Psalms 56:6 - Holy Bible Nigerian Pidgin English

⁶ Dem dey gada hide dey look mi; dey monitor mi as I dey waka and dem dey ready to kill mi.

Psalms 56:6 Jak'a apnaqawi uñst'ayäwi

Psalms 71:10

My enemies dey gossip mi. Dem dey plan how dem go take kill mi.

Psalms 59:3

My God, si as dem dey wait for korna to katch mi; wiked and strong men dey wait to katch mi, even doh I nor sin or do bad tin.

Psalms 140:2

doz wey dey plan evil for dia heart and dey kause trobol waka.

Luke 20:20

Den di Farisee pipol and di law tishas kon dey wosh Jesus well-well. Dem send some pipol go pritend like sey dem dey follow Jesus, so dat dem go fit use en word against am, kon ripot am to di Roman Govnor.

Matiu 27:1

For early morning, di priest oga dem and di eldas kon dey plan as dem go take kill Jesus.

Matiu 26:57

Naw di pipol wey arrest Jesus take am go meet Kaiafas di High Priest, wey di law tishas and eldas don gada for en house.

Daniel 6:4

So di oda two men and di govnors kon dey find how dem go take trap Daniel, but dem nor si, bikos all wetin Daniel dey do, dey rite.

Jeremaya 20:10

I hear as pipol dey gossip mi. Dem dey koll mi, “Di Man Wey Fear One Kill.” Dem dey treaten sey, “If yu tok anytin here, wi go ripot yu.” Even my friends before, dey look and dey wait make I fall. Dem dey sey, “E go fall enter di trap, den wi go know sey wi don revensh am back.”

Isaya 54:15

Anybody wey attack una, do am on en own and anybody wey dey fight una, go fall.

Psalms 89:51

Yor enemies dey laf and fool mi. Anywhere wey di king wey Yu anoint go, na so-so laf dem dey laf am.

Psalms 57:6

My enemies don set trap for mi and I don taya bikos of dia wahala. Dem dig deep pit for where I dey waka pass, but na dem go fall enter by demsef.

Psalms 37:32

Wiked pipol dey set trap for God pipol, dem dey find ways to take kill dem.

Job 31:4

God know evritin wey I dey do; E dey si evry step wey I dey take.

Job 14:16

“Naw, bikos na Yu dey kount my steps, Yu nor go kount my sins again.

Job 16:10

Pipol dey curse and laf mi. Dem dey slap mi for face and dem don gada against mi.

Proverbs 24:15

Make yu nor bi like wiked pipol wey dey plan to tif from good pipol or break enter dia house,