Psalms 66:2 - Holy Bible Nigerian Pidgin English

² Make una sing about di glory wey en name dey bring! Make una tell di world how en glory big rish.

Psalms 66:2 Jak'a apnaqawi uñst'ayäwi

Revelashon 5:13

Den I hear evritin wey God kreate for heaven, eart, under eart, sea and evritin wey dey inside dem dey sing sey: “Make praiz, honor, glory and pawa to rule, bi di Pesin wey sidan for di throne and di Lamb own, forever and ever!”

Isaya 49:13

So heavens make una shaut for joy! Eart, make una shaut dey happy! Make di mountins bigin sing, bikos God go konfort en pipol kon sorry for di ones wey dey sofa.

Isaya 42:12

Make di pipol wey dey stay far, give God praiz and glory kon tok as E good rish!

Psalms 107:22

Make dem tank am with sakrifice kon sing about di tins wey E do.

Nehemaya 9:5

Levi pipol: Jeshua, Kadmiel, Bani, Hashabneaya, Sherebaya, Hodaya, Shebanaya and Petahaya kon tell di pipol sey, “Make una stand praiz di Oga una God bikos E dey forever and ever!” Den dem pray sey, “Wi go praiz yor holy name! Make yor name high pass evry blessing and praiz!

Psalms 107:15

So make dem praiz God, bikos of en great love and for di wonderful tins wey E don do for dem,

Psalms 106:2

Who fit kount all di wonderful mirakles wey God don do? Who go fit praiz am rish?

Psalms 79:9

My God wey dey save us, make Yu kom help us! Make Yu forgive us, bikos of di glory wey dey yor name.

Psalms 72:18

Make una praiz di Oga wey bi Israel pipol God bikos of di wonderful tins wey E do and na only en fit do dem.

Isaya 6:3

Each of dem dey sing dey sey, “holy, holy, holy! Na God wey get pawa, dey holy and en glory full di world.”

Psalms 68:33

bikos na en bi di Pesin wey dey di sky from one generashon go rish anoda! Si! Na-im dey make dat loud tonda nois.