Psalms 59:16 - Holy Bible Nigerian Pidgin English

¹⁶ But for mi, I go sing about yor pawa. Evry morning, I go sing with joy about yor love wey nor dey fail, bikos na Yu bi my guide; di place where I dey hide wen trobol kom.

Psalms 59:16 Jak'a apnaqawi uñst'ayäwi

Psalms 21:13

My God, make Yu raiz-up with all yor pawa and wi go praiz and sing songs to take celebrate evritin wey Yu don do.

Efesians 3:20

So, make all di glory bi God own; di Pesin wey dey do pass di tins wey wi go fit ask or tink, thru en pawa wey dey work inside us.

Romans 15:9

so dat Gentile pipol go praiz God sey e dey good to dem. Just as God word sey, “I go tell Gentile pipol about yu and I go sing, dey praiz yor name.”

Psalms 30:5

Bikos en vexnashon nor dey tey, but en favor dey last forever! Even doh I kry for nite, I know sey joy go kom for morning.

Psalms 143:8

Evry morning, make I dey hear about yor love wey nor dey fail, bikos I trust Yu. Make Yu show mi where to go, bikos I don give mysef to Yu.

Psalms 138:7

Even doh trobol gada round mi, Yu still kom save mi. Yu protet mi from my enemies wey dey vex for mi and yor rite hand kon save mi.

2 Korintians 1:10

E save us from deat and E go diliver us. Wi don put awa hope for en hand sey E go diliver us again.

Psalms 101:1

My God, I go sing about yor love and how Yu dey judge! I go praiz Yu with difren song.

Hibru 5:7

Wen Jesus still dey dis eart, e pray and kry to God wey go save am from deat. God hear en prayers, bikos e obey God for evritin.

Psalms 145:11

Dem go tok about di glory wey dey yor kingdom; dem go tell pipol about yor pawa.

Psalms 36:5

My God, yor love wey nor dey fail, big and wide like di heavens; just as yor goodness high pass di kloud for sky.

Psalms 31:7

I go happy and dance for yor love wey nor dey fail, bikos Yu don si my trobol and Yu kare about di pains wey dey my heart.

Psalms 4:1

My God, make Yu ansa mi wen I koll Yu. Na only Yu go fit diliver and free mi from wiked pipol and all my trobol. Make Yu sorry for mi kon hear my prayers.

Job 37:23

Wi nor fit kom klose to God, bikos en pawa big well-well! E always dey rite and korrect as E dey deal with us.

Jeremaya 30:7

Di day wen una go face sirious wahala dey kom and dem nor go fit kompare am with any oda day. Even doh di wahala go too mush for my pipol, dem go survive am.”

Psalms 89:1

I go always dey sing about God love wey nor dey fail! Both yong and old pipol go hear about how God good rish.

Psalms 88:13

My God, I dey kry give Yu and I go kontinue to beg Yu evriday by day.

Psalms 77:2

Wen I dey trobol, I look for God. Thru-out di nite, I pray and lift my hand go heaven, but nor-tin fit konfort my soul.

Psalms 46:1

Na God bi di strong place wey wi dey hide put and na-im dey help us wen wi dey trobol.

1 Samuel 17:37

David still sey, “God wey diliver mi from di lion and di bear, go still diliver mi from dis Filistia man hand!” Den Saul kon tell David, “Make yu go fight am and make God dey with yu.”

Psalms 5:3

Make Yu listin to my vois for morning, bikos evry morning, I dey kom meet Yu and dey wait with patient make Yu ansa mi.

Psalms 106:8

But God still save dem, just to defend di honor for en name and to show en mighty pawa.

Psalms 86:13

bikos di love wey Yu get for mi, big well-well and Yu don save mi from deat.

2 Samuel 22:3

Na God dey protet and save mi. Na-im bi my shield and E dey defend mi. E dey protet and save mi from danger.

Exodus 15:6

My Oga God, yor rite hand get betta pawa and e skata di enemies to pieces.

Job 15:23

Dem dey waka anyhow dey find food. Dem know sey di day wey God go distroy dem don near.