Psalms 61:4 - Holy Bible Nigerian Pidgin English

⁴ Make Yu let mi stay yor temple forever, den I go dey save under Yu.

Psalms 61:4 Jak'a apnaqawi uñst'ayäwi

Psalms 27:4

Na only one tin I ask from God and dat na wetin I wont! Na make I stay for God house forever, so dat I go dey si en mighty works kon always dey happy for inside en temple.

Psalms 23:6

True-true, en goodness and love wey nor dey fail go dey follow mi till I die and I go dey for God house forever and ever.

Psalms 17:8

Make Yu protet mi as pesin dey protet en own eye. Make Yu hide mi under yor feada.

Psalms 91:4

E go kover yu with en feada and na der yu go dey save. Na en promise wey nor dey fail, dey guide and protet us.

Psalms 63:7

help and save mi. I dey sing for joy, bikos I dey under yor shadow.

Psalms 57:1

My God, make Yu sorry for mi. Abeg, sorry for mi, bikos na Yu dey protet mi. I go hide under yor shadow until I don free from all dis wahala.

Psalms 15:1

My God, na who go fit woship for yor temple? Na who go enter yor present for yor holy hill?

Matiu 23:37

“O! Jerusalem pipol, O! Jerusalem pipol! Una wey kill di profets and stone di pipol wey God send kom meet una! I don dey try to gada una shidren as fawol dey gada en shidren under am, but una nor let mi do am.

Psalms 62:7

My viktory and honor dey kom from God. Na-im dey guide mi and na-im bi my Rock, so nobody fit kom attack mi for der.

Rut 2:12

God go bless yu for evritin wey yu dey do! Di Oga wey bi Israel God wey dey protet yu, go pay yu for all di good tins wey yu don do!”

Revelashon 3:12

Anybody wey fit bear rish di end, I go make am pila for my Papa Temple and e nor go ever komot from der. I go rite my Papa name; David Town; di new Jerusalem wey dey kom from heaven and my own new name, put for en body.

Psalms 91:1

Pipol wey dey stay where di Most High God dey, go dey save under en shadow.

Hibru 6:18

God nor dey lie! So di promise wey E make and ensef wey E take swear, na two tins wey nor go shange. Since wi don run go meet God make E guide us, e good make awa mind strong, so dat wi nor go fear as wi bilive en promise.

Psalms 92:13

Bikos God don plant dem for en house, dem go grow well.

Psalms 90:1

My Oga God, from generashon to generashon na Yu dey protet us!

Psalms 61:7

Make di king rule with God proteshon forever. Make yor love wey nor dey fail and faithfulnes, keep di king.

Proverbs 18:10

God name na strong place to hide put, raitious pipol dey run enter and dem dey-dey save.