Samuel, “Make yu nor happy, bikos of how en face look, bikos nor bi en I choose. God nor dey si tins di way una dey si am. Pipol dey look pipol from how dem bi for outside, but God dey look pipol from how dem bi for dia heart.”

Revelashon 2:23

I go kill all en shidren, den all di church pipol go know sey, I know wetin dey for pipol mind and heart. I go reward evribody akordin to wetin e do.

Psalms 139:1

My God, Yu shek my heart well-well and Yu know evritin about mi.

Psalms 44:21

E go know, bikos E know wetin dey evribody mind.

Psalms 37:23

God dey lead doz wey dey fear am. E dey-dey happy with evritin wey koncern dia life.

Psalms 26:2

O my God, make Yu look mi well-well, den test my heart, so dat Yu go know wetin I dey tink.

Psalms 11:5

God dey si both good and bad pipol. E hate doz wey love wahala.

Psalms 10:15

Make Yu break wiked and evil pipol hand! Make Yu ponish dem for dia wiked plans wey dem tink sey Yu nor know about.

Romans 16:25

Make wi praiz God, bikos e don make una strong thru dis Good News wey I dey prish about en pikin, Jesus Christ. For many years naw, dem keep dis message for sekret,

Psalms 17:3

Na nite wen I dey sleep Yu take test my mind kon shek my heart. Yu don shek mi kon si sey I nor dey wrong. I don sey I nor go sin with wetin I dey tok or do.

Acts 12:23

At wons God angel kon nak Herod fall for groun, bikos e nor give God glory and plenty worm kon chop en body till e die.

Psalms 58:6

So my God, make Yu break dia tit! Make Yu skata di lion jaw.

Psalms 10:18

Yu go judge well for shidren wey nor get papa and mama and doz wey dem dey opress, so dat wiked pipol nor go ever treaten dem again.

Daniel 11:45

E go even build small palis for di sea centre near di holy mountin. But wen e go die, nobody go dey der to help am.”

Psalms 40:2

E take mi komot from di pit where shame, pain and sofa full kon put my leg for groun wey strong well-well, den E make mi strong as I dey waka.

1 Samuel 2:9

E dey wosh and guide di pipol wey E choose, but E dey make wiked pipol shut up for di dark place wey dem dey, bikos nobody fit win war with en own pawa.

Jude 1:1

Dis leta na from Jude, Jesus Christ savant and James broda. To di pipol wey God don koll, wey Papa God love don wrap like klot for Jesus Christ body.

1 Pita 5:10

Afta una don sofa small, God wey koll una with en grace enter en glory for Christ, go make una komplete, una leg go strong and una go get pawa.

1 Tesalonians 3:13

so dat una heart go dey strong for holiness. And for di time wey Christ go kom with en pipol, una go dey without fault for God present.

Jenesis 20:5

But Abraham tell mi sey na en sista and even di woman still sey Abraham na en broda. All wetin I do na with betta mind and I neva do any bad tin.”

1 Kings 8:32

my Oga God, make Yu listin from heaven, den kon judge yor savants. Make Yu ponish di one wey do bad as e fit am kon free di one wey dey rite.

Psalms 9:9

Na God dey guide doz wey dem dey opress; na-im dey save dem wen trobol kom.

Psalms 18:21

bikos I dey always keep en kommand. I neva ever turn from my God kon follow evil.

Psalms 35:23

Make Yu raiz-up kom defend mi! My Oga God, make Yu take my matter like yor own.

Psalms 43:1

My God, make Yu show sey I dey innocent! Save mi from pipol wey nor dey fear Yu. Diliver mi from doz wey dey lie,

Psalms 96:10

Make una tell di nashons sey, “Na God dey reign!” Di world stand gidigba and dem nor go fit shake am. God go judge evribody akordin to wetin dem do.

Psalms 96:13

before God, bikos E dey kom! Yes, E dey kom judge di eart. E go judge di world well-well and E go judge evribody akordin to wetin dem do.

Psalms 98:9

before awa Oga God, bikos E dey kom judge di whole world. E go judge di whole world well kon judge evribody, with raitiousness.