Psalms 68:4 - Holy Bible Nigerian Pidgin English

⁴ So, make una sing to God! Make una sing praiz en name! Make una praiz di Pesin wey dey ride on-top kloud! Na God bi en name! Make una happy for en present!

Psalms 68:4 Jak'a apnaqawi uñst'ayäwi

Deutronomi 33:26

Israel pipol, no god bi like una God. E dey kom help una from heaven and di sky with en wonderful pawa.

Psalms 66:4

Evritin for eart go woship Yu; dem go sing yor praiz kon dey shaut for glory as dem dey koll yor name.”

Psalms 104:3

Yu build yor palis kon put am on-top di kloud where rain from dey kom. Yu turn di kloud to yor shariot kon dey ride am on-top di wind.

Psalms 68:33

bikos na en bi di Pesin wey dey di sky from one generashon go rish anoda! Si! Na-im dey make dat loud tonda nois.

Psalms 66:2

Make una sing about di glory wey en name dey bring! Make una tell di world how en glory big rish.

Psalms 67:4

Make strenjas happy well-well, bikos Yu dey judge pipol matter well and na Yu dey rule di world.

Psalms 18:10

E sidan on-top angel feada kon fly go; E fly go with strong breeze.

Isaya 40:3

One vois dey kry sey, Prepare one road for di wildaness for God! Make una klear di road for di desert for awa God!

Psalms 83:18

Den dem go know sey na only Yu bi God, di Pesin wey get pawa pass for di whole world.

Exodus 6:8

I go take and give una di land wey I promise sey I go give Abraham, Isaak and Jakob. Na mi bi Oga God!’ ”

Exodus 6:3

‘Na mi appear to Abraham, Isaak and Jakob as di Almighty God, but di pipol nor know sey my name na Oga God,’ too.

Exodus 3:14

God ansa, “I bi Who I bi. Dis na wetin yu go tell dem, ‘Na di God wey bi who E bi send mi kom meet una.’ ”

Isaya 62:10

Jerusalem pipol, make una go outside di town go build road for una pipol wey dey kom back! Make una do betta road kon remove all di stones for der! Make una put one sign, so dat all di nashons go know

Isaya 19:1

Dis message na about Egypt: Si, God dey ride on-top di kloud kom Egypt. Egypt juju fear wen dem si am and di pipol heart kon fail dem.

Psalms 5:12

My God, true-true, Yu dey reward doz wey dey fear Yu. Yu dey always protet dem well-well, bikos of yor favor wey nor dey end.

Psalms 16:11

Yu don show mi di way wey dey give life kon give mi joy for yor present and I dey happy to stay with Yu forever.

Psalms 97:11

Pipol wey dey fear God, lite dey shine for dia body and doz wey get pure heart, dey always happy.

Proverbs 10:28

Di hope wey good pipol get, dey give dem joy, but wiked pipol, nor get wetin dem dey hope for.